وحدت نیوز (کراچی) مجلس وحدت مسلمین ضلع ملیر کے وفدکی سیکریٹری جنرل سید احسن عباس رضوی کی سربراہی میں جنرل مینیجرکے الیکٹرک آئی بی سی ملیر مزمل الہیٰ سے ملاقات، اس موقع پر ایم ڈبلیوایم کے رہنماسید عارف رضا اور ممتاز مہدی بھی ان کے ہمراہ تھے، ایم ڈبلیوایم کے رہنماؤں نے ماہ مبارک رمضان تک ملیر کے بہتر ریکوری والے علاقوں کو لوڈشیڈنگ فری کرنے کا مطالبہ کیا، احسن عباس رضوی نے کہاکہ بنڈل کیبلنگ اور نئے میٹرز کی تنصیب کے بعد وولٹیج کی کمی بیشی اور بجلی چوری جیسے مسائل کا خاتمہ ہوا ہے، جبکہ صارفین کی جانب سے واجبات کی بروقت ادائیگی کی پابندی بھی کی جارہی ہےجس کا واضح ثبوت ریکوری ریشو میںمسلسل اضافہ ہے، جبکہ ادارے کو خاطرخواہ منافع بھی حاصل ہورہاہےادارے کو بجلی چوری سے نجات اور خسارے میں کمی کے بعد عوام کا پرزور مطالبہ ہے کہ ملیر ، جعفرطیار، محمدی ڈیرہ، سعود آباد، کھوکراپار،برف خانہ ، معین آباد اور دیگر علاقوں کو جلد از جلد لوڈ شیڈنگ فری قراردیا جائے۔

جنرل مینیجرکے الیکٹرک مزمل الہیٰ نے ایم ڈبلیوایم کے رہنماؤں کو یقین دہانی کروائی کہ انشاءاللہ ماہ مبارک رمضان تک جعفرطیار سوسائی ملیر اور ملحقہ بہتر ریکوری والے علاقوں کو لوڈ شیڈنگ فری کردیا جائے گا،ایم ڈبلیوایم کی جانب سے سروے نمبر 491،492اور نادعلی اسکوائرکے علاقے کو پیر محفوظ فیڈر پر منتقل کرنے کے مطالبے پر کے الیکٹرک حکام نے کہاکہ تمام مذکورہ سروے آج ہی دوبارہ پیر محفوظ فیڈر پر منتقل کرکے جعفرطیار سوسائٹی کے ساتھ منسلک کردیئے جائیں گے اور صارفین کو اضافی لوڈشیڈنگ کا بھی سامنا نہیں ہوگا،انہوںنے مزید کہا کہ مرکزی امام بارگاہ سب اسٹیشن کی مرمت کے باعث بعض صارفین کو درپیش مشکلات اور اضافی لوڈ شیڈنگ کا آئندہ ہفتے تک خاتمہ کردیا جائے گا۔

 سروے نمبر 417جعفرطیار سوسائٹی کے مکینوں کو درپیش مشکلات کی نشاندہی پرجی ایم مزمل الہیٰ نے کہاکہ نفیس فیڈر پر جلد بنڈل کیبلنگ اور نئے میٹرز کی تنصیب کا کام مکمل کرکے صارفین کی شکایت کا ازالہ کردیا جائے گا، ایم ڈبلیوایم کے وفد کی جانب سے محمدی ڈیرہ کے رہائشی عوام کو درپیش مشکلات کی نشاندہی پرجی ایم کے الیکٹرک نے کہاکہ باغ ملیر فیڈر پر مشتمل علاقوں میں بنڈل کیبلنگ اورنئے میٹرز کی تنصیب کاکام آخری مراحل میں ہے،جلد ہی محمدی ڈیرہ ، مسرت کالونی ، بکرا پیٹری ، داؤد گوٹھ، باؤٹ گوٹھ، محبت نگر کے عوام بھی بہتر ریکوری کے بعد لوڈشیڈنگ سے نجات حاصل کرسکیں گے۔

وحدت نیوز (کوئٹہ) مجلس وحدت مسلمین کوئٹہ سٹی کے سیکریٹری جنرل ارباب لیاقت علی ہزارہ نے اپنے بیان میں کہا کے کرونا وائرس کو صرف زائرین سے جوڑنا ان کی منافقانہ طرز عمل کی نشانی ہے۔ اس فاشسٹ پارٹی کو زائرین سے مسئلہ نہیں بلکہ امام حسین علیہ السلام سے مسئلہ ہے ان کو۔ یہ فاشسٹ ٹولا مظلوم ہزارہ مومنین کو نقصان دینے کے درپے ہے اور ہزارہ قوم کو دو گلیوں میں محدود کرنا چاہتے ہے ان زائرین میں پنجاب، سندھ، خیبر پختون خواہ اور گلگت بلتستان سے لوگ شامل ہے۔ لیکن زائرین کی آمد سے علمدار روڈ اور ہزارہ ٹاون میں الہی برکات نازل ہوتے ہیں، کیونکہ وہ زوار امام حسین علیہ السلام، حضرت ابولفضل عباس علیہ السلام، مولا کائنات امام علی علیہ السلام، امام علی رضا علیہ السلام، بی بی معصومہ قم  و دیگر مزارات سے ہوکر آتے ہیں۔

 علاوہ ازیں آگر معاشی لحاظ سے دیکھا جائے تو زائرین کی برکت سے علمدار روڈ اور ہزارہ ٹاون کے روزگار کا پہیہ تیز ہوتا ہے۔کبھی رکشے والے، تندور والے، سبزی والے، اور پرچون والے سے پوچھ لیں۔ اور یاد رہے ایران میں صرف زائرین نہیں جاتے بلکہ غریب مزدور اور تجارت کے غرض سے بھی لوگ جاتے ہے اور بیان صرف زائرین کے خلاف دینا ان کی منافقانہ سوچ ہے۔ کرونا وائرس افغانستان میں بھی پھیلا تھا نہ تو باڈر بند ہوا اور نہ تو لوگوں کی آمد و رفت بند ہوئی جوکہ سنے میں آیا ہے کے پیر کو افغان باڈر بند کردیا ہے۔ بقول صوبائی حکومت جو زائرین ایران سے آتے ہی ان کو 14 دن تک آئسولیشن وارڈ میں رکھتے ہے جب تک ان کو کلیئرنس نہیں ملتا یہ لوگ تقتان سے نہیں جاسکتے اس فاشسٹ پارٹی کو کون سمجھائے جو کہ صوبائی حکومت میں شامل ہے۔ آئین پاکستان سب کو یہ اجازت دیتا ہے کہ آزادی سے پاکستان کے کیسی بھی حصہ میں آزادی سے گھومے پیرے کیسی کو یہ حق حاصل نہیں کے بکواس کرے۔ زائرین تو بہت خوش ہونگے آگر کانوائے کو ختم کردیا جائے۔ آگر اس فاشسٹ پارٹی کے دونوں ایم پی ایز کے پاس آگر اختیارات ہے تو کانوائے کو ختم کرائے۔ زائرین کوئٹہ آنے کے بجائے ڈائریکٹ تقتان جانا پسند فرمائیں گے

وحدت نیوز(جیکب آباد) جیکب آباد شہر کی سیاسی سماجی اور مذہبی تنظیموں کے زیراہتمام شہر کے بنیادی مسائل کے حل کے لئے علامہ مقصود علی ڈومکی کی قیادت میں ریلی نکالی گئی۔ عوامی حقوق ریلی سے انجینئر عید محمد ڈومکی، عابد سندھی ،سید غلام شبیر شاہ نقوی، عبدالسمیع سومرو، نذیر حسین دایو ،علامہ حاجی سیف علی ڈومکی، ایڈووکیٹ وحید علی بروہی ،مقدم فدا حسین لاشاری ،منصب علی شیخ ،سید لعل شاہ بخاری ،بابو نجیب زھری ، عمران سولنگی ،حبیب اللہ لاشاری، حبدار علی شیخ اور احسان سہاگ کا خطاب۔

 اس موقع پر خطاب کرتے ہوئے علامہ مقصود علی ڈومکی نے کہا ہے کہ جیکب آباد کے عوام آج بھی پینے کے صاف پانی اور صحت و صفائی کی بنیادی سہولیات سے محروم ہیں۔ قبائلی جگھڑوں کے باعث بے گناہ انسان قتل ہو رہے ہیں۔

 مجلس وحدت مسلمین ضلع جیکب آباد کے رہنما نذیر حسین دایو نے کہا کہ منتخب نمائندے عوامی مسائل حل کریں۔ لوگ غربت اور بے روزگاری سے پریشان ہیں۔وحید علی بروہی نے کہا کہ جیکب آباد  شہر کی سیاسی سماجی اور مذہبی تنظیموں کا الائنس جیکب آباد کے مسائل حل کرنے کے لئے میدان عمل میں موجود ہے۔انجینئر عید محمد ڈومکی نے کہا کہ بجلی اور گیس کی لوڈشیڈنگ کے باعث عوام پریشان ہیں۔

وحدت نیوز(کندھ کوٹ)مجلس وحدت مسلمین پاکستان کے مرکزی ترجمان علامہ مقصود علی ڈومکی کا دورہ کندھ کوٹ۔ضلعی سیکرٹری جنرل میر فائق علی جکھرانی کی رہائشگاہ پر سردار حیدر علی جکھرانی سے ملاقات مختلف امور پر تبادلہ خیال ۔

انہوں نے کندھ کوٹ میں سردار احمد علی خان بنگوار سے بھی ملاقات کی۔ اس موقعہ پر ضلعی سیکرٹری جنرل میر فائق علی جکھرانی و دیگر ان کے ہمراہ تھے۔اس موقع پر گفتگو کرتے ہوئے علامہ مقصود علی ڈومکی نے کہا ہے کہ مجلس وحدت مسلمین عوام کی خدمت پر یقین رکھتی ہے ہم اقدار کی سیاست کے امین ہیں انبیائے کرام اور آئمہ اھل البیت ع کی سیاست کا مقصد اقتدار نہیں بلکہ اعلی انسانی اقدار کا تحفظ تھا۔

انہوں نےکہا کہ اھل انسانوں کو نظرانداز کرکے پئسے دھونس اور دھاندلی سے نا اھلوں کا بر سر اقتدار آجانا ہی ہمارے معاشرے کا المیہ ہے۔ آئندہ بلدیاتی انتخابات سمیت ہر انتخابی مرحلے میں آئین کی دفعہ 61 اور 62 پر عمل در آمد ضروری ہے۔

انہوں نے مطالبہ کیا کہ ملک میں متناسب نمائندگی کے نظام کو  رائج کیا جائے جس میں ووٹ ضائع نہیں ہوتے اور اھل انسان اقتدار تک پہنچتے ہیں۔ وطن عزیز پاکستان کے حالات متناسب نمائندگی کا تقاضا کرتے ہیں۔

وحدت نیوز(کراچی) مجلس وحدت مسلمین اور آل پاکستان پلگرمس ایسوسی ایشن کی مشترکہ پریس کانفرنس سے خطاب کرتےہوئے ایم ڈبلیوایم  صوبہ سندھ کے صوبائی ڈپٹی سیکرٹری جنرل علی حسین نقوی، علامہ صادق جعفری اور علامہ مبشر حسن سمیت دیگر صوبائی رہنماؤں نے  کہا کہ ہے کہ کروناوائرس کی آڑ میں ملت تشیع کی کردارکشی کسی صورت برداشت نہیں۔بیماریوں کا تعلق مسلک سے نہیں افراد سے ہے۔ میڈیا کے ذریعے کرونا وائرس کے ہر مریض کو کسی زائر کے کھاتے میں ڈالنا مسلکی تعصب کو ہوا دینے کے مترادف ہے۔کرونا وائرس کے نام پر زائرین اور قافلہ سالاروں کو ہراساں کرنا نامناسب عمل ہے۔کرونا کے مسئلے پر حکومت کا غیر ذمہ دارانہ طرز عمل ملت تشیع کے لیے اضطراب اور تشویش کا باعث ہے۔

انہوں نے کہا کرونا وائرس سے متاثرہ افراد کی سب سے بڑی تعداد چین میں رپورٹ کی گئی ہے۔چین سے پاکستان کے تجارتی روابط اور افراد کی نقل و حرکت میں کسی قسم کی کوئی کمی نہیں آئی۔ اس کے برعکس ایران میں زائرین کی بڑی تعداد کو روک لیا گیا ہے  اور زائرین کے خلاف مسلسل پروپیگنڈہ جاری ہے۔ یہ سب کس کی ایما پر ہو رہا ہے بہت جلد منظر عام پر آ جائے گا۔

انہوں نے کہا کہ یہ تاثر دینا کسی صورت درست نہیں کہ کرونا وائرس کے پھیلاؤ کا سبب ایران سے واپس آنے والے زائرین ہیں۔ارض پاک میں کسی بھی ایسی سازش کو پنپنے کا موقع نہیں دیا جائے گا جو طبقاتی یا مسلکی تفریق کا باعث ہو۔ انہوں نے کہا کہ وائرس کی رپورٹ کے بعد ایران میں پاکستانی زائرین کی ایک بڑی تعداد پھنسی ہوئی ہے۔ایران میں موجود پاکستانی سفارت خانہ پاکستانی زائرین کی مشکلات کے ازالے کے لیے ذمہ دارانہ کردار ادا نہیں کررہا جس سے زائرین کی مشکلات میں بتدریج اضافہ ہوتا جا رہا ہے۔ دیار غیر میں اپنی شہریوں کی مشکلات کا ازالہ کسی بھی سفارت خانے کی ذمہ داریوں کا حصہ ہے۔

رہنماؤں نے کہاکہ مقامات مقدسہ کی زیارت پر جانے والے پاکستانی شہریوں کو اس اذیت ناک صورتحال سے نکالنے کے لیے حکومت کو ہنگامی سطح پر اقدامات کرنے چاہیے۔ایران عراق جانے والے زائرین کی ویزہ اور بیرون ملک قیام کی اجازت کا دورانیہ انتہائی مختصر ہوتا ہے۔زائرین نے رہائش و طعام کے ذاتی  انتظامات بھی قیام کی مدت کو مدنظر رکھ کر کیے ہوتے ہیں۔ زائرین کے قیام میں طوالت ان کے لیے رہائشی و سفری مشکلات اور اشیائے خوردونوش کی عدم دستیابی کی شکل میں سامنے آنا شروع ہو گیا ہے۔

انہوں نے حکومت پاکستان سے مطالبہ کیا ہے کہ زائرین کی واپسی کے لیے خصوصی پروازوں کا انتظام کیا جائے تاکہ زائرین اور ان کے خاندانوں کو درپیش اضطراب کا خاتمہ ہو۔ جو زائرین زمینی راستے کے ذریعے پاکستان کے سرحدی علاقے تفتان میں داخل ہو رہے ہیں انہیں پاکستان ہاؤس میں غیر ضروری قیام پر مجبور کیا جا رہا ہے جو اپنی شہریوں کے ساتھ بدترین زیادتی اور قابل مذمت ہے۔کروناوائرس کو بنیاد بنا کر زائرین اور ٹورز آپریٹرز کو تنگ کرنے کا سلسلہ بند کیا جائے۔حکومتی ادارے کرونا وائرس کی روک تھام کے لیے ادویہ اور دیگر ضروری اشیاء کی وافر مقدار اور مناسب قیمت پر مارکیٹ میں دستیابی کو یقینی بنائیں اس سلسلے میں خوف وہراس پھیلانے سے گریز کیا جائے۔کانفرنس میں علامہ علی انور جعفری،میر تقی ظفر،ناصر الحسینی سمیت زیارات و ٹور آپریٹرز کے ذمہ داران سید عابد رضوی،عوسجہ رضوی،محسن بادامی،غضنفر رضوی،ذولفقار نقوی،سلمان حیدر،علی اصغر،دانش رضوی سمیت زیارات و ٹور آپریٹرزکی بڑی تعداد موجود تھی۔

وحدت نیوز(علی پور) مجلس وحدت مسلمین کے فلاحی ادارے شعبہ خیرالعمل فائونڈیشن کے زیراہتمام علی پور کے علاقے بستی عظیم شاہ (لتی) میں عوام کی فلاح و بہبود کے لیے ''زینب الحورا'' کے نام سے ہسپتال کا افتتاح کر دیا گیا، افتتاحی تقریب میں مجلس وحدت مسلمین کے مرکزی سیکرٹری تنظیم سازی علامہ سید غلام شبیر بخاری، مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی، صوبائی رہنماء زعیم زیدی، ضلعی سیکرٹری جنرل علی پور رضوان حیدر کاظمی اور شاکر حسین کاظمی نے شرکت کی۔ افتتاح کے موقع پر اہل علاقہ کی بڑی تعداد موجود تھی جنہوں نے مجلس وحدت مسلمین کے اس پراجیکٹ کو سراہا اور اسے غریب عوام کے لیے ایک نعمت قرار دیا۔

تقریب سے خطاب کرتے ہوئے علامہ غلام شبیر بخاری کا کہنا تھا کہ مجلس وحدت مسلمین ایک فلاحی سسٹم رکھتی ہے، ایم ڈبلیو ایم نے ملک بھر میں اس حوالے فلاحی پراجیکٹس مکمل کیے ہیں، علی پور جیسے پسماندہ علاقے میں نئے ہسپتال کا قیام خوش آئند ہے، اس ہسپتال سے ماہانہ ہزاروں افراد مستفید ہوں گے۔ تقریب سے خطاب کرتے ہوئے علامہ اقتدار حسین نقوی نے کہا کہ ایک طرف مجلس وحدت مسلمین عوام میں سیاسی شعور بیدار کر رہی ہے تو دوسری جانب مختلف انداز میں عوامی خدمت کا سلسلہ جاری ہے، جنوبی پنجاب کے مختلف اضلاع میں ڈسپنسریوں کا قیام عوامی فلاح کا ایک منصوبہ ہے، خیرالعمل فائونڈیشن جنوبی پنجاب میں کئی پراجیکٹس پر کام کر رہی ہے، جس کا مقصد عوام الناس کو سہولیات پہنچانا ہے۔