وحدت نیوز(ملتان)مجلس علمائے مکتب اہلبیت جنوبی پنجاب کی صوبائی شوریٰ کا اجلاس امام بارگاہ سائبان زہراء سبزہ زار کالونی ملتان میں منعقد ہوا۔ اجلاس کی صدارت صوبائی صدر جنوبی پنجاب علامہ قاضی نادر حسین علوی نے کی جبکہ مجلس وحدت مسلمین پاکستان کے چیئرمین علامہ راجہ ناصر عباس جعفری نے بطور مہمان خصوصی شرکت کی۔ مجلس علمائے مکتب اہلیبیت پاکستان کے مرکزی رہنماء علامہ محمد اصغر عسکری نے بطور مرکزی نمائندہ شرکت کی۔ صوبائی شوریٰ کے اجلاس میں صوبائی کابینہ کے علاوہ جنوبی پنجاب کے تمام اضلاع کے ضلعی صدور، جنرل سیکرٹری اور سیکرٹری تربیت نے شرکت کی۔
اجلاس میں یوتھ ونگ کے سیکرٹری علامہ اعجاز حسین بہشتی، مرکزی ڈپٹی جنرل سیکریٹری سلیم عباس صدیقی ، مجلس وحدت مسلمین جنوبی پنجاب کے صدر علامہ اقتدار نقوی، عزاداری ونگ جنوبی پنجاب کے صدر ممبر ڈویژنل امن کمیٹی انجینئر سخاوت علی سیال، علامہ وسیم عباس معصومی، علامہ ساجد رضا اسدی، علامہ ذوالفقار علی حیدری، علامہ طاہر عباس نقوی، علامہ غلام مصطفیٰ انصاری اور دیگر نے شرکت کی۔ اجلاس میں سہہ ماہی کارکردگی کا جائزہ لیا گیا اور آمدہ سہہ ماہی کے اہداف کا تعین کیا گیا۔ صوبائی شوریٰ کے اجلاس سے مجلس وحدت مسلمین پاکستان کے چیئرمین علامہ راجہ ناصر عباس جعفری نے خصوصی خطاب کیا۔
