وحدت نیوز(اسلام آباد) مجلس وحدت مسلمین پاکستان کے تحت شہید قائد علامہ عارف حسین الحسینی ؒ کی 31ویں برسی کے موقع پر ناصران ولایت کانفرنس کا باقائدہ آغاز تلاوت کلام پاک سے پریڈ گراؤنڈ اسلام آباد میں ہوگیا ہے ۔ تلاوت کلام پاک کی سعادت معروف قاری آصف سروری نے حاصل کی ۔ ناصران ولایت کانفرنس میں نظامت کے فرائض ایم ڈبلیوایم کے مرکزی رہنما علامہ مختارامامی اورملک اقرارحسین انجام دے رہے ہیں ۔
اس عظیم الشان اجتماع میں ایم ڈبلیوایم کے مرکزی قائدین، مذہبی وسیاسی جماعتوں کے رہنماخطاب کریں گے ۔ جبکہ خصوصی فکر انگیز خطاب مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری کریں گے ۔ کانفرنس میں شرکت کیلئے ملک کے مختلف شہروں سے ہزاروں عاشقان ولایت تشریف لائے ہیں ۔
