وحدت نیوز(لاہور) رمضان المبارک کے بعد پاکستان بھر سے لوگ اسلام آباد اور تخت لاہور کا رخ کریں گے اور ان بے حس حکمرانوں سے کی مجرمانہ خاموشی اور کرپشن کا حساب لیں گے،اقتدار کے نشے میں مست حکمرانوں کو ایک ماہ سے زائد عرصے سے جاری ہمارے پرامن احتجاج نظر نہیں آرہے،ان خیالات کا اظہارمجلس وحدت مسلمین لاہور کے سیکرٹری جنرل علامہ حسن رضا ہمدانی نے لاہور پریس کلب پر 31 دن جاری مجلس وحدت مسلمین کے بھوک ہڑتالی کیمپ میں شرکاء سے خطاب کرتے ہوئے کیا،انہوں نے کہا کہ پنجاب کی حکومت ہمارے قاتلوں اور دہشت گردوں کی سرپرستی کر رہی ہے،جنوبی پنجاب میں دہشت گردوں کیخلاف کاروائی میں سب سے بڑی رکاوٹ ن لیگ کی صوبائی و وفاقی حکومتیں ہیں،ہم جناح اور اقبال کے پاکستان کے لئے جدو جہد کر رہے ہیں اور انشااللہ اسے حاصل کر کے دم لیں گے۔