وحدت نیوز(جھنگ) مجلس وحدت مسلمین ضلع جھنگ کی تنظیم سازی کے سلسلے میں ایک اجلاس منعقد ہوا جس میں مرکزی سیکریٹری روابط محسن شہریار زیدی اور مرکزی معاون سیکریٹری امور تنظیم سازی آصف رضا ایڈوکیٹ نے خصوصی شرکت کی ۔

اجلاس میں مرکزی کابینہ کے فیصلے کی روشنی میں ضلع جھنگ شرقی اور ضلع غربی کو ایک ہی ضلع قرار دے دیا گیا، جبکہ ضلع جھنگ میں 5 رکنی آرگنائزنگ کمیٹی کا قیام عمل میں لایا گیا۔ ملک محسن ایڈووکیٹ کو ضلع جھنگ کا آرگنائزر مقرر کیا گیا۔ تحصیل شورکوٹ کا آرگنائزر مولاناسید روح اللہ کاظمی کو نامزد کیا گیا۔ تحصیل اٹھارہ ہزاری کا آرگنائزر مولانا سید اسد رضا کو نامزد کیا گیا۔

جبکہ ضلعی آرگنائزنگ کمیٹی میں ناصر موھل ، حماد رضا اور سید شبیب زیدی ایڈووکیٹ شامل ہیں۔آرگنائزنگ کمیٹی22 جولائی تک تمام تحصیلوں میں تنظیم سازی مکمل کرکے ضلعی کنونشن کا انعقاد یقینی بنائے گی۔