وحدت نیوز(حیدرآباد)مجلس وحدت مسلمین حیدر آباد کے سیکرٹری فلاح و بہبود برادر امدادعلی جعفری کو انکے گھر سادات کالونی حیدر آباد میں نامعلوم افراد نے قتل کردیا۔ ایم ڈبلیو ایم کے ترجمان کے مطابق امداد جعفری انتہائی فعال اور شفیق دوست تھے، وہ سندھ حکومت کے اعلیٰ افسر ہونے کے باوجود ملی و قومی امور میں انتہائی فعال تھے۔ ذرائع کے مطابق آج صبح امداد جعفری کی تشدد زدہ نعش گھر سے ملی، جسکے مطابق انکی گردن اور جسم پہ تشدد کے شدید نشان تھے۔ تاہم قتل کی وجہ اور قاتل کے بارے میں ابھی معلوم نہیں ہوسکا جبکہ پولیس اسکی تحقیقات کررہی ہے،پوسٹ مارٹم کے بعد لاش ورثاءکے حوالے کردی گئی ہے، مرحوم  کی نماز جنازہ مرکزی امامیہ ٹرسٹ لطیف آباد میں اداکی گئی،جس میں مرحوم کے پسماندگان سمیت اہل علاقہ اور ایم ڈبلیوایم کے رہنمائوں نے شرکت کی،جب کہ تدفین رات گئے قبرستان وادی حسینؑ میں عمل میں آئی۔