وحدت نیوز(مٹیاری) مجلس وحدت مسلمین کا کارکن ہونے کے جرم میں مٹیاری کے گاؤن تعلقہ ھالا یوسی کرم خان نظامانی گاؤن ملوک خان لغاری میں  محمد خان لغاری کے گھر  اور دکانوں پے رئیس وڈیرہ علی احمد نظامانی  کی ایماءپرسیاسی انتقام کا نشانہ بناتے ہوئے پولیس ایس ایچ او ھالا عبیداللہ رند کے سربراہی   میں  حملہ جس مین مشہور گینگ وار جعفر سھتو کے درجنو ں غنڈے بھی شامل تھے کے ساتھ  حملہ کیا،حملہ آوروں نے   چار دوکانیں مسمار کیں اور جاتے جاتے  50 بوری گندم، ایک لاکھ 50 ہزار کا سامان ٹریکٹرٹرالی میں لے کر  فرارہوگئے، پولیس نے ایف آئی آر کاٹنے سے انکار کردیا۔

واضح رہے کہ محمد خان لغاری ایم ڈبلیوایم کا ہمدردہے اور اس پر وڈیرہ علی احمد نظامانی نے یہ ظلم گذشتہ برس ضمنی انتخاب میں ایم ڈبلیوایم امیدوار سید فرمان شاہ کی حمایت کےسزاکی صورت میں کیا ہے،علی احمد نظامانی کے ہمراہ ڈیڑھ سو کے قریب مسلح غنڈے تھے جنہوں نے نا فقط مردوں بلکہ بچوں اور خواتین کو بھی شدید تشدد کا نشانہ بنایا،جبکہ اس واقعے میں علی احمد نظامانی کو ایریگیشن ڈیپارٹمنٹ کے بعد ملازمین کی بھی مدد حاصل ہے جنہوں نے محمد خان لغاری کی بستی کا پانی بند کرنے کی بھی دھمکی دی ہے۔