وحدت نیوز (کراچی) مجلس وحدت مسلمین کراچی ڈویژن کے سیکریٹری جنرل علامہ صادق جعفری نے ایم ڈبلیوایم کراچی کے رہنما سید سبط اصغرزیدی کی بلاجواز گرفتاری کی پرزورمذمت کرتے ہوئے کہاہے کہ ایم ڈبلیوایم ایک محب وطن سیاسی ومذہبی جماعت ہے ، سبط اصغر کمشنر کراچی کے فوکل پرسن اور اتحاد بین المسلمین کے داعی ہیں،ایک مذہبی سیاسی جماعت کےپرامن رہنما کو بغیر وارنٹ اور ایف آئی آر پولیس اہلکاروں کا اغواءکرلینا جمہوری اقدار کے منافی اقدام ہے، انہوں نے کہاکہ ملکی حالات ویسے ہی کشیدہ ہیں، بھارت ہماری سالمیت کے درپہ ہے اور اتنے حساس حالات میں سندھ پولیس اتنی غیر ذمہ دارانہ حرکتیں کرکے کیا ثابت کرنا چاہتی ہے، ہم گورنر سندھ، وزیر اعلیٰ سندھ اور آئی جی پولیس سے مطالبہ کرتے ہیں کہ وہ سبط اصغر کی بلاجواز اغواءنما کرفتاری کا فوری نوٹس لیں اور ان کی جلد جلد بازیابی کو یقینی بنایاجائے بصورت دیگر ایم ڈبلیوایم بھرپور احتجاج کا حق محفو ظ رکھتی ہے ۔