وحدت نیوز(کوئٹہ) مجلس وحدت مسلمین کے رکن بلوچستان اسمبلی سید محمد رضارضوی نے پیر کے روز صوبائی دارالحکومت کوئٹہ میں پاسپورٹ آفس کے مرکزی دفتر کا ہنگامی دورہ کیا۔ بلوچستان اسمبلی کے رکن نے پاسپورٹ آفس کے اسسٹنٹ ڈائریکٹر کیساتھ ملاقات میں کوئٹہ کے حلقہ پی بی 2 اور پی بی 6 کے عوام کے مسائل کے بارے میں گفتگو کی، چونکہ کوئٹہ کے عوام کو گذشتہ کچھ عرصے سے پاسپورٹ کے حصول میں مشکلات کا سامنا کرنا پڑ رہا تھا، اسی سلسلے میں ایم پی اے بلوچستان اسمبلی جناب سید محمد رضا نے پاسپورٹ آفس کا ہنگامہ دورہ کرکے انتظامیہ کو عوامی مشکلات کو جلد حل کرنے کی ہدایت دی۔ اس موقع پر انہوں نے عوام سے بھی بات چیت کی اور اُنکے مسائل کو حل کرنے کی یقین دہانی کروائی۔
مجلس وحدت مسلمین پاکستان
مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے
