وحدت نیوز(گلگت) مجلس علمائے شیعہ پاکستان کے صدر جناب حجۃ الاسلام و المسلین سید حسنین عباس گردیزی صاحب کا دورہ گلگت، مجلس علمائے شیعہ پاکستان کے صدر جناب حجۃ الاسلام و المسلین سید حسنین عباس گردیزی صاحب نے دورے کا آغاز دینور سے کیا جہاں مورخہ 2 جولائی 2022 کو امام بارگاہ شروٹ دینور میں مجلس علمائے شیعہ کے تعارفی جلسہ ہوا جس میں گلگت، حراموش،نگر،نومل اور ہوپر کے علماء شریک تھے۔

جلسے سے خطاب کرتے علامہ گردیزی صاحب نے علماء کے اجتماعی ذمہ داری  اور مجلس علماء شیعہ کے اغراض و مقاصد  پر تفصیلی گفتگو کی ۔ اس جلسے میں اتفاق رائی سے جناب حجۃ الااسلام و المسلمین محمد حسین علوی  صاحب کو مجلس علمائے شیعہ پاکستان  گلگت ریجن کا صدر منتخب کیا گیا۔اس جلسہ میں مجلس وحدت مسلمین کے شوری عالی کے رکن جناب حجۃ الاسلام و المسلمین شیخ نئیر مصطفوی نے خصوصی شرکت کیا۔

مجلس علمائے شیعہ کے صدر نے گلگت میں اسیران کی رہائی کے لئے  دئے ہوئےدھرنے میں شرکت کی  اور اسراء کے وارثین سے  ہمدردی کا اظہار کیا اور شرکاء سے مخاطب  ہو کر فرمایا کہ گلگت کےمظلومین اپنے آپ کو تنہا نہ سمجھے ہم آپ کے پیغام کو پورے پاکستان میں پھیلائیں گے۔مجلس علمائے شیعہ کے صدر نے نگر میں منعقد آئی ایس او کے مجلس عاملہ کے جلسے میں شرکت کی اور خطاب کیا۔ اور مجلس علماء شیعہ کے سربراہ اور ہمراہان نے  گلگت کےامام جمعہ جناب حجۃ الاسلام و المسلمیں سید راحت حسینی سے بھی ملاقات کی۔