وحدت نیوز(ہٹیاں بالا) مجلس وحدت مسلمین آزاد جموں وکشمیر کے وفد کاریاستی سیکرٹری جنرل علامہ سید تصور حسین نقوی الجوادی کی سربراہی میں ضلع ہٹیاں بالا کا دورہ، وفد میںریاستی سیکرٹری سیاسیات سید تصورعباس موسوی،ریاستی سیکرٹری روابط اور ریاستی سیکرٹری مالیات شامل تھے۔جبکہ ضلع ہٹیاں بالا کے سیکرٹری جنرل سید عارف حسین کاظمی اور سیکرٹری نشرواشاعت سید افضال ہمدانی بھی ریاستی وفد کے ھمراہ تھے۔وفد نے معروف عالم دین ،اہلسنت رابطہ کونسل کے سربراہ مولانا سید اسحاق حسین نقوی و پروفیسر سید شبیر نقوی سے ان کی والدہ کی وفات پر تعزیت و فاتحہ خوانی کی۔بعد ازاں وفد نے مجلس وحدت مسلمین آزاد جموں وکشمیر ضلع ہٹیاں بالا کی کابینہ سے ملاقات کی ۔ ملاقات میں ضلع ہٹیاں بالا کی تنظیمی ،مذہبی و سیاسی صورتحال پر تبادلہ خیال کیا۔