وحدت نیوز(لاہور) مجلس وحدت مسلمین لاہورشعبہ خواتین بیدیاں روڈ یونٹ کی جانب سے ولادت باسعادت سرور کائنات صلی اللہ علیہ وآلہ وسلم و امام جعفر صادق علیہ السلام کے موقع پر محفل میلاد کا انعقاد کیا گیامحترمہ حنا تقوی سیکرٹری جنرل مجلس وحدت مسلمین شعبہ خواتین لاہور نے فضائل و مناقب ختمی مرتبت آنحضرت صلی اللہ علیہ وآلہ وسلّم و امام جعفر صادق علیہ السلام بیان کیے۔
محترمہ حنا تقوی کا کہنا تھا کہ آج کا دن صادقین علیہم السلام سے منسوب ہے ۔پیغمبر اکرم حضرت محمد مصطفی (ص)کی ذات اقدس و اہلبیت علیہم السلام خداوند متعال کے جمال و کمال کا مظہر ہیں ۔اہل بیت کا دامن تھامنا اور ان سے تمسک کرنا قرآن و سنت کی صحیح شناخت کا حقیقی راستہ ہے۔ شرکاۓ محفل سے خطاب کرتے ہوئے۔
انھوں نے مزید کہا کہ یہ مبارک ایام جہاں ہمارے لیے خوشی و مسرت کا باعث ہیں وہیں ان عظیم ھستیوں کا کردار حسنہ ہمیں عمل کے ذریعے راہ نجات کی طرف دعوت دیتا ہے۔
