وحدت نیوز(قم) سیکرٹری امور خارجہ ایم ڈبلیو ایم پاکستان، سربراہ مجلس علماء امامیہ پاکستان علامہ ڈاکٹر سید شفقت حسین شیرازی نے کہا ہے کہ حضرت علامہ راجہ ناصر عباس جعفری حفظہ اللہ کے شاگرد رشید، ممتاز دینی درسگاہ جامعہ الولایہ اسلام آباد کے ہونہار اور حوزہ امام الباقرؑ دمشق کے سابق طالب علم حجۃ الاسلام ڈاکٹر سید عباس حسینی کو المصطفیٰ بین الاقوامی یونیورسٹی قم المقدس سے اسلامی فلسفہ میں پی ایچ ڈی کے مقالے کی ممتاز حیثیت میں تکمیل کے ساتھ ڈگری مکمل کرنے پر حضرت علامہ راجا ناصر عباس جعفری حفظہ اللہ، جامعہ ولایہ اور حوزہ امام الباقرؑ کے مدرسین، معاونین، طلاب کرام اور حجۃ الاسلام ڈاکٹر سید عباس حسینی کو ہدیہ تبریک پیش کرتا ہوں۔
امید ہے جناب مولانا ڈاکٹر سید عباس حسینی اپنے علمی مقام وحیثیت کے ذریعے مکتب اہل بیتؑ کی ترویج اور ملک و قوم کی موثر و مفید خدمت کے مشن میں باعث خیر و برکت ثابت ہوں گے۔ برادر عزیز کے لیے بارگاہ رب العزت سے توفیقات خیر میں اضافے کی دعا ہے۔ حضرت علامہ راجا ناصر عباس حفظہ اللہ کے مدرسے کا علمی معیار و مقام ملک و ملت کے لیے باعث افتخار ہے۔ اللہ تعالیٰ ان کی توفیقات خیر میں مزید اضافہ فرمائے۔
