The Latest

وحدت نیوز(لاہور)امامیہ اسٹوڈنٹس آرگنائزیشن طالبات لاہور کی جانب سے  منعقدہ اجلاس عمومی میں مرکزی سیکرٹری جنرل ایم ڈبلیو ایم شعبہ خواتین و رکن پنجاب اسمبلی اور امامیہ اسٹوڈنٹس آرگنائزیشن طالبات کی رکن مرکزی نظارت محترمہ سیدہ زہرا نقوی نے شرکت کی اور تنظیمی خواہران سے خطاب کیا اپنے خطاب میں جناب سیدہ دوعالم بی بی فاطمہ زہرا سلام اللہ علیھا کی ذات بابرکت کو خواتین کے لیے رول ماڈل قرار دیتے ہوے سیدہ زہرا نقوی کا کہنا تھا کہ خداوند عالم نے عورت کی شخصيت كو انسانی معاشره ميں مزید اجاگر كرنے كیلئے اپنے حبيب كو ايک ايسی بيٹی عطا کی، جس كے ساتھ رسول اكرم كا رھن سہن اور سيده كونين كی عملی زندگی ديكھ كر اسلامی اور انسانی معاشره ان سے درس لے اور انكو اپنی زندگی كیلئے نمونہ عمل قرار دے۔

 ان کا کہنا تھا حضرت فاطمه زہرا (ع) کی زندگی كا ہر پہلو الٰہی اقدار سے عبارت تها اور اسلامی تعليمات كا ایک مجسمہ جناب زہرا (ع) کی شكل ميں خداوند متعال نے عطا کیا، جو علم و دانش، حجاب و عفت، ازدواج اور شوہر كے انتخاب، فن شوہر داری اور اولاد کی تربيت، گهريلو اقتصاد کی مدد، اسلام كیلئے عورتوں كا سياسی اور اجتماعی ميدان ميں آج كی خواتين كیلئے ایک مكمل نمونہ عمل ہے انہوں نے مزید کہا کہ آج معاشرے میں شعور بصیرت اور بیداری لانے کے لئے جناب سیدہ سلام اللہ علیھا کہ مبارزاتی اور جہادی پہلوؤں کو زیادہ اجاگر کرنے کی ضرورت ہےتاکہ لوگ اپنی دینی ذمہ داریوں سے لاتعلق نہ رہیں۔

وحدت نیوز(گلگت) امامیہ اسٹوڈنٹس آرگنائزیشن پاکستان شعبہ طالبات گلگت کی جانب سے شہداء کو خراج عقیدت پیش کرنے کے لئے ایک پروقار مجلس عزاء منعقد کی گئی جس میں عالمات اور ذاکرات کے علاوہ مختلف تنظیموں اور انجمنوں کی سرکردہ خواتین نے شرکت کی ۔ مجلس وحدت مسلمین پاکستان شعبہ خواتین کی مرکزی سیکریٹری یوتھ محترمہ سائرہ ابراہیم نے آئی ایس او طالبات کی دعوت پر اس مجلس عزاء میں خصوصی طور پر شرکت کی اور خطاب بھی کیا ۔ خواتین کی ایک کثیر تعداد اس مجلس عزاء میں شریک تھی ۔

 محترمہ سائرہ ابراہیم نے شہدائے ملت ،شہدائے وطن ،شہدائے گلگت وبلتستان ،شہدائے پشاور ،شہدائے کوئٹہ ،شہدائے مچھ ،شہدائے کراچی ،شہدائے شکارپور ،شہدائے لاہور ،شہدائے بابوسر ،شہدائے اورکزئی ،شہدائے پاراچنار ،شہدائے چلاس ،شہدا ملتان ،شہدائے امامیہ اسٹوڈنٹس اور شہید علامہ ضیاءالدین موسوی کو خراج عقیدت پیش کیا اور کہا کہ ہم ان شہداء کا خون رائیگاں نہیں جانے دیں ۔ ہم پاکستان میں شہیدوں کے وارث ہیں یہ کیسے ممکن ہے کہ ہم سے پوچھے بغیر کوئی شہداء کے قاتلوں سے مذاکرات کرے ؟ شہیدوں کا لہو طاقتور ہے مگر اس کے لئے ہمیں بیداری ،آگاہی اور بصیرت کی ضرورت ہے جیسا کہ قرآن نے کہا کہ تمہیں شعور نہیں وہ شہداء کیسے زندہ ہیں ؟ پس شہداء کے لہو سے وفا ! اسی صورت ممکن ہے کہ ہم بیدار ہوں ،آگاہی اور بصیرت حاصل کرلیں ! جب ہم اس مقام پر پہنچ جائیں گے تو ہم شہداء کے اصلی قاتلوں کو پہنچان لیں گے اور جب قاتلین عاشقان خدا کو پہنچان لیا تو کبھی بھی خاموش نہیں بیٹھیں گے ۔ ھیھات من الذلہ ۔

وحدت نیوز(سکھر)مدافع عزا زینبیہ اسکاؤٹس کی جانب سے برسی شھید قاسم سلیمانی کی مناسبت سے محفل بیاد شھداء کا انعقاد کیا گیا جس میں مرکزی سیکرٹری تحفظ اعزاداری خواہر شبانہ میرانی نے خصوصی طور پر شرکت اور خطاب کیا۔ انہوں نے اپنے خطاب میں شہدائے مکتب اہل بیت (ع)کو خراج تحسین کیا اور کہا شہدائے مدافع حرم اہلبیت (ع) ہمارے لئے محترم ہیں ۔ ان شہداء کاتعلق پوری امت مسلمہ سے ہے ۔

وحدت نیوز(اسلام آباد) سنٹرل سیکریٹریٹ مجلس وحدت مسلمین پاکستان میں مرکزی شعبہ خواتین کی ایک میٹنگ منعقد ہوئی جس کی صدارت محترمہ نرگس سجاد مرکزی سیکریٹری سیاسیات وتربیت شعبہ خواتین پاکستان نے کی ۔ ان کا کہنا تھا کہ ہر میدان میں انسان ،بغیر پلاننگ اور تیاری کے بے بس ہوجاتا ہے ۔

مری سانحہ پر افسوس کا اظہار کرتے ہوئے انہوں نے کہا کہ اب وقت ایک دوسرے کو مورد الزام ٹھہرانے کا نہیں بلکہ متاثرہ خاندانوں سے اظہارہمدردی اور ان کے یتیموں کی کفالت کااور آگے کی منظم پلاننگ کرنے کا ہے کہ خدا نخواستہ اس جیسے سانحات کا تکرار نہ ہو ۔محکمہ موسمیاتکے موسمی حالات اور سفارشات پر قبل از وقت عمل کر لیا جاتا تو اس سانحہ سے بچا جاسکتا تھا ۔ جو لوگ اس سانحہ میں اللہ کو پیارے ہوگئے ہیں اللہ تعالیٰ ان کی مغفرت فرمائے ۔ اور جو لوگ ابھی تک اس علاقے میں محصور ہیں ان کی ہر ممکن مدد کی جائے ۔ جہاں تک ممکن ہوا ہم بھی اپنے قائد وحدت کے فرمان پر بردران کے شانہ بشانہ ہر ممکن تعاون کے لئے تیار ہیں ۔

 وحدت یوتھ مجلس وحدت مسلمین پاکستان کے برادران اس وقت مری میں آفت زدہ علاقے میں انتظامیہ کے ساتھ ملکر متاثرہ خاندانوں کی مدد کرنے میں مشغول ہیں ۔  میٹنگ میں محترمہ نرگس سجاد کے علاوہ محترمہ بینا شاہ مرکزی مسئول آفس ، محترمہ صدیقہ کائنات صاحبہ ضلعی سیکریٹری جنرل ضلع اسلام آباد اور محترمہ شاداب تغزل صاحبہ مرکزی معاون سیکریٹری تربیت شعبہ خواتین صاحبہ موجود تھیں ۔

وحدت نیوز(مظفرآباد) ریاست آزادجموں کشمیرکے علاقے عباس پورہ ضلع پونچھ میں جو لرزہ خیز واردات ہوئی تھی اس میںعلاقے کی معروف اور سماجی شخصیت مکتب اہبیت ؑ سے تعلق رکھنے والےسید عزیز شاہ کو دہشت گردوں نے شہید کردیا تھا ۔ اور ان کے بھائی کو زخمی کردیا تھا ۔ اس کے بعد ریاست آزاد جموں کشمیر کے صوبائی رہنما انجیئر ممتاز اپنے وفد ہمراہ شہید گھر پہنچے ۔ جنہوں نے شہید وارثوں سے اظہار ہمدردی کی اور تعزیت وتسلیت پیش کی ۔

مجلس وحدت مسلمین شعبہ خواتین کی مرکزی سیکریٹری سیاسیات وتربیت شعبہ خواتین محترمہ نرگس سجاد صاحبہ نےعباس پورہ ضلع پونچھ ریاست آزاد جموں کشمیر میں متاثرہ خاندان سے اظہار ہمدردی اور شہید کی بیوہ کی حوصلہ افزائی اور اس کی جرات کو سلام پیش کرنے کے لئے اپنے وفد کے ہمراہ شہید عزیز شاہ کے گھر پہنچیں اور شہید کی مغفرت اور انکے زخمی بھائی کی صحت کاملہ کے لئےدعا کی اور مرکزی سیکریٹری جنرل شعبہ خواتین ایم پی اے سیدہ زہراء نقوی کی جانب سے شہید کی بیوہ کے حوصلے، ہمت اور جرات کو سلام پیش کیا۔

 متاثرہ خاندان کے بزرگان اور خواتین نے سیدہ زہراء نقوی اور محترمہ نرگس سجاد کا شکریہ ادا کیا ۔تحصیل عباس پورہ ضلع پونچھ ریاست آزاد کشمیر میں دہشت گرد عزیز شاہ شہید سے ملاقات کے بہانے ان کے گھر آئے ۔عزیز شاہ شہید کے بچوں نے ان دہشت گردوں کو مہمان سمجھ کر پانی اورچائےپلائی اور مہمان کے طور پر خاظر تواضع کی ۔بچوں نے عزیز شاہ کو بتایا کہ مہمان ملنے آئے ہیں ۔اتنے میں عزیز شاہ شہیدجیسے ہی مہمانوں کے روپ میں چھپے دہشت گردوں سے ملنے کے لئے کمرے میں داخل ہوئے ان دہشت گردوں نے عزیز شاہ پر فائرنگ کردی ۔ عزیز شاہ شہید موقع پر ہی شہید ہو گئے ۔ انا للہ وانا الیہ راجعون ۔

عزیز شاہ کے بھائی فائرنگ کی آواز سن کر کمرہ کی جانب دوڑے تو دہشت گردوں نے ان پر بھی فائرنگ کردی جس کے نتیجے میں عزیز شاہ کے بھائے شدید زخمی ہوگئے ۔ جنہیں ضروری طبی امدا کے لئے عباس پورہ ہسپتال شفت کردیا گیا ۔ شہید عزیز شاہ کی بیوہ نے جرات کا مظاہرہ کرتے ہوئے دہشت گردوں کے منہ پر اور آنکھوں میں لال مرچیں پھینک دیں جس دہشت گردوں کو کچھ دکھائی نہ دیا اور زمین پر کروٹیں لینے لگے ۔ شہید کی اہلیہ نے فورا کمرے کا دروازہ بند کردیا اور آس پاس کے لوگوں کو بلا لیا ۔ مقامی لوگوں نے دہشت گردوں کو پکڑ کر پولیس کے حوالے کردیا ۔

وحدت نیوز (لاہور) پنجتن پاک (حضرت محمد صلٰی اللہ علیہ وآلہ وسلم، حضرت امام علی علیہ السلام، حضرت فاطمہ الزھرا سلام اللہ علیہا، حضرت امام حسن علیہ السلام، حضرت امام حسین علیہ السلام) کے شہادت اور ولادت کے دنوں میں عام تعطیل کئے جانے کی قرارداد پنجاب اسمبلی میں جمع،قرارداد رکن پنجاب اسمبلی و مرکزی سیکریٹری جنرل مجلس وحدت مسلمین شعبہ خواتین سیدہ زہرا نقوی نے جمع کروائی ۔

قرارداد کے متن میں لکھا گیا ہے کہ پاکستان اسلام کے نام پر حاصل کیا گیا ہے تاکہ اس خطے میں رہنے والے شعائر اسلامی کے مطابق آزادانہ زندگی گزار سکیں ۔حکومت ملکِ خداداد پاکستان میں رہنے والوں کو اسلامی طرز عمل اپنانے اور غیر اسلامی طریقہ زندگی کو رد کرنے کے لئے آمادہ کرے ۔

انہوں نے کہا ہے کہ ہمیں پنجتن پاک (علیھم السلام)کی زندگی کو اپنا نصب العین اور کردار و افکار کو اپنی زندگی کا حصہ بنانا ہو گا۔پنجتن پاک (علیھم السلام)کی طرزِ زندگی کو اپنے اندر راسخ کرنا ہو گا ۔پوری امت مسلمہ اس بات پر یکجا ہے کہ پنجتن پاک (علیھم السلام)کی زندگی ہمارے لیے مشعل راہ ہے اور اُن کے نقشِ قدم پر چل کر ہی ہم دنیا و آخرت میں فلاح پا سکتے ہیں ۔

زہرا نقوی نے کہا کہ پنجتن پاک (علیھم السلام)کے کردار و افکار کو معاشرے میں عام کرنے کے لئے اُن کے ایام شہادت اور ولادت کو حکومتی سطح پر منایا جائے۔پنجتن پاک (علیھم السلام)کی تعلیمات کو اجاگر کیا جائے۔پنجتن پاک (علیھم السلام)کے شہادت اور ولادت کے دنوں میں عام تعطیل کی جائے ۔پنجتن پاک (علیھم السلام)کی زندگیاں نہ صرف مسلمانوں بلکہ پوری انسانیت کے لئے اسوہ حسنہ ہے ۔جن قوموں نے ان کی زندگیوں کو پڑھا ہے وہ ان کی طرف مائل ہوئے بغیر نہیں رہ سکیں ۔

وحدت نیوز(لاہور)مجلس وحدت مسلمین شعبہ خواتین لاہور کے اسلام پورہ یونٹ کی جانب سے عظمت و تکریم شہداء ِ مکتب اہلبیت علیہ السّلام کو خراج عقیدت پیش کرنے کے سلسلہ میں کانفرنس اور قرآن خوانی کا انعقاد کیا گیا جس میں محترمہ حنا تقوی سیکرٹری جنرل مجلس وحدت مسلمین شعبہ خواتین لاہور، ڈپٹی سیکرٹری جنرل محترمہ عظمیٰ نقوی، کابینہ ممبران اور یونٹ اراکین سمیت کثیر تعداد میں خواتین نے شرکت کی۔

تقریب کا آغاز تلاوت کلام پاک و قرآن خوانی سے کیا گیا۔فرائض ِ نظامت و منقبت خوانی محترمہ عظمیٰ نقوی ڈپٹی سیکرٹری جنرل مجلس وحدت مسلمین شعبہ خواتین لاہور نے ادا کئے۔

راہ ِ حق پر اپنی جانیں نچھاور کرنے والے شہداء مکتب اہلبیت علیہ السّلام کی قربانیوں سے متعلق خصوصی خطاب کرتے ہوئے محترمہ حنا تقوی سیکرٹری جنرل مجلس وحدت مسلمین شعبہ خواتین لاہور کا کہنا تھا کہ شہدائے انقلاب کے لیے ذاتِ سید الشہداء علیہ السلام چراغِ نور و ہدایت ہے۔ امام حسین علیہ السلام کو سید الشہداء اور بقیہ شہدائے کربلا کو تاریخ  شہداء کا سردار کہا جاتا ہے جو سب سے عظیم اور سب سے برتر ہیں ۔

ان کا کہنا تھا کہ کربلا کا سب سے پہلا سبق دین اور خدا کی راہ میں فدا ہو جانا ہے ۔ امام عالی مقام نے تمام مسلمانوں بلکہ تمام عالم بشریت ، تمام آزاد منش افراد چاہے وہ مسلمان ہوں یا غیر مسلم ، کو یہ درس دیا کہ اگر انسان کا شرف ، اس کی آزادی اور استقلال ، انسانی اقدار اور مسلمانوں کا دین خطرے میں پڑ جائے تو سخت  حالات میں بھی  دین کا دفاع ایک اسلامی اور انسانی فریضہ ہے۔

ان کا کہنا تھا کہ مکتب تشیع سے تعلق رکھنے والے ہمارے تمام شہداء بالخصوص شہید عارف حسین الحسینی، شہید ڈاکٹر محمد علی نقوی اور شہید قاسم کی زندگیاں اسی درسِ کربلا کا عملی مظاہرہ پیش کرتی نظر آتی ہیں۔ یہ زمانہ عصر تحریک اور عصر انقلاب ہے  اور مومن کے لیے  ذاتِ حسین ابن علی علیہ السّلام ایک ماہتاب عالم تاب ہے۔

ان کا مزید کہنا تھا کہ شہدائے انقلاب و مکتب اہلبیت علیہ السّلام نے اپنی زندگیاں عالمی و طاغوتی استعمار کی سازشوں کیخلاف اور محروم و مظلوم طبقات کے حقوق کیلئے جدوجہد میں صرف کر دی ہمیں چاہئے کہ ہم اپنے شہداء کی زندگیوں کا روشن فکری کیساتھ مطالعہ کریں اور ان کے نقش قدم پر چلنے کی کوشش کریں۔

آخر میں محترمہ حنا تقوی نے محترمہ روبی سیکرٹری شعبہ مالیات اسلام پورہ یونٹ اور محترمہ شہزادی کی اس عظیم اور کامیاب کانفرنس کے انعقاد کے لیے  تمام کاوشوں کو سراہتے ہوئے مبارکباد پیش کی۔

وحدت نیوز(سکردو) پارلیمانی سیکرٹری برائے وویمن ڈویلپمنٹ و صوبائی سیکرٹری جنرل مجلس وحدت مسلمین شعبہ خواتین کنیز فاطمہ نے کہا ہے کہ معذور افراد معاشرے میں خصوصی توجہ کے مستحق ہیں اور ان کے مسائل ترجیحی بنیادوں پر حل کریں گے،ان خیالات کا اظہار انہوں نے سپیشل پرسنز کے مختلف تنظیمات کی جانب سے گلگت پریس کلب میں جاری احتجاج کے دوران قراقرم ڈس ایبلیٹی فورم کے رہنما حسن بلتی اور ارشاد کاظمی سے ٹیلیفونک گفتگو میں کی۔

انہوں نے کہا کہ ملک بھر میں معذور افراد کو سپیشل پرسن کی حیثیت حاصل ہے اور ان افراد کو معاشرے کا اہم اور کار آمد فرد بنانے کے لئے گلگت بلتستان حکومت ہر قسم کا تعاون اور ضروری اقدامات کریگی۔حال ہی میں وفاقی حکومت کی جانب سے منظور شدہ اسامیوں میں معزور افراد کے لیے محکمہ تعلیم اور دیگر محکموں میں نشستیں مخصوص کی جائے گی اور صوبائی حکومت سپیشل پرسنز کے مسائل کے حل کے لئے دیگر محکموں کے لئے بھی یکساں فارمولا طے کرے گی۔انہوں نے مزید کہا کہ صحت مند لوگ نعمتوں سے محروم طبقے کی مدد کے لئے آگے آئیں اور انہی نعمتوں کی عطائیگی اللہ تعالیٰ کی طرف سے امتحان سمجھیں۔

وحدت نیوز(لاہور)برصغیر کے مسلمان قائد اعظم محمد علی جناحؒ کی ولولہ انگیز قیادت میں متحد تھے۔ وہ حصولِ پاکستان کے لیے بے شمار قربانیوں کے ساتھ سرگرداں تھے۔ ہمارے مخالف ہندو، مسلمانوں پر طنز کے تیر چلاتے تھے کہ پاکستان کے حصے میں جو علاقے آ رہے ہیں وہ انتہائی پسماندہ ہیں۔ جلد ہی پاکستان معاشی طور پر کمزور ہونے کے ناطے ختم ہو جائے گا اور بھارت کی گود میں آن گرے گا۔ اس کا جواب قائد اعظم نے یہ یوں دیا کہ ’’میں کہہ سکتا ہوں ایک عام فرد کے طور پر اور یہ میری پختہ رائے ہے کہ پاکستان کبھی دیوالیہ نہیں ہو گا بلکہ یہ ایک بہت طاقتور ملک ہو گا۔

ان شاءاللہ ۔آج ہمیں اپنے محبوب قائد ؒ کے فرمان کے مطابق ان کا خواب پورا کرنے کی ضرورت ہے ۔آئیں عہد کریں جس طرح قائد اعظمؒ پاکستان کو دیکھنا چاہتے تھےہم ویسے ہی پاکستان کی تعمیرو ترقی میں اپنا کردار پیش کریں ۔ ہم سب کی یہ دلی خواہش ہے کہ ہمیں قائد اعظم ؒ اور علامہ محمد اقبالؒ کا پاکستان چاہیے ۔ وہ اسی صورت ممکن ہے کہ ہم سب ملکر پاکستان کی خوشحالی اور پیشرفت میں اپنا حصہ ڈالیں ۔

وحدت نیوز(اسلام آباد)مجلس وحدت مسلمین پاکستان شعبہ خواتین کے مرکزی وفد نے محترمہ نرگس سجاد جعفری کی سربراہی میں اسلام آبادکے مرکزی چرچ ایف سیون کا دورہ کیا اور مسیحی برادری کو کرسمس کی مبارک باد پیش کی ۔ چرچ کی انتظامیہ نے وفد کا شکریہ ادا کیا اور علامہ راجہ ناصر عباس جعفری سربراہ مجلس وحدت مسلمین پاکستان کے لئےنیک تمنائوں کا اظہار کیا ۔

 محترمہ نرگس سجاد نے چرچ میں آئے ہوئے مسیحی برادری سے خطاب کرتے ہوئے کہا کہ ہم علامہ راجہ ناصر عباس جعفری کی خصوصی ہدایات پر آپ کے پاس آئے ہیں ، آپ ہمارے بھائی ہیں اور پاکستان کا ہر شہری ہمارے لئے قابل احترام ہے۔

محترمہ نرگس سجاد نے اپنے خطاب میں قائد اعظم کی 11 اگست 1947 کو پہلی آئین ساز اسمبلی سے خطاب کی تقریرکا حوالہ دیتے ہوئے کہا کہ  قائد اعظم نے فرمایا تھا کہ “پاکستان میں بسنے والی تمام مذہبی اقلیتوں کو مساوی حقوق حاصل ہوں گے۔ انہوں نے کہا تھا کہ میں پاکستان کی مذہبی اقلیتوں سے یہ کہنا چاہتا ہوں کہ آپ میں ہر ایک چاہے وہ کسی رنگ یا نسل یا مذہبی عقیدے سے متعلق ہو، چاہے اس کا تعلق کسی فرقے سے ہی کیوں نہ ہو، وہ اول و آخر جمہوری ریاست کا باشندہ ہوگا۔ آپ سب کے حقوق و مراعات و فرائض و ذمہ داریاں مشترک ہوں گی اور آپ سب ان سب کے برابر کے حصہ دار ہوں گے۔ آپ آزاد ہیں آپ اس لئے آزاد ہیں کہ آپ اپنے مندروں ،گرجہ گھروں میں جائیں آ پ اس لئے آزاد ہیں کہ آپ اپنی مسجد میں جائیں یہاں پاکستان کی حدود میں اپنے مذہبی عقیدے کی کسی بھی عبادت گاہ میں جائیں۔ آپ کا تعلق کسی مذہب کسی عقیدے یا کسی ذات سے ہو اس کا مملکت کے مسائل و معاملات سے کوئی تعلق نہیں کیونکہ یہ ہر شخص کا انفرادی عقیدہ و عمل ہے بلکہ سیاسی لحاظ سے اس مملکت کے ایک شہری کی حیثیت سے رہے گا۔

آخر میں مجلس وحدت مسلمین پاکستان شعبہ خواتین کی مرکزی سیکریٹری سیاسیات محترمہ نرگس سجاد صاحبہ نے کہا کہ افسوس سے کہنا پڑتا ہے کہ اگر قائداعظم ؒ کے فرمودات پر من وعن عمل ہوتا تو نہ ہمارے ملک دہشت گردی ہوتی اور نہ ہی فرقہ واریت پروان چڑھتی ۔اس موقع پر مجلس وحدت مسلمین پاکستان شعبہ خواتین کے وفد محترمہ بیناشاہ مرکزی مسئول آفس ،محترمہ صدیقہ کائنات ضلعی سیکریٹری جنرل ضلع اسلام آباد و ضلعی کابینہ کی خواتین ہمراہ تھیں ۔

Page 1 of 87

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree