وحدت نیوز (اسلام آباد) مجلس وحدت مسلمین پاکستان کے مرکزی سیکر ٹری فلاح وبہبود نثار علی فیضی نے کہا کہ خاتون جنت حضرت فاطمة الزھرہ سلام اللہ علیھا کی سیرت کی اتباع انسانیت کو کمال کی بلندی پر پہنچا سکتی ہے، بی بی کی ذات نے ہر مشکل گھڑی میں اسلام کی محافظت کی انکی تربیت کا اثر تھا کہ حسنؑ و حسینؑ جیسے فرزند اسلام کو ملے قوم کی ماﺅں،بہنوں اور بیٹیوں کوسیرت سیدہ فاطمةالزھراءسلام اللہ علیھا پر چلتے ہوئے اپنی پاکیزہ آغوش سے دیندار اولاد تربیت کر کے اس معاشرے کی رہبری کے لیے دینا ہو گی آج ملت تشیع کو درپیش چیلنجز وہی ہیں جو انسانیت کو درپیش ہیں مجلس وحدت مسلمین پاکستان میں انسانیت کی اعلی قدروں کو پروان چڑھانے کے لیے میدان عمل میں ہے ہم قرآن واہل بیت ؑ کی سیرت کی اتباع کے ذریعے انسانیت کے بھٹکے ہوئے قافلے کو سوئے کمال وسوئے منزل لے کر آئیں گے ان خیالات کا اظہار انہوں نے گزشتہ روز مجلس وحدت مسلمین شعبہ خواتین پنجاب کے زیر اہتما م جشن میلاد بعنوان حضرت فاطمةالزہرا سلام اللہ علیھا اسوہ انسانیت سے خطاب کرتے ہوئے کیا ۔

نثار علی فیضی نے کہا کہ مجلس وحدت مسلمین کا رفاہی شعبہ خیرالعمل فاﺅنڈیشن پاکستان میں خواتین کے مسائل کو حل کرنے کے لیے شعبہ خواتین کے ساتھ ملکر رفاہی منصوبوں کا جال بچھائے گا جن میں صحت کے مراکز، بچیوں کی شادیاں،ووکیشنل سنٹرز،قرآن سنٹرز،یتیم و بیواﺅں کی کفالت جیسے کئی منصوبوں پر اس وقت کام جاری ہو چکا ہے اور لاکھوں روپے اس مد میں خرچ کیے جا رہے ہیں انہوں نے کہا مالیات کا شعبہ خیرالعمل فاﺅنڈیشن کے تعاون سے گھر گھر میں ڈونیشن باکس رکھنے کا سلسلہ بھی شروع کر دیا ہے ابتدا میں کئی ہزار گھروں میں باکس رکھوائے جا رہے ہیں اس باکس سسٹم کے نظام سے رفاہی امور کو بہت زیادہ تقویت ملے گی اور غریب ،نادار و بے کس لوگوں کی امداد کو مزید یقینی بنا یا جائے گا ۔ ایم ڈبلیو ایم کی رہنما زہرہ نجفی، جنرل سیکر ٹری منہاج القرآن نائلہ جعفری،زکیہ نجفی پرنسپل جامعہ کوثر گرلز کالج اسلام آباد ، سید علی شاہ کاظمی ودیگر نے بھی خطاب کیا ۔

وحدت نیوز (کراچی) شہر قائد کے حلقہ این اے 246 کے ضمنی انتخابات میں مجلس وحدت مسلمین، تحریک انصاف کے امیدوار عمران اسماعیل کی حمایت کا اعلان کرتی ہے، سنی اتحاد کونسل کے رہنماء طارق محبوب کے افسوسناک قتل کی شفاف تحقیقات رینجرز، پولیس، صوبائی و وفاقی حکومتوں پر مشتمل تحقیقاتی کمیٹی سے کرائی جائے، فرقہ واریت اور دہشتگردی کے مکمل خاتمہ کیلئے دونوں جماعتوں کی مشترکہ کوششیں جاری رہیں گی، کراچی امن بحالی کیلئے اقتدار کے ایوانوں میں حقیقی قیادت کا آنا بہت ضروری ہے، جو شفاف اتخابات کے بغیر ممکن نہیں، ان خیالات کا اظہار مجلس وحدت مسلمین کراچی ڈویژن کے سیکرٹری سیاسیات علی حسین نقوی نے تحریک انصاف کے امیدوار عمران اسماعیل کے ہمراہ وحدت ہاؤس سولجر بازار میں مشترکہ پریس کانفرنس کرتے ہوئے کیا، اس موقع پر ایم ڈبلیو ایم کے رہنما علامہ علی انور، علامہ احسان دانش، علامہ مبشر حسن، تحریک انصاف کے مرکزی رہنما عارف علوی، علی زیدی، فردوس شمیم نقوی و دیگر بھی موجود تھے۔ پریس کانفرنس سے خطاب کرتے ہوئے علی حسین نقوی نے کہا کہ کراچی میں این اے 246 کے ضمنی انتخابات کے حوالے سے پی ٹی آئی اور ایم کیو ایم سمیت دیگر سیاسی جماعتوں نے حمایت کیلئے رابطہ کیا، تاہم تنظیمی اور عوامی رائے عامہ کے مطابق ایم ڈبلیو ایم نے تحریک انصاف کی حمایت کا اعلان کیا ہے، این اے 246 ضمنی نتخابات کے حوالے سے تحریک انصاف کی اتخابی مہم میں بھی بھرپور حصہ لیں گے۔

علی حسین نقوی نے کہا کہ ایم ڈبلیو ایم نے تحریک انصاف کی حمایت کا فیصلہ حلقہ این اے 246 اور کراچی کے وسیع تر مفادات کو مدنظر رکھتے ہوئے کیا ہے، لہٰذا عوام سے اپیل ہے کہ وہ گذشتہ کئی دھائیوں سے شہر میں جاری بدامنی کے خاتمے اور خوف کے بت کو توڑنے کیلئے ایم ڈبلیو ایم اور پی ٹی آئی کے حمایت یافتہ امیدوار عمران اسماعیل کو ووٹ دیں۔ انہوں نے مزید کہا کہ گذشتہ کئی دھائیوں سے جاری دہشتگردی کے باعث پاکستان کے معاشی حب کراچی کا امن و سکون تباہ و برباد ہوگیا، کراچی میں امن و امان کی بحالی کیلئے اقتدار کے ایوانوں میں حقیقی قیادت کا آنا بہت ضروری ہے، جو کہ شفاف اتخابات کے بغیر ممکن نہیں، بدقسمتی سے ملک میں شفاف انتخابات کے نہ ہونے سے بدامنی میں اضافہ ہوا۔ انہوں نے کہا کہ ایم ڈبلیو ایم ایک سیاسی حقیقت ہے، گذشتہ کئی عرصہ سے کراچی میں جید علماء کرام، اکابرین، ڈاکٹر، انجینئرز، کاروباری افراد سمیت فعال رہنماﺅں کو ٹارگٹ کلنگ کے ذریعے شہید کیا گیا، جو کہ ایم ڈبلیو ایم سیاسی فعالیت کے باعث مخالفین کی بوکھلاہٹ کا نتیجہ ہے، پی ٹی آئی کی حمایت کا فیصلہ خانوادہ شہداءکے جذبات کا ترجمان ہے،کراچی سمیت ملک بھر سے فرقہ واریت اور دہشتگردی کے مکمل خاتمہ کیلئے ایم ڈبلیو ایم اور تحریک انصاف کی مشترکہ کوششیں جاری رہیں گی۔

پریس کانفرنس کرتے ہوئے ایم ڈبلیو ایم کے رہنما کا کہنا تھا کہ سنی اتحاد کونسل کے مرکزی رہنماء طارق محبوب کی جیل میں شہادت اور کراچی سمیت سندھ بھر میں کالعدم دہشتگرد جماعتوں کی فعالیت کراچی آپریشن کی کامیابی پر سوالیہ نشان بن چکی ہے، لہذا ایم ڈبلیو ایم کا پرزور مطالبہ ہے کہ طارق محبوب کی جیل میں شہادت کی شفاف تحقیقات کیلئے رینجرز، پولیس، صوبائی و وفاقی حکومتوں پر مشتمل تحقیقاتی کمیٹی قائم کی جائے اور کالعدم دہشتگرد جماعتوں کے دفاتر کو بند کرکے انکے جلسے جلوسوں اور رہنماﺅں پر پابندی عائد کی جائے، جبکہ فرقہ وارانہ اور مذہبی منافرت پر مبنی وال چاکنگ مٹائی جائے اور کالعدم جماعتوں کے جھنڈے، بینرز اُتارے جائیں۔ مشترکہ پریس کانفرنس میں ایم ڈبلیو ایم کیجانب سے تحریک انصاف کے امیدوار عمران اسماعیل کی بھرپور حمایت اور تعاون پر پی ٹی آئی کے مرکزی رہنماؤں عارف علوی، علی زیدی، فردوس شمیم نقوی نے ایم ڈبلیو ایم کی مرکزی اور مقامی قیادت کا شکریہ ادا کیا۔

وحدت نیوز (کراچی) دنیاکودرپیش خانوادگی مسائل سے نجات سیرت حضرت فاطمتہ الزہراکی عملی اتباء سے ممکن ہے،جناب فاطمہ زہرا(س)کی ذات اقدس تمام خواتین عالم کیلئے نمونہ عمل ہے،جناب فاطمہ (س)نے دین اسلام کی تبلیغ وترویج میں اپنی والدہ حضرت خدیجتہ الکبریٰ کی مثل رسول اکرم (ص) شانہ بشانہ رہیں ۔ان خیالات کا اظہارعلماء وذاکرین نے ہفتے کو جشن ومحفل میلاد کی ایک تقریب کے دوران کیا،مجلس وحدت مسلمین کراچی ڈویژن شعبہ خواتین کے زیر اہتمام تقریب سے ایم ڈبلیوایم کے مرکزی رہنما علامہ سید باقرعباس زیدی ،ایم ڈبلیوایم شعبہ خواتین کی مرکزی رہنما خانم زہرا نجفی ، ایم ڈبلیوایم شعبہ خواتین کراچی کی رہنما خانم ہماجعفری نے خطاب کیا،جبکہ ، نعت، قصیدہ اور منقبت خواں خواتین نے بارگاہ جناب فاطمہ زہرا (س)میں نذرانہ عقیدت پیش کیا، اس پر نورمحفل میں خواتین اور بچیوں کی بڑی تعداد نے شرکت کی، ساتھ ہی خواتین کی دلچسپی کے لئے کوکنگ ، میک اپ اور انٹیرئرڈیکوریشن اور بچوں کیلئے فیس پینٹنگ کے اسٹالز بھی لگائے گئے تھے۔

 محفل میلاد سے خطاب کرتے ہوئے علامہ باقرعباس زیدی کا کہا کہ جناب فاطمہ زہرا(س)کی ذات اقدس تمام خواتین عالم کیلئے نمونہ عمل ہے، جناب سیدہ فاطمہ (س)ایک جامع شخصیت کی حامل خاتون تھیں جن کے اندر ایک بہترین بیٹی ، بیوی او ماں میں پائی جانے والی تمام صفات عالیہ موجود تھیں ، ایم ڈبلیوایم شعبہ خواتین کی مرکزی رہنما خانم زہرا نجفی نے سیرت جناب فاطمہ الزہرا(س) پر روشنی ڈالتے ہوئے کہا کہ جناب فاطمہ (س)جگر گوشہ رسول تھیں ، خدا وند متعال نے آپ (ص)کی نسل پاک کو جناب فاطمہ (س) سے جاری رکھا،جو کہ آج تھی جاری ہے، جناب فاطمہ (س)نے دین اسلام کی تبلیغ وترویج میں اپنی والدہ حضرت خدیجتہ الکبریٰ کی پیروی کرتے ہوئے سنگین مشقیں جھیلیں اور رہتی دنیا تک خواتین کے لئے اسوہ عمل قرار پائیں ۔

وحدت نیوز (کوئٹہ) مجلس وحدت مسلمین کوئٹہ کے میڈیا سیل سے جاری شدہ بیان میں ایم ڈبلیوایم کوئٹہ ڈویژن کے ڈپٹی سیکریٹری جنرل علامہ شیخ ولایت حسین جعفری نے کہا ہے کہ قومی سطح کی پالیسیوں کو نہ صرف معاشرتی ضروریات اور موجودہ صورتحال کا عکاس ہونا چاہئے بلکہ عوام کے حقیقی مسائل و مشکلات کے پائیدار حل کاضامن ہونا چاہئے یہ پا لیسیاں محض فائلوں تک محدود نہیں ہونا چاہئے بلکہ ان پر عمل در آمد کر کے ان کے ثمرات عوام تک پہنچانا ضروری ہے حقیقی جمہوریت کا مطلب عوام کے یکساں حقوق اور ترقی کے مواقع فراہم کرنا ہے تاکہ معاشرے میں نا برابری کی صورتحال ہی پیدا نہ ہو ہمارا محور امن پسندی ، بھائی چارگی اور روا داری ہونا چاہئے محاز آرائی اور مفادات کی سیاست نے ہمیں پسماندگی کی دلدل میں دھکیل دیا ہے ہمیں اپنے ماضی سے سبق لیتے ہوئے اپنے مستقبل کا از سر نو تعین کرنا ہوگا مفاہمتی سیاسی عمل کا تسلسل ترقی و خوشحالی کی کنجی ہے سیاست میں مثبت فیصلے آنے والے وقتوں میں یاد رکھا جائے گا غربت پسماندگی اور جہالت کی وجہ سے عوام معاشرتی برائیوں کا شکار ہو جاتے ہیں اور فکری بے چینی کے اصل اسباب اور محرکات کو نظر انداز کرکے محض اپنے بیانات اور تقریروں کو رنگین بنانے کیلئے عوام کے مسائل اور ان کے درمیان اتحاد و اتفاق کی باتوں کا سہارا لینے سے عوام متحد نہیں ہونگے تقسیم در تقسیم کے عمل کے اصل اسباب کو بے نقاب کرنا ہوگا ۔ استحکام مادر وطن ہویا بقائے جمہوریت ہو ہمیں ہر کٹھن گھڑی میں اپنا کلیدی کردار با طریق احسن ادا کرنا چاہئے ۔

وحدت نیوز (اسلام آباد) چین کے صدر شی چن پنگ کا دورہ پاکستان بے پناہ اہمیت کا حامل ہے۔ اس سے دو طرفہ تعاون کے فروغ کومزید وسعت حاصل ہو گی۔پاکستان کے بہت سارے دوست نما دشمنجو کہ ہمیں غیر مستحکم دیکھنا چاہتے ہیں۔ان سب نے اپنی نظریں چین کے صدر کے دورہ پاکستان پر مرکوز کر رکھی ہیں۔ ان خیالات کا اظہار مجلس وحدت مسلمین کے مرکزی سیکریٹری امور خارجہ ڈاکٹر سید شفقت شیرازی نے مرکزی میڈیا سیل سے جاری ایک بیان میں کیا۔انہوں نے کہا کہ چین ہمارا دیرینہ اور مخلص دوست ہے ۔ ماضی میں ہم امریکہ نوازی سے متاثر ہو کر اس کو نظر انداز کرتے رہے جو ہمارے لیے نقصان کا باعث بنا۔ امریکہ فقط اپنے مفادات کا یار ہے وہ کسی کا دوست نہیں۔امریکہ کی بجائے چین سے دوستی ہمارے لیے ہر لحاظ سے سود مند ہے۔انہوں نے کہا کہ چین کے ساتھ مختلف منصوبہ جات پر معاہدوں کے ساتھ ساتھ دہشت گردی کے مکمل خاتمے کے لیے بھی ہمیں کوئی مشترکہ لائحہ عمل طے کرنا چاہیے تاکہ امن و سلامتی کے دشمن عناصر کی سرکوبی کی جا سکے۔چین نے ہر مشکل میں پاکستان کا بھرپور ساتھ دیا ہمیں بھی دوستی کے تمام تقاضے احسن انداز میں پورے کرنے ہوں گے۔

وحدت نیوز (شکارپور) شہداء کمیٹی کی اپیل پر آج سندہ بھر میں یوم احتجاج منایا گیا۔ شکارپور میں شہداء کمیٹی کے زیر اہتمام کربلا معلیٰ امام بارگاہ و جامع مسجد سید الشہداء ؑ سے احتجاجی ریلی نکالی گئی، جو لکھیدر پہنچ کر جلسہ عام میں تبدیل ہوگئی۔ اس موقعہ پر احتجاجی جلسہ سے خطاب کرتے ہوئے چیئرمین شہداء کمیٹی علامہ مقصود علی ڈومکی نے کہا کہ آج کا احتجاج دہشت گردی کے خلاف ہے۔ دہشت گردی کے اڈوں ، ٹریننگ کیمپس اور کالعدم دہشت گردتکفیری تنظیموں کے خلاف ہے۔ حکومت اور ریاستی اداروں سے ان کے خلاف کاروائی کا مطالبہ کرتے ہیں۔ سندہ حکومت کا غیر سنجیدہ رویہ وارثان شہداء کے زخموں پر نمک پاشی کے مترادف ہے۔ سندہ حکومت ۲۲ نکاتی معاہدے پر فوری عمل در آمد کرے۔

انہوں نے کہا کہ ۱۷ تا ۱۹ اپریل دہشت گردی کے خلاف عوامی ریفرنڈم ہوگا۔ عوام دہشت گردی کے خلاف بھرپور آپریشن چاہتے ہیں۔ ریاست دہشت گردوں کے خلاف اعلان جنگ کرے، عوام اس جنگ میں ریاستی اداروں کو سپورٹ کریں گے۔ انہوں نے عوامی اجتماع میں تین نکات مطالبات پیش کئے عوام نے نعروں کی گونج میں اپنی مثبت رائے کا اظہار کیا۔

اس موقع پر احتجاجی مظاہرے سے علامہ سید عالم شاہ موسوی، ایم ڈبلیو ایم کے ضلعی رہنماء فدا عباس لاڑک، مولانا منتظر مہدی و دیگر نے خطاب کیا۔ احتجاجی مظاہرے میں وارثان شہداء کے ہمراہ مختلف مکاتب فکر کے عوام شریک ہوئے۔