وحدت نیوز (قم) بحرین میں آل خلیفہ حکومت اپنے عوام کو مایوسی کی جانب دھکیل رہی ہے اور انکے اقدامات سے صاف نظر آ رھا ہے کہ بیرونی مداخلت خصوصا سعودی عرب کے اشاروں پر چل رہی ہے. آئین وعدالتوں کے احترام کو سیاسی اھداف کے لئے مجروح کیا جا رھا ہے. سابق پارلیمانی اپوزیشن لیڈر اور جمعیۃ الوفاق کے سیکرٹری جنرل علامہ شیخ علی سلمان اور ان کے ساتھیوں کو بحرینی عدالت سے سنائی جانے والے سزا کے رد عمل میں سیکرٹری شعبہ امور خارجہ مجلس وحدت پاکستان علامہ ڈاکٹر سید شفقت حسین شیرازی نے اپنے حالیہ بیان مین کہا کہ ملک عوام کی فلاح وبہبود ، عدل وانصاف اور خودمختار پالیسی پر ترقی کرتا ہے اور بالخصوص کسی ملک کی عدلیہ اگر انصاف پر مبنی فیصلے کرے تو عوام اسے سراہتے ہیں اور جہاں عدالتی فیصلے بیرونی دباو پر کیے جائیں وھاں عوام پر ظلم یقینی ہو جاتا ہے۔ بحرین میں بھی حالیہ دنوں بے بنیاد الزامات اور تہمتوں پر سابق پارلیمنٹ کے ممبر اور اپوزیشن لیڈر  اورجمعیۃ الوفاق کے سیکرٹری جنرل اور دیگر دو پارلیمنٹ ممبرز کو سیاسی انتقام ، بیرونی مداخلت اور دباوٰپر عمر قید کی سزا سنا دی گئی ہے. جس کی جتنی بھی مذمت کی جائے کم ہے۔

انہوں نے مزید کہاکہ افسوسناک امر یہ ہے کہ بے بنیاد تہمتوں پر معصوم شہریوں کو سزا دلوانا آمرانا نظام اور سوچ کو ترویج دینے کا مبینہ ثبوت ہے بحرین گذشتہ 8 سال سے بھیانک سیاسی بحران کا شکار ہے حکمرانوں کو چاہئے تھا کہ اپوزیشن کے تحفظات اور عوام کی مشکلات کو دور کرتے لیکن آل خلیفہ کی حکومت مزید طول دینے کی پاکیسی پر عمل پیرا ہے جس کے ضمن میں عوام کو اصلاحی اور عوامی حکومت کے مطالبے سے دور رکھنا اور جمہوری تبدیلی سے روکنا ہے۔  جمعیۃ الوفاق سمیت دیگر تمام سیاسی قوتوں اور بحرینی عوام نے عادلانہ نظام حکومت کے لئے جو قربانیاں دیں ہیں وہ قابل ستائیش ہیں اور اس راہ میں شہدا اور زخمیوں کی قربانیوں کو ھمیشہ یاد رکھا جائے گا۔ اور انشاءاللہ نصرت خداوندی سے کامیابی ان کا مقدر بنے گی۔ جمعیۃ الوفاق کے رہنمائوں کی بے بنیاد سزا کے خلاف مجلس وحدت مسلمین پاکستان بحرینی عوام کے ساتھ ہےاور انکے خلاف غیر منصفانہ رویہ اور بنیادی شہری حقوق سے محرومی کی پر زور مذمت کرتی ہے۔ نیر دنیا بھر کے مقتدر حلقوں ، انسانی حقوق کے اداروں سے مطالبہ کرتے ہیں کہ ان مظلوموں کی فریاد رسی کے لئے اپنا کردار ادا کریں۔

وحدت نیوز(اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے بحرین میں عوامی بیداری کی تحریک کو بزورطاقت روکنے اور آیت اللہ شیخ عیسیٰ قاسم کی بلاجواز نظر بندی اور جبری ملک بدری کی کوشش  کی مذمت کرتے ہوئے مرکزی سیکریٹریٹ سے جاری اپنے بیان میں کہا ہے کہ جمہوری جدوجہد ہر مملکت کے آئین میں جائز قرار دی گئی ہے، جسے ریاستی طاقت کے ذریعے روکنا غیر جمہوری اور غیر قانونی فعل ہے، نہتے بحرینی عوام اور ہردل عزیز مذہبی رہنماآیت اللہ عیسیٰ قاسم پر آل خلیفہ کی آمر حکومت کے مظالم پراقوام عالم کی خاموشی قابل مذمت ہے،جارح بحرینی حکومت کرائے کے قاتلوں کی مدد سے مظلوم عوام پر ظلم کے پہاڑ توڑ رہی ہے، بحرینی عوام پر جاری آل خلیفہ حکومت کےجبر واستبداد کے پیچھے دراصل امریکی اور سعودی مفادات کارفرما ہیں ، حالیہ دنوں فتنہ پرست امریکی صدر ڈونلڈ ٹرمپ کی زیر قیادت  ریاض میں ہونے والی نام نہاد اسلامی اتحادی ممالک کی کانفرنس کے بعد سے بحرین ، یمن اور خود سعودیہ عرب کے شیعہ نشین علاقوں العوامیہ وغیرہ میں مظالم میں تیزی دیکھنے میں آئی ہے۔

انہوں نے مزید کہا کہ یمن ، بحرین اور سعودی عرب میں جاری پر امن عوامی حریت پسند تحریکیں اپنے اپنے فاسد ، جابر اور ظالم حکمرانوں کے آگے سرتسلیم خم نہیں کریں گی، دنیا بھر میں جمہوریت کے نفاذکا ڈھول پیٹنے والی خلیجی شاہی حکومتوں نے خود اپنی ریاستوں میں عوام کو ووٹ کی طاقت سے محروم رکھا ہوا ہے، مذہبی اقلیتوں کے ساتھ رواغیر انسانی سلوک کی جتنی سنگین مثالیں ہمیں سعودیہ عر ب اور بحرین میں دکھائی دیتی ہیں اور کہیں نظر نہیں آتیں ، انسانی حقوق کا دم بھرنے والی تنظیمیں ، عالمی برادری، اوآئی سی اور اقوام متحدہ کی مشرق وسطیٰ اور خلیجی ممالک میں آمر حکومتوں کی جانب سے انسانیت سوز مظالم پرخاموشی اور تماش بینی قابل مذمت عمل ہے ، پاکستانی دفتر خارجہ بحرینی اور سعودی حکومتوں سے اپنے شہریوں سے برتے جانے والے شرمناک رویئے پر سفارتی سطح پر احتجاج کرے۔

وحدت نیوز (کراچی) مجلس وحدت مسلمین صوبہ سندہ کے سیکر یٹری جنرل علامہ مقصو د علی ڈومکی نے کہا ہے کہ بحرینی عوام اپنے جمہوری حقوق کے لئے جدوجہدمیں مصروف ہیںہم بحرینی عوام کی پرامن جمہوری جدوجہد کی مکمل حمایت کرتے ہیں۔ بحرینی آمر آل خلیفہ کے ظلم اور بربریت کو آل سعود اور امریکہ سمیت عالمی استعمار کی حمایت حاصل ہے۔ بحرین کے انقلابی عوام کی جدوجہد کو روکنے کے لئے آل خلیفہ نے کرائے کے قاتل تیار کئے ہیں،جنہوں نے انقلابی جوانوں پر بے پناہ ظلم و تشدد کیا ہے، مگر ہر گذرتے دن کے ساتھ بحرینی عوام کی انقلابی جدوجہد مضبوط اور مستحکم ہورہی ہے۔
                  
انہوں نے کہا کہ بحرین کے انقلابی رہنما شیخ عیسی قاسم اور شیخ علی سلمان کو جلد رہا کیا جائے اور بحرین کی قسمت کا فیصلہ بحرینی عوام کو کرنے دیا جائے۔ ایک آزاد عوامی ریفرنڈم اور عالمی مبصرین کی موجودگی میں آزادانہ انتخابات، عوام کے جمہوری حقوق ،    یہ سب مسلمہ عالمی اصولوں کے مطابق بحرینی عوام کا حق ہے۔ جس سے فرار کے لئے بحرینی آمر آل خلیفہ نے آل سعود سے گٹھ جوڑ کیا ہے۔ انہوں نے کہا کہ یقینا بحرینی عوام کو فتح ہوگی اور آل خلیفہ کا ناجائز اقتدار کا سورج جلد غروب ہوگا۔
                
انہوں نے کہا کہ سانحہ سہون شریف کے متاثرین کے ساتھ سندہ گورنمنٹ کے وعدے وفا نہ ہوئے زخمیوں کا علاج ہوا اور نہ ہی متاثرین کو اعلان کردہ امداد دی گئی، انہوں نے سندہ حکومت سے مطالبہ کیا کہ وہ سانحہ سہون کے مجرموں کو سزا دے اور متاثرین سے کیئےگئے وعدے پورے کرے۔

وحدت نیوز (اسلام آباد) بحرین کے ممتاز مذہبی رہنما آیت اللہ شیخ عیسیٰ قاسم کی گرفتاری کے لئے بحرینی سیکورٹی فورسز کے دھاوا کے نتیجہ میں شہریوں پر حملہ کے وحشیانہ اور ظالمانہ اقدام کی مجلس وحدت مسلمین پاکستان نے شدید مذمت کرتے ہوئے کہا ہے کہ ظالم آل خلیفہ حکومت کو اپنے ہر ظلم کا حساب ایک دن دینا ہی پڑے گا ۔

تفصیلات کے مطابق مجلس وحدت مسلمین کے شعبہ خارجہ امور کے مرکزی سیکریٹری علامہ  ڈاکٹرسید شفقت شیرازی نے اپنے بیان میں بحرینی عوام پر ہونے ہوالے ظلم اور آل خلیفہ کی فورسز کے آج فجر کے وقت ہونے والے حملے کی پرزور مذمت کرتے ہوئے بین الاقوامی برادری اورامت مسلمہ اور حکومت پاکستان سے اپنی ذمہ داری ادا کرنے کا مطالبہ کیا گیا ہے ۔

انہوں نے مذید کہا کہ پاکستانی عوام بحرینی حقیقی قیادت اور عوام کی اس پر امن تحریک کی مکمل حمایت کرتے ہیں۔ ڈاکٹر شفقت شیرازی کا کہنا تھا کہ صبح فجر کے وقت آل خلیفہ کی ظالم فورسز نے بحرین کے عظیم قائد آیت اللہ عیسی احمد قاسم کی گرفتاری کے لئے حملہ کر دیااورنہتے عوام پر سیدھی فائرنگ کر دی نہتے عوام نے اپنے جسموں پر گولیاں کھا کر پیش قدمی کو روک دیااوراسکے نتیجہ میں بڑی تعداد میں لوگ زخمی ہوئے جن میں بعض کی حالت تشویشناک ہے۔

ہم ان عظیم اورباہمت بحرینی عوام کو خراج عقیدت پیش کرتے ہیں ۔ شفقت شیرازی نے اپنے بیان میں کہا ہے کہ ان ظالم فورسز میں ایک بڑی تعداد پاکستانیوں کی ہے جو سیکورٹی گارڈز کے نام پر بحرین بھیجوائے گئے وہ بھی بحرینی سیکورٹی فورسز کے ساتھ مل کر نہتی عوام پر ظلم وجورمیں شریک ہیں ۔

ایم ڈبلیو ایم کے رہنما نے کہا کہ پاکستانی حکومت اور عوام کی ذمہ داری ہے کہ وہ نہ صرف پاکستانیوں کو بحرینی عوام کے قتل میں شریک ہونے سے فورا روکیں بلکہ بحرینی فورسز میں موجود پاکستانیوں کو واپس بھی بلائیں۔

انہوں نے انسانی حقوق کے علمبرادر نام نہاد ممالک اورا قوام پر تنقید کرتے ہوئے کہا ہے کہ جمہوریت کے نام پر مختلف ممالک کو تباہ کرنے والی طاقتیں بحرینی عوام پر ہونے والے ظلم پر مجرمانہ طور پرخاموش کیوں ہیں.؟

اس ظالم نظام کے مجرمانہ اقدامات اورریاستی دہشتگردی پربین الاقوامی برادری اور امت مسلمہ کے لبوں سے خاموشی کا تالا کب ٹوٹے گا۔ بحرینی اپوزیشن اورحکومت کے مذاکرات کے لئے کیوں پریشر نہیں ڈالا جا رہا.؟ یہ بین الاقوامی مسائل کے حل کے لئے دھرے معیار کب تک قائم رہیں گے؟

وحدت نیوز (قم) مجلس وحدت مسلمین پاکستان شعبہ امور خارجہ کے مرکزی سیکریٹری علامہ ڈاکٹر سید شفقت حسین شیرازی نے اپنے ایک بیان میں کہا کہ حکومت کی کی بنیادی زمہ داری عدل وانصاف کی فراہمی ہے. کیونکہ حکومت کفر سے تو قائم اور باقی رہ سکتی ہے لیکن ظلم سے قائم نہیں رہ سکتی.پانچ دن پہلے اڈیالہ جیل روالپنڈی میں عدالت کے تقاضوں کے خلاف ہمارے ایک بہترین مومن جوان نوید حسین کو پھانسی دی گئی جنکا تعلق گلگت بلتستان سے تھا اور ہمارے دل افسردہ اور زخمی تھے کہ آج صبح بحرین کی ظالم حکومت نے تین بیگناہ  شیعہ جوانوں کو پھانسی دے دی اور ریاستی دہشتگردی کی ایک نئی تاریخ رقم کی کیونکہ اقتدار کی طاقت سے عدل وانصاف کے ایوانوں کو شخصی انتقام اور بغض کے لئے استعمال کرنا ریاستی دہشتگردی کی بد ترین مثال ہےاور جب عوام کا اعتماد عدالتوں سے اٹھ جاتا ہے تو بد امنی اور خانہ جنگی کی راہ ہموار ہوتی ہے۔

انہوں نے کہاکہ بحرین میں انسانی حقوق کی پائمالی پر عالمی اداروں کی خاموشی قابل مزمت ہے،مجلس وحدت مسلمین ان بھیانک جرائم کی پر زور مذمت کرتی ہےاور انسانی حقوق کے اداروں اور اقوام متحدہ سے مطالبہ کرتے ہیں کہ وہ اپنی زمہ داریاں ادا کرتے ہوئے ان جرائم کو روکنے میں کردار ادا کریں.اور ان ظالموں کا محاسبہ کریں،یہ بیگناہ بہنے والا خون انکے اقتدار کو لے ڈوبے گااور ہم وارثان شہداء اور انکے اہل خانہ کی خدمت میں تعزیت وتسلیت پیش کرتے ہیں، اللہ تعالیٰ انہیں صبر جمیل عطا فرمائےاور ان عظیم اور مظلوم شھدا کو اپنی رحمتوں سے نوازے اور جنت الفردوس عطا فرمائے۔

وحدت نیوز (مانٹرنگ ڈیسک) مجلس وحدت مسلمین پاکستان کے سربراہ علامہ راجہ ناصرعباس جعفری نے جمیعت الوفاق ملی بحرین کے سربراہ علامہ شیخ علی سلمان کی غیر منصفانہ 4سال قید کی سزا کو قابل مذمت قرار دیا اور کہا کہ آل خلیفہ اقتدار کے نشے میں چور ہوکر عوامی حقوق  کی موثر آواز کو دبانہ چاہتے ہیں ، شیخ سلمان کی بلاجواز گرفتاری حریت پسند بحرینی عوام کی تحریک کے راستے کی دیوار نہیں بنے گی۔

 دوسری جانب بحرین کی جمعیت وفاق ملی کے سربراہ شیخ علی سلمان نے کہا ہے کہ میں ثابت قدم رہوں گا، رپورٹ کے مطابق بحرین کی عدالت سے چار سال قید کی سزا سنائے جانے کے بعد شیخ علی سلمان نے ایک بیان جاری کیا ہے جس میں انہوں نے شاہی حکومت کے اقدامات پر کڑی نکتہ چینی کی ہے۔ انہوں نے اپنے بیان میں کہا ہے کہ ہمارا ملک ایسا ہونا چاہئے کہ جس میں عدل و انصاف اور عالمی قوانین کی بنیاد پر حکومت قائم ہو، انتخابات کرائے جائیں اور جہاں لوگوں کو شہر بدر یا ملک بدر نہ کیا جائے۔ شیخ علی سلمان نے بحرینی قوم سے اپیل کی ہے کہ وہ اپنے حقوق کے حصول کے لئے پرامن جدوجہد جاری رکھیں۔ قابل ذکر ہے کہ شیخ علی سلمان کو مقامی تھانے سے بحرین کی سینٹرل جیل منتقل کر دیا گیا ہے۔ اس رپورٹ کے مطابق جمعیت وفاق ملی کے سربراہ شیخ علی سلمان کی آمد کے بعد بحرین کی سینٹرل جیل میں موجود سیاسی قیدیوں کا حوصلہ اور بھی بلند ہو گیا ہے۔