The Latest
وحدت نیوز(سکھر)مجلس وحدت مسلمین شعبہ خواتین ضلع سکھر کی جانب سے ہفت روزہ اسلام شناسی تربيتی سمر کیمپ کا انعقاد کیا گیا جس میں احکام ،قصص القرآن ، تجوید القرآن ، دینی سرگرمیاں اور اخلاقیات پر مبنی کہانیوں کے ذریعے بچوں کو آگاہی دی گئ سمر کیمپ کے اختتامی دن پر خصوصی تقریب کا انعقاد کیا گیا جس کا آغاز تلاوتِ قرآن پاک، حمد و نعت اور معروف ترانہ سلام فرماندہ سے کیا گیا۔
اس موقع پر تربیتی ورکشاپ میں تمام بچوں کا امتحان لینے کے بعد نمایاں پوزیشن حاصل کرنے والے طلباء کو خصوصی انعامات دیے گئے جبکہ چھوٹے بچوں میں بھی انکی حوصلہ افزائ کے لیے انعامات تقسیم کیے گئے ہفت روزہ اسلام شناسی ورکشاپ میں محترمہ عمرين رضا رضوی، محترمہ ام البنین ، محترمہ نادرہ ، محترمہ مدیحہ اور محترمہ مبارکہ بتول نے تدریس کے فرائض انجام دیے ۔
وحدت نیوز(جہلم)مجلس وحدت مسلمین شعبہ خواتین کی مرکزی سیکرٹری تحفظ عزاداری محترمہ فہیمہ زینب اور ضلعی صدر محترمہ تحسین زہرا کی سرپرستی میں سروبہ ضلع جہلم کے مقام پر ایک روزہ تربیتی ورکشاپ کا انعقاد ہوا جس میں جہلم کے تمام یونٹس کی نمائندگان نے شرکت کی اس موقع پر مجلس وحدت مسلمین شعبہ خواتین کی مرکزی صدر سیدہ معصومہ نقوی اور مولانا حسن مہدی کاظمی صاحب نے خصوصی دعوت پر شرکت کی اور شرکاء سے خطاب کیا ۔
محترمہ سیدہ معصومہ نقوی نے اپنے خطاب میں قرآن کریم کی ہماری زندگی میں اہمیت اور آئمہ معصومین علیھم سلام کی سیاسی زندگی پر روشنی ڈالی ورکشاپ کے اختتام پر مرکزی صدر نے محترمہ فہمیہ زینب اور کارکنان سے ملاقات کی اور علاقے میں کی گئی ان کی کاوشوں کو سراہتے ہوئے مختلف کتب بطور ھدیہ پیش کیں اس موقع پر مولانا مہدی کاظمی صاحب نے بھی ننھے بچوں میں ہدیئے تقسیم کیئے۔
وحدت نیوز(اسلام آباد) اتحاد بین المسلمین کے داعی علامہ تصور حُسین نقوی الجوادی کے انتقال پر ملال پرمرکزی سیکریٹری وحدت یوتھ پاکستان علامہ اعجاز حسین بہشتی کا اظہارِ افسوس
تعزیتی پیغام میں انہوں نے کہا کہ علامہ تصور حُسین نقوی الجوادی قائدوحدت کے وفادار ساتھی تھے جنہوں نے ہمیشہ اتحاد بین المسلمین کے فروغ کیلئے خدمات انجام دیں۔علامہ تصور حُسین نقوی الجوادی ملت جعفریہ پاکستان کے انمول ہیرے تھے جن کا خلاء مدتوں پر نا ہوسکے گا۔
مرکزی سیکرٹری وحدت یوتھ علامہ اعجاز حسین بہشتی نےکہا کہ علامہ تصور حُسین نقوی الجوادی اتحاد بین المسلمین کے داعی تھے ہمیشہ اتحاد و محبت بھائی چارے کی بات کی ان کی جدائی پر ہمیں بہت دکھ ہوا ہے، لواحقین کی خدمت میں تعزیت و تسلیت پیش کرتا ہوں اور علامہ تصور حُسین نقوی الجوادی کے مغفرت کے لئے دعا کرتے ہیں ،اللہ تعالیٰ بحقِ محمد و آل محمد علیہم السلام کے صدقے مرحوم کو جنت الفردوس میں اعلیٰ مقام عطا فرمائے۔ آمین
وحدت نیوز(اسلام آباد) قائد وحدت علامہ راجہ ناصرعباس جعفری حفظہ اللہ کے جانثار وفادار ساتھی مجلس وحدت مسلمین پاکستان ریاست آزاد کشمیر کے سابقہ سیکرٹری جنرل و مجاہد عالم دین علامہ سید تصور حُسین نقوی الجوادی اس دنیا سے رخصت ہوگئے، وحدت یوتھ ونگ پاکستان کےمرکزی صدر علامہ تصور علی مھدی کا اظہار افسوس۔
علامہ تصور علی مہدی نے اپنے تعزیتی پیغام میں کہا کہ علامہ تصور حُسین نقوی الجوادی کی جدائی ایک المناک سانحـــــہ سے کم نہیں ہے، علامہ تصور حُسین نقوی الجوادی مجلس وحدت مسلمین بننے سے لیکر آج تک قائد وحدت کے ساتھ رہے ،مخلص اور وفادار ساتھی تھے۔
انہوں نے کہا کہ قائدوحدت علامہ راجہ ناصر عباس جعفری حفظہ اللہ کے قریبی ساتھی اور مجلس وحدت مسلمین کے وفادار ساتھیوں میں شمار ہونے والی شخصیت علامہ سید تصور حُسین نقوی الجوادی کےانتقال پر وحدت یوتھ ونگ پاکستان کے مرکزی صدر علامہ تصور علی مھدی نے اظہار افسوس کرتے ہوئے کہا کہ ہم آج ایک عظیم شخصیت باعمل عالم دین علامہ سید تصور حُسین نقوی الجوادی سے محروم ہوگئے۔ علامہ تصور حُسین نقوی الجوادی قائدوحدت کے قریبی ساتھیوں میں سے تھے اس کی جدائی پر ہمیں دلی صدمہ پہنچا ہے خداوندمتعال شہید کے درجات بلند فرمائے اورجوار آئمہ علیہم السلام میں جگہ عطا فرمائے اور لواحقین کو صبر جمیل عنایت فرمائے لواحقین کی خدمت میں تعزیت و تسلیت عرض کرتا ہوں۔
وحدت نیوز(لاڑکانہ)علامہ تصور علی مھدی کے بطور مرکزی صدر وحدت یوتھ ونگ پاکستان انتخاب پرملک بھر سے عہدیداران و کارکنان کی جانب سے مبارکباد کے پیغامات اور نیک خواہشات کا اظہار،ڈویژنل صدر وحدت یوتھ ونگ لاڑکانہ منصب علی کربلائی نے کہا کہ ہمیں خوشی ہے کہ یوتھ کی قیادت علامہ تصور علی مھدی کو ملی ہے جو ایک شجاع بابصیرت اور دلیر رہنما ہیں، جنرل سیکریٹری لاڑکانہ ڈویژنل مستنصر مہدی ابڑو نے کہا کہ علامہ تصور علی مھدی کے ساتھ ہر موڑ پر شانہ بشانہ کھڑے رہیں گے، تصور علی مھدی کا ایک اشارہ ہوگا حاضر حاضر لہو ہمارا ہوگا۔
تفصیلات کے مطابق وحدت یوتھ ونگ پاکستان کا پہلا اجلاس محبانِ وطن 10/11 جون 2023 کو جامعہ امام الصادق جی نائن ٹو اسلام آباد میں منعقد ہوا جس میں ملک بھر سے کثیر تعداد میں یوتھ نے شرکت کی جس میں مرکزی صدر کے لئے الیکشن ہوا ،اکثریت رائے سے علامہ تصور علی مھدی ووٹ حاصل کرکے مرکزی یوتھ صدر منتخب ہوئے، ملک بھر سے عہدیداران و کارکنان کی جانب سے مبارکباد کے پیغامات نیک خواہشات کا اظہار۔
منصب علی کربلائی نے مرکزی صدر وحدت یوتھ ونگ پاکستان کے منتخب ہونے پر مبارکباد دیتے ہوئے کہا کہ ہمیں خوشی ہے کہ یوتھ کی قیادت علامہ تصور علی مھدی کو ملی ہے جو ایک شجاع بابصیرت اور دلیر ہے، وحدت یوتھ ونگ ڈویژن لاڑکانہ جنرل سیکرٹری مستنصر مہدی ابڑو نے کہا کہ ہم علامہ تصور علی مھدی کے ساتھ ہر موڑ پر شانہ بشانہ کھڑے رہیں گے اور اس کا ایک اشارہ ہوگا حاضر حاضر لہو ہمارا ہوگا۔
وحدت نیوز(اسلام آباد)وحدت یوتھ پاکستان کے زیر اہتمام دو روزہ محبانِ وطن اجلاس جنرل یوتھ کونسل جامعہ الصادق جی سکس ٹو اسلام آباد میں جاری، جس میں ملک بھر سے وحدت یوتھ کے جوانوں کی بھرپور شرکت، پہلی نشست کا آغاز تلاوت کلام مجید سے ہوا جس کی سعادت علی ریاض اور منقبت و نعت خوانی کی سعادت احسان علی، سید غیور شمسی و زہیر عبّاس نے حاصل کی۔
پہلی نشست سے خطاب کرتے ہوئے رکن شوریٰ عالی علامہ ڈاکٹر محمد یونس حیدری نے کہا کہ جوان کسی بھی قوم کا سب سے قیمتی اثاثہ ہوتے ہیں، جوانوں کی بدولت کوئی بھی معاشرہ ترقی کی راہ پر گامزن ہو کر کامیابی کے مراحل طے کرتا ہے۔
محبان وطن اجلاس کی دوسری نشست سے خطاب کرتے ہوئے مجلس علماء مکتب اہلبیت پاکستان کے مرکزی صدر علامہ سید حسنین عباس گردیزی نے کہا کہ ایک باکردار اور پاکیزہ سیرت جوان مذہب و ملت کے لیے سعادت و کامرانی کا باعث ہے اور ہماری جوان نسل کو چاہیے کہ وہ اپنی اخلاقی و روحانی تربیت پر خصوصی توجہ مرکوز کرتے ہوئے دین اسلام کی خدمت میں مصروف عمل رہیں۔
جنرل یوتھ کونسل کے اجلاس سے ایم ڈبلیو ایم کے مرکزی جنرل سیکرٹری سید ناصر عباس شیرازی نے کہا کہ جوان ہمارے ملک وملت کے لیے ریڑھ کی ہڈی کی حیثیت رکھتے ہیں، قدرتی و انسانی وسائل میں سب سے قیمتی ترین سرمایہ جوان ہیں، کوئی بھی معاشرہ جوانوں کی صلاحیتوں کے مرہون منت ترقی کی منازل طے کرتا ہے، وقت کے تقاضوں کے مطابق ہمارے جوانوں کا جدید علم و فنون سے آراستہ ہو کر ملک کے لیے اپنا مؤثر کردار ادا کرنا ناگزیر ہے۔
محبان وطن اجلاس میں وحدت یوتھ کے اغراض و مقاصد کے عنوان پر ایم ڈبلیو ایم پاکستان کے سیکرٹری عزاداری ونگ ملک اقرار حسین علوی نے مدلل انداز میں روشنی ڈالی دیگر مقررین میں سوشل میڈیا ایکسپرٹ سید عظیم سبزواری نے سوشل میڈیا کے اہداف پر لیکچر دیا، سید سجاد نقوی نے پروگرام کے اسٹیج سیکرٹری کے فرائض سر انجام دئیے۔ کل 11 جون بروز اتوار اجلاس کے دوسرے دن مجلس یوتھ ونگ کے نئے مرکزی صدرکا انتخاب بھی عمل میں لایا جائے گا۔
وحدت نیوز(اسلام آباد)وحدت یوتھ ونگ آزاد کشمیر مظفر آباد کے ڈویژنل صدر اور سابقہ ڈویژنل صدر آئی ایس او آزاد کشمیر ڈویژن سید بلال حیدر سبزواری کی ناگہانی وفات پر چیئرمین ایم ڈبلیوایم علامہ راجہ ناصرعباس جعفری ، وائس چیئرمین علامہ احمد اقبال رضوی، مرکزی جنرل سیکریٹری سید ناصرشیرازی، مرکزی کوآرڈینیٹر وحدت یوتھ ونگ تصور مہدی،صدر ایم ڈبلیوایم آزاد جموں کشمیر علامہ ڈاکٹر سید یاسرعباس سبزواری نے دلی افسوس اور رنج کا اظہار کیا ہے ۔
قائدین نے کہا کہ مجلس وحدت مسلمین آزاد کشمیر یوتھ ونگ مظفر آباد ڈویژن کے صدر و سابقہ ڈویژنل صدر آئی ایس او آزاد کشمیر ڈویژن سید بلال حیدر سبزواری جوکہ گزشتہ روز ایک روڈ حادثے میں ہم سے جدا ہوگئے۔مجلس وحدت مسلمین پاکستان اپنے مخلص اور فعال کارکن کی وفات پر مرحوم کے پسماندگان کو دلی تعزیت و تسلیت پیش کرتی ہے خداوند متعال بحق محمد وآل محمدﷺ مرحوم کے درجات بلند فرمائے اورجوار آئمہ میں جگہ عنایت فرمائے ،پسماندگان دوست احباب کو صبر جمیل عنایت فرمائے ۔آمین
وحدت نیوز(لاہور)مجلس وحدت مسلمین شعبہ خواتین لاہور کا ہفتہ وار سلسلہ دروس صوبائی سیکرٹیریٹ لاہور میں جاری ہے اس سلسلے میں بروز اتوار علامہ سید حسن مہدی کاظمی صاحب نے درس اخلاق کے موضوع پر خطاب کیا ، اس موقع پر مرکزی صدر ایم ڈبلیو ایم شعبہ خواتین سیدہ معصومہ نقوی نے لاہور کی تمام تحصیل صدور و نائب صدور کے ساتھ عید غدیر کے حوالے سے ایک میٹنگ کی جس میں طے پایا کہ جشن عید غدیر کے عنوان سے لاہور میں غدیری اجتماع منعقد کیا جائے گا جس میں خواتین کی ذیادہ سے ذیادہ شرکت کو یقینی بنانے کے لیے اقدامات کیے جائیں گے ،
علاوہ ازیں اسی پروگرام میں نو سال کے سن کو پہنچنے والی بچیوں کے لیے جشن بندگی و عبادت کا بھی اہتمام کیا جاے گا اس پروگرام سے جید علماء خطاب کریں گے اور خصوصی خطاب ان شاءاللہ چئیرمین مجلس وحدت مسلمین پاکستان علامہ راجا ناصر عباس جعفری حفظ اللہ کا ہوگا ۔
تمام اراکین نے کامیاب پروگرام کے انعقاد کے لیے اپنی بھرپور کاوشوں کی یقین دہانی کروائی اس اجلاس میں مرکزی سیکرٹری تعلیم و تربیت محترمہ فرحانہ فصاحت اور مرکزی سیکرٹری عالمات و ذاکرات محترمہ عصمت بتول بھی موجود تھیں۔
وحدت نیوز(اسلام آباد)مجلس وحدت مسلمین شعبہ خواتین کی مرکزی صدر سیدہ معصومہ نقوی نے بانی انقلاب داعی اتحاد بین المسلمین رہبر کبیر امام خمینی رحمتہ اللہ علیہ کی چونتیسویں برسی کے موقع پر اپنے پیغام میں کہا کہ امام راحل امام خمینی رح وہ تاریخ ساز شخصیت ہیں جنہوں نے دور حاضر کی حسینیت کو زندہ کیا تاریخ ہمیشہ باکردار لوگوں کو یاد رکھتی ہے۔امام خمینی نے اپنی قوم کی فکری آبیاری کی اور ان کے مردہ ضمیروں کو زندہ کیا،آج ایران عالم کفر کیخلاف ایک مضبوط طاقت بن کر اسلامی مقدسات کی حفاظت کے لئے کمر بستہ ہے ،یہ آیت اللہ خمینی کی تربیت کا مظہر ہے ۔
انہوں نے کہا کہ امام خمینی صرف ایک عالم نہیں بلکہ کردار ساز تھے انہوں نے مظلوم اور محروم طبقے کی آواز بن کر دنیا میں ان کے حقوق کے لیے آواز بلند کی آپ نے سالوں سال بہادری سے مقابلہ کرکے شہنشاہی نظام کا تختہ الٹایا جس کے بعد ایران میں اسلامی جمہوریہ کے عظیم اور مضبوط نظام کو قائم کردیا ان کا مزید کہنا تھا آج رہبر معظم سید علی خامنای دامت برکاتہ امام خمینی رح کے افکار کے ترجمان بن کر انقلاب اسلامی کی محافظت فرما رہے ہیں اور ان شاء اللہ تا ظہور امام زمان عج انقلاب اسلامی کی یہ روشنی تاریک دنیا کو منور کرتی رھے گی۔
وحدت نیوز(لاہور) مجلس وحدت مسلمین شعبہ خواتین کی مرکزی صدر سیدہ معصومہ نقوی نے 11 ذی القعدہ میلاد امام رضا علیہ سلام کی مناسبت سے لاھور کے علاقہ آخری منٹ امامبارگاہ قصر سکینہ میں خطاب کیا انہوں نے فضیلت امام رضا ع اور وظائف منتظران امام زمانہ عج پر گفتگو کی محفل کے اختتام پر نو منتخب تحصیل صدر محترمہ عندلیب علمدار اور ان کی کابینہ کی حلف برداری کی گئی۔ محترمہ عندلیب علمدار گزشتہ سالوں میں مجلس وحدت مسلمین شعبہ خواتین لاھور کی فعال رکن رہی ہیں انہیں مرکزی صدر سیدہ معصومہ نقوی کی جانب سے واھگہ ٹاؤن اور شالیمار ٹاؤن کے پانچ علاقوں کا صدر منتخب کیا گیا ۔
علاقہ آخری منٹ ، دروغہ والا ، سلامت پورہ ، مومن پورہ ،مناواں جلو موڑ سے واھگہ بارڈر تک اور شالیمار ٹاؤن کے پانچ علاقہ جات جس میں فیض باغ ، سوامی نگر ، انگوری اسکیم ، رام گڑھ اور لال پل شامل ہیں محترمہ عندلیب علمدار بطور تحصیل صدر مجلس وحدت مسلمین شعبہ خواتین کی جانب سے اپنے فرائض انجام دیں گی اور یونٹ سازی کے عمل کو آگے بڑھائیں گی اس موقع پر مرکزی رہنما محترمہ فرحانہ فصاحت اور محترمہ عصمت بتول بھی مرکزی صدر سیدہ معصومہ نقوی کے ہمراہ موجود تھیں۔
