وحدت نیوز(لاہور) مجلس وحدت مسلمین شعبہ خواتین کی مرکزی صدر سیدہ معصومہ نقوی نے یوم وفات حکیم الامت علامہ محمد اقبالؒ کے موقع پر کہا کہ اقبال نے خودی کے سفیر اور پیامبر کی حیثیت سے مسلمانانِ برصغیر کو بلند نظری، اولوالعزمی اور استخلاص کا درس دیا آپ کے کلام سے اگر صحیح طور استفادہ کیا جائے تو وہ معاشرے میں انقلابی اصلاحات پیدا کرنے کا موجب بن سکتا ہے۔

 انہوں نے کہا کہ سیاست علامہ اقبال ؒ کی زندگی کا ایک اہم اور روشن باب رہا، جسکی بدولت انہوں نے قیام پاکستان سے سترہ برس پیشتر ہی اپنی بصیرت سے مستقبل کے دھندلے نقوش میں ایک آزاد اسلامی مملکت کا نقشہ ابھرتے ہوئے دیکھ لیا تھا لیکن آزادی حاصل کرنے کے باوجود ہم آج تک یہود و نصاری کی فکری غلامی کے شنکجے میں قید ہیں۔جب تک اسلام کی حقیقی تعلیمات کو اپنی زندگیوں پر لاگو نہیں کیا جاتا تب تک مسلمان پستی و ذلت کا شکار رہیں گے۔

ان کا مزید کہنا تھا کہ شاعر مشرق کے کا پیغام قرآنی اور الہی اصولوں پر مبنی ہے جسے اپنا کر ہم خوددار ، محکم اور فلاحی اسلامی ریاست کا قیام عمل میں لا سکتے ہیں۔

وحدت نیوز(ڈیرہ غازیخان) وحدت یوتھ ڈیرہ غازیخان ڈویژن کا دو روزہ منجی بشریت ڈویژنل کنونشن امام بارگاہ جوہر علی وڈانی میں منعقد ہوا، کنونشن میں ڈویژن بھر کی تحصیلوں اور اضلاع کے صدور نے شرکت کی، دو روزہ کنونشن میں مختلف علمائے کرام نے خطابات کیے، کنونشن میں شب شہداء کا اہتمام کیا گیا اور شہداء کی قبور پر فاتحہ خوانی بھی کی گئی۔ کنونشن میں خصوصی طور پر مرکزی صدر مولانا تصور علی مہدی نے شرکت کی۔ کنونشن کے دوسرے روز اکثریت رائے سے صفدر حسین کو نیا ڈویژنل صدر منتخب کیا گیا، نومنتخب صدر سے مرکزی صدر مولانا تصور علی مہدی نے حلف لیا۔

وحدت نیوز(لاہور)مرکزی صدر ایم ڈبلیو ایم وومن ونگ سیدہ معصومہ نقوی نے اپنے بیان میں کہا کہ الحمد للہ لشکر اسلام لشکر ِ باطل پر غالب نظر آیا اور ان شاء اللہ خداوند سبحان وہ دن ہمیں دکھائے کہ لشکر اسلام تمام عالم کفر و طاغوت پر فتحیاب ہو ، آج اُمت مسلمہ کے لیے عید کا دن ہے ، یہ اسلام و کفر کی جنگ ہے کیونکہ یہ انتقام جس نام مبارک سے شروع ہوا وہ یا رسول اللہؐ تھا اور جس بیس سے شروع ہوا وہ نبی ِ اکرمؐ تھا اس انتقام کا نام صادق وعدہ  رکھا گیا اور جس ہدف کو نشانہ بنایا گیا وہ فلسطینی معصوم بچوں ، ماؤں ، بہنوں ، بوڑھوں کا قاتل ، قبلہ اول پر غاصب ظالم ریاست اسرائیل ہے ۔ جس رُعب و دبدبے سے انتقام لیا گیا اس نے اسلام و مسلمین کی عظمت کو بحال کر دیا ہے ۔ اللہ تعالی ہم سب کو ہر حال میں ظالم کا دشمن اور مظلوم کا ساتھی بنائے ۔ آمین ۔

وحدت نیوز(کوئٹہ)صدر مجلس وحدت مسلمین شعبہ خواتین سیدہ معصومہ نقوی نے اپنے دورہ کوئٹہ کے دوران تین سالہ تنظیمی مدت کے اختتام پر نئ کوئٹہ علمدار روڈ کی نئی مسئولین کا انتخاب کیا جس میں محترمہ کنیز زہرا صدر جبکہ صائمہ بتول ایم ڈبلیو ایم شعبہ خواتین علدار روڈ کی نائب صدر منٹخب ہوئین مرکزئ صدر دونوں ذمہ داران سے حلف لیا اور آئندہ تین مہینے میں بھرپور یونٹ سازی کرنے کی تاکید کی ۔