The Latest
وحدت نیوز(لاہور) مجلس وحدت مسلمین شعبہ خواتین کی مرکزی صدر سیدہ معصومہ نقوی نے عید الفطر کے پر مسرت موقع پر اپنے پیغام میں کہا کہ رمضان کا مقصد مسلمان کے اندر تقویٰ کی صفت پیدا کرنا ہےاور ایک مہینے میں ایسی تربیت حاصل کرنا ہے جس کا اثر سال کے باقی دنوں میں بھی نظر آئے، عید کا مقصد بے جا خوشی اور خرافات نہیں بلکہ یہ دن خدا کے شکر و عبادت اور اپنے خالق سے اپنا تعلق مضبوط بنانے کادن ہے۔
ان کا کہنا تھا یہ اسلامی تہوار درصل اجتماعیت کا مظہر اور باہمی اتحاد و یکجہتی کی علامت ہے عید الفطر کے موقع پر مسلمانوں پر خدا کی طرف سے یہ ذمہ داری عائد ہے کہ اپنی خوشیوں میں تمام عزیز و اقرباء ،دوست احباب کے ساتھ ساتھ معاشرے کے غریب طبقے کا خیال رکھیں اپنی خوشیوں میں انھیں ہرگز نظر انداز مت کریں۔
ان کا کہنا تھا اس وقت دنیا کے ہر درد دل رکھنے والے باضمیر مسلمان پر غم کی کیفیت طاری ہے فلسطین میں ہمارے مسلمان بہن بھائی اسرائیلی حارحیت کا نشانہ بنایاجا رہے ہیں ، ہزاروں معصوم بچوں کی شہادتوں سے دل خون کے آنسو رو رہا ہے رسول خدا صل اللہ علیہ وآلہ وسلم کی حدیث کے مطابق تمام امت مسلمہ جسد واحد کی طرح ہے جس کا ایک حصہ تکلیف میں ہو تو باقی جسم بھی اس درد اور اذیت کو محسوس کرتا ہے فلسطینی ماوں بہنوں اور بچوں کے ساتھ اظہار یکجہتی کرتے ہوئے عید سادگی سے منائیں اور ان کے حق میں دعا کریں ان شاء اللہ کہ ظہور امام زمان عج کے ساتھ کل مستضعفین و مظلومین کو غلبہ و قوت عطا ہوگی ۔
وحدت نیوز(لاہور) عالمی یوم القدس کے موقع پر سیدہ معصومہ نقوی مرکزی صدر ایم ڈبلیو ایم وومن ونگ کا کہنا تھا کہ روز قدس پورے عالم اسلام کا دن ہے ،قرآن کا دن ہے اسلامی حکومت اور اسلامی انقلاب کا دن ہے اس سال کا یوم القدس اس لیے بھی اہم ترین ہے کہ غزہ میں حق و باطل کا میدان سجا ہوا ہے ، ایک طرف وقت کا یزید اسرائیل ہے جس کی درندگی ، سفاکیت اور اندوہناک مظالم کی انتہا ھے اور دوسری جانب فلسطینی عوام کا صبر ، حوصلہ اور ان کا خدا پر یقین محکم جس نے تمام عالم انسانیت کو ورطہ حیرت میں ڈال رکھا ہے غزہ کے معصوم ننھے بچوں کی شہادتوں نے درد دل رکھنے والی انسانیت کو لرزا دیا ہے ۔
سات ماہ سے جاری اس غیر مساوی جنگ میں فلسطینیوں کے گھر تباہ ، سکول تباہ ، ہسپتال اڑا دیے گئے بھوک و پیاس سے ننھے بچے شہید ہو رہے ہیں ، زخمیوں کے علاج کے لیے نہ ہسپتال ہے نہ ادویات ، موسم کی شدت ہے اور سر چھپانے کا ٹھکانہ نہیں ایسے مظالم ہیں کہ جن کا بیان ممکن نہیں ہم اپنے مسلمان بہن بھائیوں بچوں کے لیے جو لر سکتے ہیں وہ یہی ہے کہ مظلوم کی حمایت اور ظالم سے نفرت کا اظہار کریں ، اسرائیلی مصنوعات کا مکمل بائیکاٹ کریں ، قضیہ فلسطین کو نہ بھولیں اور ہمیشہ اس پر بات کرتے رہیں لھذا اس سال یوم القدس کی ریلی میں اپنے بچوں کے ساتھ بھرپور شرکت کریں اور مظلومین فلسطین کی حمایت اور جنایت کار اسرائیل سے نفرت و بیزاری کا اظہار کر کے حق و باطل کے اس معرکے میں خود کو حق والوں کے ساتھ قرار دیں انہوں نے مزید کہا کہ دشمن مذہب و مسلک اور قومی و لسانی تفرقے ایجاد کرکے اسلامی وحدت کو پارہ پارہ کررہا ہے اب بھی وقت ہے کہ مسلمان ملتیں اور حکمران ہوش میں آئیں اور اسلامی بیداری و آگاہی سے کام لے کرفلسطینی مجاہدین کے ساتھ اپنی حمایت و نصرت اور پشت پناہی کا اعلان کریں۔
وحدت نیوز(لاہور) جناب برادر کاظم علی وحدت یوتھ ونگ گلبرگ ٹاؤن لاہور کے صدر جبکہ برادر سید حسین زیدی نائب صدر منتخب ہوگئے ۔ وحدت یوتھ ونگ کے مرکزی نائب صدر جناب راجہ مصطفی حیدر نے دونوں حلف لیا ۔
گلبرگ ٹاؤن لاہور کے جوانوں کے ساتھ ایک صمیمی نشست کا اہتمام کیا گیا تھا جہاں مجلس وحدت مسلمین پاکستان وحدت یوتھ ونگ کے مرکزی نائب صدر راجہ مصطفی حیدر جعفری نے جوانوں سے گفتگو کی ۔گلبرگ ٹاؤن لاہور کے جوانوں نے راجہ مصطفی حیدر جعفری مرکزی نائب صدر مجلس وحدت مسلمین یوتھ ونگ کی گفتگو سے متاثر ہوکر کئی سوالات کیے اوران کے جوابات لیے ۔ علمی نشست بہت ہی جاذب اور عمدہ تھی ۔
سید حسین زیدی صوبائی سیکرٹری سیاسیات مجلس وحدت مسلمین پنجاب ، نجم عباس خان ضلعی صدر مجلس وحدت مسلمین پاکستان ضلع لاہور ، برادر نقی حیدر ضلعی صدر مجلس وحدت مسلمین پاکستان ضلع لاہور بھی اس نشست میں موجود تھے ۔ نشست کے آخر میں کثرت رائے سے برادر کاظم علی کو صدر جبکہ سید حسین زیدی کو نائب صدر وحدت یوتھ ونگ گلبرگ ٹاؤن ضلع لاہور منتخب کرلیا گیا ۔ جن سے مرکزی نائب صدر مجلس وحدت مسلمین پاکستان وحدت یوتھ ونگ کے مرکزی نائب صدر نے حلف لیا ۔ اور دونوں کو مبارک باد اور ان کے نیک خواہشات کا اظہار کیا ۔
وحدت نیوز(لاہور)مجلس وحدت مسلمین پاکستان وحدت یوتھ ونگ کے مرکزی نائب صدر جناب راجہ مصطفی حیدر جعفری کی اپنے وفد کے ہمراہ اندرون شہر لاہور موری گیٹ کی معروف قدیمی امام بارگاہ دربار حسین علیہ السلام آمد ۔ وحدت یوتھ ونگ کے وفد کی اندرون شہر موری گیٹ کی مشہور قدیمی تاریخی امام بارگاہ دربار حسین (ع) میں مجلس عزاء میں شرکت مجلس عزاء کے بعد مقامی معروف عزادار تاثیر شاہ اور سندر شاہ سے ملاقات اور وحدت یوتھ کے حوالے سے تفصیلی گفتگو ہوئی ۔
جناب حجت الاسلام و المسلمین راجہ مصطفی حیدر جعفری نے مقامی عزاداروں سے ایک نشت کی جس میں وحدت یوتھ کی فعالیت اور پیشرفت پر گفتگو ہوئی اور اس بارے تبادلہ خیال کیا گیا۔ مقامی اندرون شہر کے عزاداروں نے وحدت یوتھ ونگ کے پروگراموں اور فعالیت کو سن کر بڑی دلچسپی کا اظہار کیا اور کافی دیر سوال وجواب کا سیشن چلتا رہا ۔ نشست کے آخر پر مقامی عزاداروں نے گروپ سیشن فوٹو بنوایا اور کہا اس طرح کی مزید نشستوں کی علاقے میں ضرورت ہے ۔ان شاءاللہ دوبارہ بھر پور فعالیت کے بعد اس جگہ دوباہ ایک نشست کا اہتمام کیاجائے گا ۔جس میں موری گیٹ اندرون شہر لاہور میں باقاعدہ وحدت یوتھ ونگ کا قیام عمل لایا جائے گا ۔ان شاءاللہ ۔
راجہ مصطفی حیدر جعفری کی گفتگو اتنی مدلل اور جاذب تھی کی مقامی مومنین کافی حد تک مطمئن نظر آئے ۔ بس ایک موقعہ چاہا کہ اس پر مزید مشاورت کرلیں تو ان شاءاللہ اگلے وزٹ پر باقاعدہ وحدت یوتھ ونگ کا یونٹ تشکیل دیا جائے گا۔ان شاءاللہ
جناب رانا کاظم علی ضلعی نائب صدر مجلس وحدت مسلمین ضلع لاہور ، جناب نقی حیدر ضلعی صدر مجلس وحدت مسلمین پاکستان وحدت یوتھ ونگ ضلع لاہور بھی مرکزی نائب صدر مجلس وحدت مسلمین پاکستان وحدت یوتھ ونگ کے ہمراہ تھے ۔
وحدت نیوز(لاہور)مجلس وحدت مسلمین پاکستان وحدت یوتھ ونگ کے زیر اہتمام علامہ اقبال ٹاؤن واقع حویلی میجر شاہ ، ٹھوکر نیاز بیگ میں ایک اہم اجلاس منعقد ہوا ۔ جس میں مقامی ٹاؤن کے جوان کثیر تعداد میں شریک ہوئے ۔ جناب راجہ مصطفی حیدر جعفری مرکزی نائب صدر مجلس وحدت مسلمین پاکستان وحدت یوتھ ونگ مہمان خصوصی تھے ۔ جبکہ جناب رانا کاظم علی ضلعی نائب صدر مجلس وحدت مسلمین ضلع لاہور ، جناب سید فخر حسنین رضوی ایڈووکیٹ ضلعی صدر عزاداری کونسل ضلع لاہور ، جناب نقی حیدر ضلعی صدر مجلس وحدت مسلمین وحدت یوتھ ونگ ضلع لاہور ، جناب ذیشان حیدر ضلعی جنرل سیکرٹری وحدت یوتھ ونگ ضلع لاہور طور مبصر اجلاس میں شریک ہوئے ۔ تقریب میں جوانوں کی اکثریت سے حیدر کھارا کو صدر جبکہ سید وسیم شاہ کو نائب صدر علامہ اقبال ٹاؤن منتخب کرلیا گیا ۔ جناب راجہ مصطفی حیدر مرکزی نائب صدر مجلس وحدت مسلمین پاکستان وحدت یوتھ ونگ نے ان سے حلف لیا ۔
وحدت نیوز(لاہور)مجلس وحدت مسلمین پاکستان یوتھ ونگ کے مرکزی نائب صدر جناب علامہ راجہ مصطفی حیدر کی لاہور کے وحدت یوتھ کے ہمراہ مرکزی جلوس عزاء بمناسبت شہادت مولا امیرالمومنین امام علی علیہ السلام لاہور میں شرکت ۔ جلوس میں شامل عزاداروں سے ملاقاتیں ۔ 8 محرم الحرام کے بانی سندر شاہ سے ملاقات ۔
جعفریہ کالونی میں مرکزی نائب صدر مجلس وحدت مسلمین یوتھ ونگ جناب راجہ مصطفی اور دیگر یوتھ کے برادران کے لئے افطار اور نذرونیاز کا اہتمام کیا گیا تھا ۔ جہاں جعفریہ کالونی کے آغا باقر، علی عامر اور عزاداری ونگ لاہور کے صدر جناب فخر حسنین رضوی سے ملاقات کی گئی ۔ اس ملاقات میں ملکی حالات اور سیاسی صورتحال کے علاؤہ جوانوں کی عمومی تربیت کے حوالے سے گفتگو اور تبادلہ خیال کیا گیا ۔ راجہ مصطفی حیدر کے ہمراہ جناب نقی حیدر صدر وحدت یوتھ لاہور اور رانا کاظم علی سنیئر نائب صدر مجلس وحدت مسلمین ضلع لاہور بھی ہمراہ تھے ۔
وحدت نیوز(کراچی) مجلس وحدت مسلمین ضلع ملیر کے فلاحی شعبے المجلس ویلفیئر آرگنائزیشن کی جانب سے مچھروں کی بہتات کے سبب ڈینگی اور ملیریا جیسی مہلک بیماریوں سے بچاؤ کیلئے مچھر ماراسپرے مہم کا آغاز کردیا گیا، اس سلسلے میں ایم ڈبلیوایم کے رضاکاروں نے ملیر کے مختلف علاقوں میں ایام شہادت مولا علیؑ کی مجالس وجلوس کے مقامات اور تراویح میں مصروف مساجد میں خصوصی طور پر جبکہ جعفرطیار سوسائٹی، عمار یاسر سوسائٹی ، غازی ٹاؤن فیز 1، فیز2،باغ اسد، ایچ ایریا، علیم آباد، جناح اسکوائر،اردو نگر، مدینہ کالونی ،کھوکھراپار، سعود آباد، حسینی کوارٹرز، حسین آباد برف خانہ، محمدی ڈیرہ، عابدیہ سینیٹر، زُہرہ گارڈن ودیگر مقامات پرعمومی گلی محلوں میں بلاتفریق اسپرے کیا۔ مچھروں کے ستائے اہلیان ملیر نے بروقت اسپرے مہم کے آغاز پر ایم ڈبلیوایم کا شکریہ ادا کیا۔
وحدت نیوز(کراچی) وحدت یوتھ پاکستان کراچی ڈویژن کی جانب سے استحکامِ پاکستان و آزادئ قدس ڈویژنل کنونشن کا انعقاد آئی آر سی لان میں کیا گیا، کنونشن سے مرکزی سیکرٹری یوتھ ونگ ایم ڈبلیو ایم پاکستان علامہ اعجاز حسین بہشتی نے مرکزی خطاب و اعلانِ نو منتخب ڈویژنل صدر کیا جبکہ صوبائی صدر ایم ڈبلیو ایم صوبۂ سندھ علامہ باقر عباس زیدی، مرکزی صدر وحدت یوتھ پاکستان مولانا تصور علی مہدی، مولانا حسن رضا نقوی اور فلسطین فاؤنڈیشن پاکستان کے سیکرٹری جنرل برادر صابر ابو مریم نے شرکاء کانفرنس سے خطاب کیا، جبکہ برادر علی مہدی، برادر مزمل علی، برادر امجد جتوئی، برادر معظم، برادر آصف علی اور برادر تراب جعفری نے بارگاۂ رسالت و امامت میں نذرانۂ عقیدت پیش کیا.
کنونشن میں ایم ڈبلیو ایم کراچی ڈویژن کے صدر علامہ صادق جعفری، عزاداری ونگ صوبۂ سندھ کے صدر برادر زین رضوی، جعفریہ الائنس پاکستان کے جنرل سیکرٹری جناب شبر رضا رضوی، مولانا حیدر عباس عابدی، ذاکرینِ امامیہ پاکستان کے صدر علامہ نثار احمد قلندری، آئی ایس او کراچی ڈویژن کے جنرل سیکرٹری برادر عون رضوی، مولانا محمد علی جلبانی، ایم ای ایس او پاکستان کے جنرل سیکرٹری برادر سجاد رضا، ایم ڈبلیو ایم ضلع وسطی کے صدر علامہ ملک غلام عباس، ایم ڈبلیو ایم ضلع ملیر کے صدر برادر احسن رضوی،نائب صدر شعیب رضا، رابطہ سیکریٹری حسین رضوی، ایم ڈبلیو ایم ضلع شرقی کے صدر برادر نوشاد، ایم ڈبلیو ایم ضلع کیماڑی کے سیکرٹری تنظیم سازی برادر ضیغم سمیت تمام تر ٹاؤنز کے صدور اور ممبران نے شرکت کی.شاندار کارکردگی کا مظاہرہ کرنے والے کارکنان میں اعزازی شیلڈز بھی پیش کی گئیں۔
وحدت نیوز(لاہور)مرکزی صدر ایم ڈبلیو ایم وون ونگ سیدہ معصومہ نقوی نے ۲۳ مارچ یوم پاکستان کے موقع پر اپنے خیالات کا اظہار کرتے ہوئے کہا کہ یوم پاکستان پوری قوم کیلئے یکجہتی کا دن ہے،برصغیر کے مسلمانوں نے فکر ِاقبال کی روشنی اور قائد اعظم کی قیادت میں دو قومی نظریہ کی بنیاد پر کامیاب جدوجہد کے نتیجہ میں پاکستان جیسا عظیم ملک حاصل کیا، قیام پاکستان کا مقصد‘ اسلام کی سربلندی قائم کرنے کیساتھ ساتھ پاکستان میں اسلامی قوانین کا نفاذ کرکے اسلام اور خوشحالی کی طرف گامزن کرناہے۔
انہوں نے کہا کہ پاکستان مسلمانوں کی قربانیوں کا ثمر اورخدا کی عظیم نعمت ہے، نظریہ پاکستان ہماری پہچان اور اساس ہے اور اس کی بقا اور سلامتی صرف اسی صورت ممکن ہے کہ نوجوان نسل کو اس نظریے کی بنیاد سے متعارف کروایا جائے۔
وحدت نیوز(لاہور)10رمضان ، رحلت اُم المومنین ملیکۃ العرب جناب خدیجۃ الکبریٰ سلام اللہ علیھا کے موقع پر تعزیت و تسلیت پیش کرتے ہوئے محترمہ معصومہ نقوی مرکزی صدر ایم ڈبلیو ایم وومن ونگ نے کہا کہ جناب خدیجة الکبری سلام اللہ علیھا ان باوقار و عظیم خواتین میں پہلی خاتون ہیں کہ جنھوں نے دین اسلام کی خاطر بے پناہ قربانیاں پیش کیں ام المومنین،سیدہ خدیجۃالکبریٰ عرب کی معزز ترین اور دولت مند خاتون ہونے کے ساتھ ساتھ علم و فضل اور ایمان میں بھی نمایاں مقام رکھتی ہیں پیغمبر اسلام صلی ا للہ علیہ و آلہ وسلم آپ کی رفاقت اور غمگساری کو آخری سانس تک نہ بھول پائے اور فرمایا کہ خدیجہؑ جیسی رفیقہ مجھے کوئی اور نہ ملی۔
انھوں نے کہا جناب خدیجہ سلام اللہ علیھا رسول خدا صل اللہ علیہ و آلہ وسلم کے ساتھ رشتہ ازدواج میں منسلک ہونے سے پہلے بھی ایک تاریخ ساز شخصیت تھیں جاھلیت کے اس دور میں کہ جہاں عورت کو زندہ درگور کر دیا جاتا جناب خدیجہ سلام اللہ علیھا نے گھر بیٹھے منظم و مربوط تجارتی نظام کو سنبھالا ذرائع آمد و رفت اور وسائل نقل و حمل کے حد درجہ محدوداور غیر ترقی یافتہ ہونے کے باوجود نہ صرف عربی حدود بلکہ عرب سے باہر دیگر ممالک تک آپ کا سلسلۂ تجارت وسیع تھا۔دنیاقومیت میں محدود تھی اور آپ کی تجارت بین الاقوامی تھی۔
کردار جناب خدیجة پر روشنی ڈالتے ہوئے انھوں نے مزید کہا ام المومنین ملیکة العرب جناب خدیجہ س نے دین اسلام کی ترویج و تبلیغ میں اپنی ساری دولت راہ خدا میں خرچ کر دی رسول خدا صل اللہ علیہ وآلہ وسلم کا ہر مشکل وقت میں بھرپور ساتھ دی اور کار رسالت کی انجام دہی میں رسول اللہؐ کے شانہ بشانہ چلتے ہوئے جناب خدیجہ س نے بیشمار مصائب و آلام تحمل کیے ان کا مزید کہنا تھا کہ موجودہ پیچیدہ صورتحال میں امت مسلمہ سیرت ام المومنین جناب خدیجة الکبری س کو اپناتے ہوے پہلے سے ذیادہ اپنے اطراف میں موجود غربا و مستحقین کا خیال رکھیں اور ان کی ہر ممکن امداد کو یقینی بنائیں۔
