وحدت نیوز (راولپنڈی) مجلس وحدت مسلمین پاکستان کےزیر اہتمام لیاقت باغ راولپنڈی میں منعقدہ قرآن واہل بیت ؑ کانفرنس سے خطاب کرتے ہوئے ایم ڈبلیوایم جنوبی پنجاب کے صوبائی سیکریٹری جنرل علامہ اقتدار حسین نقوی نے کہاکہ آج کا یہ اجتماع قائد شہید علامہ عارف حسین الحسینیؒ کی یاد کو زندہ رکھنےکیلئے منعقد کیا ہے، ہم عہد کرتے ہیں کہ ہر صورت شہید کی راہ کو زندہ رکھیں گے ۔

انہوں نے کہا کہ ایوانوں اور ضلعی انتظامیہ کے دفاتر میں سازشوں کے جال بننے جاتے ہیں، اوچھےہتھکنڈے اختیار کیئے جارہے ہیں۔ جنوبی پنجاب کو علیحدہ صوبہ بنانے کا مطالبہ آج تک شرمندہ تعبیر نہیں ہوا۔ موجودہ حکومت نے بھی جنوبی پنجاب کے عوام کو مایوس کیا ہے ۔ لودہراں کا ڈی پی او نے 100 سال پرانے جلوس عزا کو یہ کہہ کر بند کرنے کا م،مطالبہ کیا کہ چونکہ اس جلوس کا بانی فوت ہوگیا لہذٰا یہ جلوس بھی فوت ہوگیا ہے ۔

انہوں نے کہا کہ ہمیں قائد وحدت علامہ راجہ ناصرعباس جعفری کی بابصیرت قیادت پر فخر ہے اور پورا اعتماد ہے ،جنہوںنے ہر لمحہ ملت جعفریہ کی درست سمت میں رہنمائی کی ہے ، امید ہے کہ عزاداری پر پابندیوں، عزاداروں پر مقدمات اور شیڈول فور جیسے اوچھے ہتھکنڈوںکا مقابلہ ہم قائد وحدت کی زیر قیادت ڈٹ کرکریں گے۔