وحدت نیوز(لندن)ایم ڈبلیو ایم برطانیہ کے وفد نے 29 ستمبر کو علی مسجد لوٹن میں منعقد ھونے والی وحدت کانفرنس بمناسبت برسی قائد شہید علامہ سید عارف حسین الحسینی رح کے لئے دعوتی مہم کا آغاز کیا۔ ایم ڈبلیو ایم برطانیہ کے صدر جناب حجت الاسلام مولانا ابرار حسین الحسینی صاحب کی قیادت میں ایک وفد جسمیں ایم ڈبلیو ایم برطانیہ کے مرکزی کوارڈینیٹر جناب سید وجاہت علی گیلانی و نائب صدر سید عامر عباس شاہ نقوی نے نمائندہ ولی فقیہ برطانیہ جناب سید ہاشم الموسوی سے اسلامک سنٹر میڈاویل میں ملاقات کی اور مختلف امور پر تبادلہ خیال کیا نیز 29 ستمبر کی وحدت کانفرنس کی دعوت نامہ بھی پیش کیا۔

 اس کے بعد مجلس وحدت مسلمین برطانیہ کے وفد نے صدر جناب حجت الاسلام مولانا ابرار حسین الحسینی صاحب کی قیادت میں نمائندہ آیت اللہ سیستانی حفظہ کے دفتر کا دورہ کیا اور وہاں موجود افغانستان سے تعلق رکھنے والے عالم جناب حجت الاسلام مولانا آغا سید حسین المسوی سے ملاقات کی انہیں کانفرنس کا دعوت پیش کیا اور ساتھ ہی برطانیہ میں آیت اللہ سید علی سیستانی حفظہ اللہ کے نمائندہ حجت الاسلام علامہ آغا سید کاشمیری حفظہ اللہ کا بھی دعوت نامہ پیش کیا جو کہ اس وقت بیرون ملک ھیں مگر ان شاء اللہ اس کانفرنس کے موقع پر وہ برطانیہ میں موجود ھوں گے۔
 ایم ڈبلیو ایم برطانیہ کا وفد اس کانفرنس میں برطانیہ بھر سے بھرپور شرکت کے لئے مختلف امام بارگاہوں اور سینٹرز کا مختلف علاقوں اور شہروں کا دورہ جاری رکھے گا۔