وحدت نیوز (کراچی) ملک بھر میں جاری فرقہ وارانہ ٹارگٹ کلنگ سمیت شیعہ حقوق کی پائمالی کے خلاف اسلام آباد میں جاری علامہ راجہ ناصر عباس جعفری کی بھوک ہڑتال کی حمایت میں ایم ڈبلیو ایم کراچی ڈویژن کی جانب سے نمائش چورنگی پر قائم علامتی بھوک ہڑتالی کیمپ کے گیارہویں روز مجلس وحدت کے مرکزی رہنما علامہ باقر عباس زیدی، صوبائی پولٹیکل سیکرٹری علی حسین نقوی ، سیکرٹری جنرل کراچی میثم عابدی، علامہ مبشر حسن ، علامہ علی انور جعفری ،علامہ صادق جعفری ،علامہ احسان دانش، ڈاکٹر مدثر حسین سمیت کارکنان کی بڑی تعداد نے علامہ راجہ ناصر عباس جعفری سے اظہار یکجہتی کیلئے علامتی بھوک ہڑتال کر کے اپنا احتجاج ریکارڈ کروایا۔ اس موقع پر میڈیا سے گفتگو کرتے ہوئے ایم ڈبلیو ایم کراچی کے نو منتخب سیکریٹری جنرل میثم عابدی نے کہا کہ اس احتجاجی کیمپ کا مقصد ملک میں دہشتگردوں کی بربریت کا نشانہ بننے والی بے گناہ عوام کے خانوادوں سے اظہار یکجہتی اور ملک خداداد میں جاری دہشتگردی اور کالعدم جماعتوں کے بڑھتے ہوئے نفوذ اور ان کے سہولت کاروں کے خلاف حکومتی و ریاستی اداروں کی مجر مانہ خاموشی پر اپنا مؤثر پُرامن احتجاج ریکارڈ کر وانا ہے۔ انہوں نے کہا کہ ایسا لگتا ہے کے ملک میں دوبارہ طالبان دہشتگردوں اور ان کی بغل بچہ کالعدم جماعتوں کو فری ہینڈ دیا جا رہا ہے اور پھر سے پروفیشنلز کو ٹارگٹ کلنگ کا نشانہ بنا کر قومی نقصان کیا جا رہا ہے، اس صورتحال پر تمام محب وطن عوام انتہائی تشویش کا شکار ہیں۔

رہنما ایم ڈبلیو ایم نے کہا کہ علامہ راجہ ناصر عباس کی سربراہی میں ایم ڈبلیو ایم کی احتجاجی تحریک صرف شیعہ سنی مسلمانوں کیلئے ہی نہیں بلکہ تمام محب وطن اقلیت برادری کیلئے بھی ہے، ہم نہیں چاہتے ہیں کسی بھی مکتب کی آزادیاں سلب کی جائیں، ہر مکتبہ فکر کو آزادی ہونی چاہیئے کہ وہ اپنی عبادات بجا لاسکیں، انہیں بھی پاکستانی کی حیثیت سے یکساں شہری حقوق حاصل ہوں۔ انہوں نے مزید کہا کہ ہم اس ملک کو مسلکی پاکستان نہیں بننے دیں گے، پاکستان کے لوگوں کو قائد و اقبال کا پاکستان چاہیے۔ انہوں نے کہا کہ ملک بھر میں ایک طرف خاص طور پر اہل تشیع مسلمانوں کی ٹارگٹ کلنگ جاری ہے جبکہ دوسری جانب عزاداری سیدالشہداء پر قدغن لگائی جا رہی ہے، ملک بھر میں ہزاروں بانیان مجالس اور ذاکرین کیخلاف مقدمے درج کر لئے گئے ہیں، جو کام دہشتگرد نہیں انجام دے سکے، وہ نواز حکومت پنجاب سمیت ملک بھر میں نیشنل ایکشن پلان کے نام پر انجام دینا چاہتی ہے،آج ظلم کے خلاف آواز بلند کرنے والے محب وطن طبقے کو دانستہ طور پر دہشتگردوں کے رحم و کرم پر چھوڑ دیا گیا تاکہ انہیں ظالم حکمرانوں کے خلاف آواز بلند کرنے کا موقع نہ مل سکے، لیکن ہم محب وطن اہل تشیع مسلمان پاکستانی ہر حال میں اس صورتحال کا راستہ روکیں گے۔

وحدت نیوز (کراچی) مجلس وحدت مسلمین کراچی کے رہنما علامہ علی انو ر جعفری علامہ مبشر حسن اور میثم عابدی نے کہا ہے کہ ملک بھر سے محب وطن عوام حکومتی و ریاستی اداروں کی مجر مانہ خاموشی کے خلاف علامہ راجہ ناصر عباس کی احتجاجی بھوک ہڑتال سے اظہار یکجہتی کرکے انکی آواز پر لبیک کہہ رہے ہیں، وہ وقت دور نہیں جب عوام کا ہاتھ خائن ذمہ داران کے گریبانوں پر ہوگا، وزیراعلیٰ سندھ کے آبائی حلقے خیرپور میں کالعدم دہشتگرد تنظیم کو کھلے عام جلسے کی اجازت دینا نیشنل ایکشن پلان اور آپریشن ضرب عضب کی دھجیاں اڑانے کے مترادف ہے۔ ان خیالات کا اظہار انہوں نے ملک بھر میں جاری فرقہ وارانہ ٹارگٹ کلنگ سمیت شیعہ حقوق کی پائمالی کیخلاف اسلام آباد میں جاری علامہ راجہ ناصر عباس جعفری کی بھوک ہڑتال کی حمایت میں ایم ڈبلیو ایم کراچی کی جانب سے نمائش چورنگی پر قائم علامتی بھوک ہڑتالی کیمپ کے بارہویں روز خطاب کرتے ہوئے کیا۔ اس موقع پر مولانا علی انور،علامہ مبشر حسن ، میثم عابدی سمیت کارکنان کی بڑی تعداد نے علامہ راجہ ناصر عباس جعفری سے اظہار یکجہتی کیلئے علامتی بھوک ہڑتال کر کے اپنا احتجاج ریکارڈ کروایا۔

رہنماؤں کا کہنا تھا کہ علامہ راجہ ناصر عباس جعفری کی سربراہی میں محب وطب اہل تشیع مسلمانوں نے ہمیشہ وحدت اسلامی اور اخوت و بھائی چارے کو فروغ دیا ہے،اسی لئے حکومتی و ریاستی اداروں کی مجر مانہ خاموشی کے خلاف جاری پُرامن احتجاج اور بھوک ہڑتال بھی ہر مظلوم طبقے کی آواز بن چکی ہے، اور ملک بھر سے محب وطن عوام و خواص علامہ راجہ ناصر عباس کی احتجاجی بھوک ہڑتال سے اظہار یکجہتی کرکے انکی آواز پر لبیک کہہ رہے ہیں، وہ وقت دور نہیں جب عوام کا ہاتھ خائن ذمہ داران کے گریبانوں پر ہوگا۔ رہنماؤں نے کہا کہ کراچی، ڈیرہ اسماعیل خان، پشاور سمیت ملک بھر میں اہل تشیع پروفیشنل افراد سمیت بے گناہوں کا قتل ملک و قوم کے خلاف گھناؤنی سازش ہے، اس سازش میں ملوث دہشتگرد عناصر کو کھلی چھوٹ دیکر حکمران طبقہ و ریاستی اداروں میں موجود کالی بھیڑیں سہولت کار کا کردار ادا کر رہے ہیں، جس پر تمام محب وطن طبقات انتہائی تشویش کا شکار ہیں، اگر ملک میں بے گناہ شہریوں کے قتل عام اور حکومت پاکستان کی مجرمانہ خاموشی کا نوٹس نہ لیا گیا اور دہشتگرد عناصر اور انکے سیاسی و مذہبی سہولت کاروں کو گرفتار کر کے کیفر کردار تک نہ پہنچایا گیا تو عوام ملک بھر میں ہر سطح پر احتجاجی تحریک چلانے پر مجبور ہو جائینگے۔

رہنماؤں نے پیپلز پارٹی کی سندھ حکومت کو تنقید کا نشانہ بناتے ہوئے کہا کہ ایک طرف تو پیپلزپارٹی دہشتگردوں سے اعلان برأت کرتی نظر آتی ہے، لیکن دوسری طرف وزیراعلیٰ سندھ کے آبائی حلقے خیرپور میں کالعدم دہشتگرد تنظیم کو کھلے عام جلسے کی اجازت دے دی گئے، جو کہ نیشنل ایکشن پلان اور آپریشن ضرب عضب کی دھجیاں اڑانے کے مترادف ہے، خیرپور، کراچی سمیت سندھ بھر میں کالعدم دہشتگرد تنظیموں کی کھلے عام فعالیت اس بات کا ثبوت ہے کہ یہ تو سندھ حکومت اپنے اقتدار کی خاطر دہشتگرد عناصر سے ساز باز کر چکی ہے، جیسا کہ اس نے گذشتہ بلدیاتی انتخابات کے موقع پر کیا تھا، یا پھر وہ ملک دشمن دہشتگرد عناصر کے سامنے بالکل بے بس ہو چکی، اس صورت میں سندھ حکومت کو اقتدار میں رہنے کا کوئی حق نہیں، لہٰذا یا تو سندھ حکومت صوبے بھر میں دہشتگرد عناصر کے خلاف فی الفور کارروائی کرکے انہیں لگام دے یا پھر اپنے خلاف بھرپور عوامی تحریک کیلئے تیار ہوجائے۔

وحدت نیوز(کوئٹہ) مجلس وحدت مسلمین کوئٹہ کے مرکزی سیکریٹری آئمہ جمعہ فورم علامہ سید ھاشم موسوی نے اپنے خطاب میں کہا خداوند اپنے بندوں کو کامیاب دیکھنا چاہتا ہے، دنیا میں ہر شخص مسافر ہے، زندگی ایک سفر کی مانند ہے اور کامیابی اچھے کردار اور اچھے آخرت کو کہتے ہیں۔ ان خیالات کا اظہار انہوں نے عوامی جلسے سے خطاب کے دوران کیا۔

انہوں نے کہا کہ اللہ اور اس کے رسول صلی اللہ علیہ وآلہ وسلم کے احکامات پر عمل اور قرآن و اہلبیت کا دامن تھام کر ہی ہم صحیح معنوں میں کامیاب ہو سکتے ہیں، ہمیں اپنے آخریت کی تیاری کرنی چاہئے۔ انہوں نے کہا کہ دین ایک مکمل ضابطہ حیات ہے جس میں زندگی کے ہر پہلوں کا ذکر کیا گیا ہے اور اسکی پیروی کامیابی کی ضامن ہے۔ انہوں نے معاشرے میں اجتماعی اعمال کو انفرادیت پر ترجیح دیتے ہوئے کہا کہ اللہ ہمارے اجتماعی اعمال کو زیادہ پسند کرتا ہے ایک زمانہ ایسا تھا کہ ہم پر ظلم جاری تھا اور بازا ر ہماری قتلگاہ بن گئی تھی ، جب مجلس وحدت مسلمین میدان میں آئی اور ہم ایک سیاسی قوت بن گئے۔ ہم نے ظلم کے خلاف اپنی آواز بلند کی ۔ مجلس وحدت مسلمین ہمیشہ مظلوموں کے ساتھ رہی ہے اورظلم کے خلاف آواز بلند کی ہے۔ انہوں نے ملک بھر میں اہل تشیع پر ہونے والے مظالم کا تذکرہ کیا اور کہا کہ قائد وحدت علامہ راجہ ناصر عباس جعفری ظلم و ستم کے خلاف ہیں، علمدار روڈ پر انہی کی کال پر پورے ملک کے عوام احتجاجوں کیلئے سڑکوں پرنکلے تھے اور قائد وحدت علامہ راجہ ناصر عباس جعفری اسی ظلم و بربریت کے خلاف ایک بار پھر سراپا احتجاج ہیں اور کہی دنوں سے اسلام آباد میں بھوک ہڑتال کیمپ میں بیٹھے ہیں، انکی حمایت کیلئے کوئٹہ میں بھی علامتی بھوک ہڑتال لگایا گیا ہے۔

وحدت نیوز(لاہور) مجلس وحدت مسلمین کے تحت پریس کلب کے سامنے بھوک ہڑتالی کیمپ میں بارہویں روز دعائے جوشن کبیر کا اہتمام خواتین ،بچے اور مردوں کی بڑی تعدا کی شرکت ،مجلس وحدت مسلمین کے مرکزی رہنما علامہ اعجاز بہشتی اور سیکرٹری جنرل پنجاب علامہ اصغر عسکری کی آمد،علمائے کرام اور کارکنان سے ملاقات،اتوار 25 مئی کو علامہ راجہ ناصر عباس جعفری سے اظہار یکجہتی اور حکومت اور ریاستی اداروں کی بے حسی کیخلاف پریس کلب سے اسمبلی ہال تک احتجاجی ریلی کا اعلان۔

علامہ اعجاز حسین بہشتی نے اپنے خطاب میں کہا کہ ہمارے پرامن احتجاج کو بارہ دن گزر گئے لیکن نام نہاد جمہوری ٹھیکیدار اپنی بادشاہت بچانے کے لئے لندن یاترا میں مصروف ہیں ہم ان کا پیچھا وہاں بھی نہیں چھوڑیں گے،لندن میں نواز شریف کے رہائش گاہ کے باہر غیور پاکستانی بھر پور احتجاج کرکے ان غاصب حکمرانوں کو اوقات یاد دلائیں گے،جرمنی،آسٹریلیا،لندن،یورپی ممالک اور امریکہ کے مختلف ریاستوں میں بھی احتجاج کا سلسلہ شروع ہوچکا ہے،انشااللہ ہم اپنے شہداء کے غداروں کا پیچھا دنیا بھر میں کریں گے،پاکستان سمیت بیرون ممالک احتجاج اس بات کی دلیل ہے کہ علامہ راجہ ناصرعباس بین الاقوامی لیڈر ہیں ۔

انہوں نے کہا مرحلہ وار ہم اپنے احتجاجی تحریک میں پرامن طور پر تیزی لائیں گے،ہم نے اپنے بے گناہ پاکستانی چاہے وہ کسی بھی مکتب فکر سے ہے دہشت گردی کے بھینٹ چڑھے ان شہداء کے خون سے عہد کیا ہوا ہے کہ ہم ان کو انصاف ملنے تک سڑکوں پر موجود رہیں گے،انصاف کے حصول کے لئے ہم ہر قسم کی قربانی دینے کو تیار ہیں،پنجاب میں ملت جعفریہ کیخلاف انتقامی کاروائیوں نے بدترین تاریخ رقم کی ہے،شہباز شریف دہشت گردوں کے سہولت کاروں کے ہاتھوں یرغمال ہے،ملت جعفریہ پر یہ بات روز روشن کی طرح عیاں ہو چکی ہے کہ ن لیگ کو ہمارے خلاف کاروائیوں کا ایجنڈا ان کے آقاوں نے دیے ہیں،علامہ اصغر عسکری کا کہنا تھا کہ ہم پنجاب میں ہر قسم کی قربانی دینے کو تیار ہیں لیکن ظالم کے سامنے جھکیں گے نہیں،پنجاب بھر میں مرحلہ وار احتجاجی مظاہروں میں شدت لائیں گے،جب تک ہمارے مطالبات پورے نہیں ہوتے ہم میدان میں موجود رہیں گے۔

وحدت نیوز (ملتان) مجلس وحدت مسلمین پاکستان ملتان کی ملک میں جاری شیعہ ٹارگٹ کلنگ اوربے بنیاد مقدمات کے خلاف ملتان پریس کلب کے سامنے علامتی بھوک ہڑتال جاری،کیمپ میں مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی، ضلعی سیکرٹری جنرل علامہ قاضی نادر حسین علوی،مولانا ہادی حسین ،مولانا مظہر عباس صادقی،مولانا غلام جعفرانصاری اور دیگر نے شرکت کی۔ کیمپ کے شرکاء نے نماز مغربین کے بعد شہداء ملت جعفریہ کی یاد میں ملتان پریس کلب کے سامنے شمعیں روشن کیں۔ اس موقع پر خطاب کرتے ہوئے علامہ اقتدار حسین نقوی کا کہنا تھا کہ نیشنل ایکشن پلان کا رخ دہشت گرد قوتوں سے ہٹا کر پرامن شہریوں کی طرف موڑ نا ضرب عضب کی پیٹھ میں خنجر گھونپنے کی کوشش ہے۔ملک کے ہر مظلوم طبقے کو یہ امید تھی کہ نیشنل ایکشن پلان عام شہریوں کے جان و مال کے تحفظ میں بھرپور کردار ادا کرے گا لیکن اسے انتقامی کاروائیوں کے لیے استعمال کیا جا رہا ہے۔ہماری جدوجہد مظلوم کی حمایت میں ہے چاہے وہ مظلوم سکھ ہو ،کافر ہو ،عیسائی ہو یا کسی بھی مکتبہ فکر سے اس کا تعلق ہو۔انہوں نے کہا کہ خرم ذکی ایک جرات مند محب وطن تھا ۔اس سے تکفیری قوتوں نے جینے کا حق چھین لیا ہے۔ہم اس کی قانونی جنگ لڑیں گے اور اس کے خاندان کو تنہا نہیں چھوڑا جائے گا۔علامہ اقتدارنقوی نے اس موقع پر پارلیمینٹرین سے مطالبہ کیا کہ ملت تشیع کی ٹارگٹ کلنگ کے معاملے کو پارلیمنٹ میں اٹھایا جائے۔اس موقع پر اُنہوں نے ملتان کے سیاسی فرعونوں کو للکارتے ہوئے کہا کہ کل جب الیکشن کے دن تھے تو ہماری منتیں کرتے تھے آج جب ہمیں ملک میں شہید کیا جارہا ہے ہمارے حق میں آواز اُٹھانا بھی گوارا نہیں کرتے ۔ آئندہ الیکشن میں ان سیاسی فرعونوں کو اُن کی اوقات یاد کرائیں گے۔ یاد رہے کہ مجلس وحدت مسلمین نے ملتان میں پاکستان تحریک انصاف کو سپورٹ کیا تھا اوراُنہیں کامیابی سے ہمکنارکرایا تھا۔

وحدت نیوز (اسلام آباد) خیبرپختونخواہ کے سابق گورنر جسٹس (ر) ابن علی کی قیادت میں وحدت کونسل کوہاٹ، ہنگو اور اورکزئی کے عمائدین کے ایک24 رکنی وفد نے مجلس وحدت مسلمین پاکستان کے سربراہ علامہ راجہ ناصر عباس جعفری سے ایم ڈبلیو ایم کے بھوک ہرتالی کیمپ میں ملاقات کی اور ان کے اقدامات کی بھرپور حمایت کا اعلان کیا۔انہوں نے علامہ ناصر عباس سے یکجہتی کا اظہار کرتے ہوئے ملت تشیع کے لیے ان کے تدبر، بصیرت ،اخلاص اور درد دل کو سراہا۔انہوں نے کہا کہ علامہ ناصر عباس کی جدوجہد کو محض ملت تشیع سے منسوب نہیں کیا جا سکتا بلکہ ان کا یہ اقدام پاکستان کے ہر اس مظلوم طبقے کے لیے ہیں جو ریاستی جبر اور ظلم و بربریت کا شکار ہے ۔ہم سب کو اس تحریک کا حصہ بننا چاہیے۔انہوں نے کہا کہ دہشت گرد طاقتیں پاکستان کی بقا و سالمیت کے لیے سب سے بڑا خطرہ ہیں۔جب تک دہشت گردی کا خاتمہ نہیں ہو جاتا تب تک اس ملک کے عوام کو حقیقی امن و سکون میسر نہیں ہوسکتا۔ عوام کے جان و مال کا تحفظ حکومت کی ذمہ داری ہے۔ہم علامہ راجہ ناصرعباس کے مطالبات کی بھرپور حمایت کرتے ہیں۔علامہ راجہ ناصرعباس جعفری نے وفد کا احتجاجی کیمپ آمد پر شکریہ ادا کرتے ہوئے کہا ہے کہ ہماری جدوجہد ظلم، کرپشن ،دہشت گردی اور ریاستی جبرکے خلاف گزشتہ دو ہفتے سے مسلسل احتجاج پر ہیں۔حکومت کی روایتی بے حسی اس کے لیے مسائل پیدا کر سکتی ہے۔ملک بھر سے مختلف شیعہ سنی جماعتیں مل کرحکومت کے خلاف ایک بھرپور تحریک لانے پر بھی غور کر رہی ہیں تاہم ہماری یہ کوشش ہے کہ قوم کو کسی آزمائش میں نہ ڈالا جائے۔انہوں نے کہا کہ اگر حکومت یہ سمجھتی ہے کہ یہ احتجاج زیادہ عرصہ جاری نہیں رہ سکے گا تو یہ ان کی غلط فہمی ہے۔ہمارے اعصاب مضبوط ہیں۔ہم رمضان بھی یہاں گزاریں گے اور عید بھی احتجاجی کیمپ میں کی جائے گی۔ انہوں نے کہا اس ملک میں اب کرپٹ عناصر اور دہشت گردوں کے خلاف قوم اٹھ کھڑی ہوئی ہے۔وفد میں وحدت کونسل کے اراکین،سابق رکن اسمبلی حسین الحسینی اور مولانا عبد الحسین سمیت نامور شخصیات بھی شامل تھیں۔