وحدت نیوز (کوئٹہ) مجلس وحدت مسلمین کوئٹہ سکریٹریٹ میں یونٹس کے سربراہوں اور ڈویژنل کابینہ کا ایک اہم اجلاس منعقد ہوا۔ جسکی صدارت کوئٹہ ڈویژن کے سکرٹری جنرل جناب عباس علی نے کی۔ اجلاس سے خطاب کرتے ہرئے اُنھوں نے کہا کہ 21مئی کو بسلسلہ 15شعبان ’’امید مظلومین کانفرنس‘‘ جس میں مجلس وحدت مسلمیں پاکستان کے مرکزی سکرٹری جنرل علامہ راجہ ناصر عباس و دیگر مرکزی قائدین شریک ہوں گے، جو ہمارے لئے افتخار کا باعث ہے۔ مرکزی قائدین کا کوئٹہ پہنچے پر شاندار استقبال کیا جائیگا۔ یہ کانفرنس سیاسی، اجتمائی اور تربیتی حوالے سے ایک اہم سنگ میل ثابت ہو گا۔ انھوں نے اس بات پر زور دیا کہ یونٹ سربراہان اس ضمن میں اپنی تمام تر تیاریاں مکمل کرلیں۔ اور پروگرام کے کامیاب انعقاد کیلئے شب وروز محنت کریں۔ اجلاس کے آخر میں کراچی اور ڈی آئی خان میں بے گناہ شہریو ں کی شھادت پر گہرے دکھ اورغم کا اظہار کرتے ہوئے ایک مذمتی قرارداد پیش کیا گیا، اور شہداء کے درجات کی بلندی کیلئے فاتحہ خوانی بھی کی گئی۔

وحدت نیوز(اسلام آباد)مجلس وحدت مسلمین پاکستان کے سیکرٹری امور خارجہ ڈاکٹر علامہ سید شفقت حسین نے شیرازی نے ملک میں حالیہ شیعہ نسل کشی کے حوالے سے اپنے مذمتی بیان میں کہا کہ کئی دہائیوں سے ملت تشیع کا خون پانی کی طرح بہایا جا رہا ہے۔ جس پر حکمران طبقہ اور ریاستی اداروں نے چپ سادھ رکھی ہے۔ سرزمین پاکستان میں ہمیشہ سے حیدر کرارؑ کے ماننے والوں کو نشانہ بنایا جاتا ہے اور انہی کے گرد دائرہ تنگ کیا جاتا ہے۔ حکمرانوں نے اپنی حکومتوں کو دوام دینے کے لئے کبھی دہشت گردوں کے ذریعے اہل تشیع کا قتل عام کیا تو کبھی محافظ اداروں کے ذریعے گولیوں سے چھلنی کر دیا گیا۔ علاوہ ازیں ایم ڈبلیو ایم کے مرکزی رہنما کا کہنا تھا کہ ہم نے بہت دفعہ احتجاج اور دھرنے دے لئے، ان کرپٹ اور بے ضمیر حکمرانوں کو کوئی فرق نہیں پڑتا۔ ہماری قیادت نے بھوک ہڑتال کیمپ کا آغاز کر دیا ہے اور ملت مظلوم بھی اپنی قیادت کے ہم آہنگ اپنا کردار ادا کرے کیونکہ ہمارے مطالبات وہی ہیں، جو آج ہر باشعور پاکستانی کی آواز ہیں۔ بیرون ملک مقیم غیور اور بیدار پاکستانیوں سے اپیل ہے کہ مردہ ضمیر حکمرانوں کو جگانے میں اپنا عظیم کردار ادا کریں۔ ہم چاہتے ہیں کہ دہشتگردوں اور ان کے سہولت کاروں کے خلاف بلا تفریق آپریشن ہونا چاہیے، تاکہ کراچی، ڈیرہ اسماعیل خان اور پارا چنار واقعات دوبارہ وقوع پذیر نہ ہوں۔

وحدت نیوز(اسلام آباد) بھوک ہڑتال پر بیٹھےمجلس وحدت مسلمین کے سربراہ علامہ راجہ ناصرعباس جعفری سے اظہار یکجہتی کیلئے احتجاجی کیمپ میں تشریف لانے والے سنی اتحاد کونسل کے چیئرمین صاحبزادہ حامد رضا نے پریس کانفرنس کے دوران مجلس وحدت مسلمین کی قیادت کو آخری دم تک ساتھ دینے کا اعلان کرتے ہوئے کہا ہے کہ موجودہ حکومت کے لیے شرم کا مقام ہے کہ ملک کی ایک بڑی مذہبی و سیاسی جماعت کا قائد اپنے قوم کے جائز مطالبات منوانے کے لیے بھوک ہڑتال کر رہا ہے۔ملک بھر میں شیعہ نسل کشی اور پارہ چنار کی حالیہ بربریت کے خلاف ہم صدائے احتجاج بلند کرتے ہیں اور مجلس وحدت مسلمین کے تمام مطالبات کی منظوری تک ان کے ساتھ مکمل یکجہتی کا اظہار کرتے ہیں۔ دریں اثنا سارا دن احتجاجی کیمپ میں مختلف وفود کا آنا جانا لگا رہا۔ راولپنڈی سے علما اور شیعہ عمائدین کی ایک بڑی تعداد نے علامہ علی اکبر کاظمی کی قیادت میں علامہ ناصر عباس سے ملاقات کی۔مجلس وحدت مسلمین کی مرکزی قیادت کی طرف سے بھوک ہرتال کا سلسلہ شروع ہو نے کے بعد ملک کے مختلف شہروں میں ملت تشیع کے اہم مقامات پر احتجاج کا سلسلہ شروع کر دیا ہے۔

وحدت نیوز (کراچی) پارہ چنار میں پولٹیکل انتظامیہ کے ہاتھوں چار بے گناہ افراد کی شہادت، ڈیرہ اسماعیل خان میں شیعہ پروفیشنلز کی ٹارگٹ کلنگ، کراچی میں سول سوسائٹی کے رہنما و صحافی خرم ذکی کا قتل،پشاور میں ٹارگٹ کلنگ کی کاروائیوں کا تسلسل اور ملک بھر میں جاری دہشت گردی کے خلاف مجلس وحدت مسلمین پاکستان کے سیکریٹری جنرل علامہ راجہ ناصر عباس کی اپیل پر ملک بھر میں یوم احتجاج منایا گیا۔اس حوالے سے بعد نماز جمہ ملک گیر احتجاجی مظاہرے اورریلیاں نکالی گی ایم ڈبلیو ایم کراچی ڈویثرن کی جانب سے بعد نماز جمعہ خوجا مسجد کھارادر، دربار حسینی ملیر،نور ایمان مسجد، مسجد المصطفی،سمیت دیگر جامع مساجد میں احتجاجی مظاہرے کئے گئے اورر یلیاں نکالی گئی  جبکہ شہر قائدمیں مرکزی احتجاجی مظاہرہ خوجہ مسجد کھارادرکے سامنے کیا گیا جہاں ایم ڈبلیو ایم رہنما علامہ باقر عباس زیدی ،علامہ علی انور جعفری،علامہ مبشر حسن،علامہ احسان دانش ،شبیر حسینی ،احسن عباس رضوی ،زین عباس، سمیت مظاہرین کی بڑی تعداد موجود تھی جنہوں نے پارا چنار ،ڈیرہ اسماعیل خان ،پشاور ،کراچی میں دہشتگردی کے خلاف بینر اٹھا رکھے تھے مظاہرین نے شیعہ و سنی اتحاد کے نعرے لگائے اورملک میں جاری شیعہ نسل پر حکومت اور ریاستی اداروں کی نا اہلی کے خلاف شدید نعرے بازی کی۔

 مظاہرین سے خطاب رہنماوں نے کہا کہ پاکستان کے داخلی معاملات میں جب تک امریکہ اور ہندوستان کی مداخلت ختم نہیں ہوتی اس وقت تک ملک میں امن قائم نہیں ہو گا۔ پاکستان کا وجود یہود و ہنود لابی کے مفادات کے لیے خطرہ ہے۔یہی وجہ کہ یہ بیرونی طاقتیں اپنے آلہ کاروں کے ذریعے وطن عزیز کو عدم استحکام سے دوچار کرنے پر تُلی ہوئی ہیں۔ ملک بھر میں دہشتگردی کی تازہ لہر حکومت اور ریاستی اداروں کی کارکردگی پر سوالیہ نشان ہے.پاراچنار ڈی آئی خان پشاور کراچی میں دہشتگردی کی مزمت کرتے ہیں.حالیہ واقعات نے نیشنل ایکشن پلان اور آپریشن ضرب عضب کو ناکام بنانے کی سازش ہے رہنماؤں نے وفاقی حکومت،چیف جسٹس آف پاکستان ،آرمی چیف سے مطالبہ کیا کے وہ شیعہ نسل کشی کا از خود نوٹس لیں ملک میں اہل تشیع کے خلاف ہونے والے دہشت گردی کے تمام مقدمات کو ملٹری کورٹس میں بھیجا جائے پارا چنار فرنٹیر کانسٹیبلری اور لیویز اہلکاروں کے ہاتھوں بے گناہ شہید ہونے والے چار افراد کے قتل کی تحقیقات کے لیے فوری طور پر کمیشن تشکیل دیا جائے تاکہ واقعہ کے ذمہ داران کو قرار واقعی سزا سنائی جا سکے اور سانحہ پارا چنار کے ذمہ داران کمانڈیٹ کرم ایجنسی، پولٹیکل ایجنٹ اکرام اللہ اور اسسٹنٹ پولٹیکل ایجنٹ شاہد علی کے خلاف فوری طور پر قانونی کاروائی کی جائے انہوں نے آرمی چیف جنرل راحیل شریف سے مطالبہ کیا کہ وہ ملک بھر میں کالعدم دہشتگرد جماعتوں ان کے سہولت کاروں سمیت ریاستی اداروں میں شامل کالی بھڑوں کے خلاف ملک گیر آپریشن کریں۔

وحدت نیوز (ملتان) مجلس وحدت مسلمین پاکستان کے سربراہ علامہ راجہ ناصر عباس جعفری اور امامیہ اسٹوڈنٹس آرگنائزیشن پاکستان کے مرکزی صدر علی مہدی کی کال پر ملک بھر میں شیعہ ٹارگٹ کلنگ کے خلاف یوم احتجاج منایا گیا۔ ملتان میں نماز جمعہ کے بعد جامع مسجد الحسین نیوملتان (گلشن مارکیٹ) سے ایم ڈبلیو ایم اور آئی ایس او کے زیراہتمام احتجاجی ریلی نکالی گئی۔ ریلی کی قیادت مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی، ضلعی سیکرٹری جنرل علامہ قاضی نادر حسین علوی، آئی آئی ایس او کے مرکزی رہنما ضمیر جعفری اور ملتان کے ڈویژنل صدر قاسم شمسی نے کی۔ ریلی کے شرکاء نے بینرز اور پلے کارڈز اُٹھا رکھے تھے۔ جن پر شیعہ نسل کشی، ٹارگٹ کلنگ اور دہشت گردی کے خلاف نعرے درج تھے۔ ریلی کے شرکاء نے ملک میں جاری دہشت گردی، ٹارگٹ کلنگ، نسل کشی اور شیعہ مسلمانوں کے ساتھ نارواسلوک کے خلاف شدید نعرے بازی کی۔

ریلی سے خطاب کرتے ہوئے علامہ اقتدار حسین نقوی اور علامہ قاضی نادر حسین علوی نے کہا کہ ملک میں ایک بار پھر شیعہ مسلمانوں کے خون کے ساتھ ہولی کھیلی جا رہی ہے، کبھی ڈیرہ اسماعیل خان میں بے گناہ شیعہ نوجوانوں کو قتل کیا جاتا ہے تو کبھی کراچی میں آواز حق بلند کرنے والے خرم ذکی کو شہید کیا جاتا ہے۔ کبھی پاراچنار میں متعصب انتظامیہ اور ایف سی کی جانب سے فائرنگ اور تشدد کا نشانہ بنایا جا رہا ہے۔ ملک میں بڑھتی ہوئی شیعہ مخالف کارروائیوں سے ہمیں ڈرایا اور دھمکایا جا رہا ہے۔ اُنہوں نے کہا کہ ہم پاکستان میں امن اور اتحاد کے داعی ہیں ہمارے صبر اور خاموشی کو ہماری کمزوری نہ سمجھا جائے۔ ہم کرم ایجنسی کی متعصب انتظامیہ سے مطالبہ کرتے ہیں کہ پاراچنار میں بے گناہ شیعہ مسلمانوں کو کس جُرم میں شہید کیا گیا۔ علامہ قاضی نادر علوی نے مزید کہا کہ ہم طالبان خان اور شاہ محمود قریشی کو متنبہ کرتے ہیں کہ خیبر پختونخوا میں شیعہ نسل کشی فوری بند کی جائے، ورنہ مخدوم شاہ محمود قریشی کو ملتان سے شکست کا سامنا کرنا پڑے گا۔

ریلی سے خطاب کرتے ہوئے امامیہ اسٹوڈنٹس آرگنائزیشن کے مرکزی رہنما ضمیر جعفری اور ملتان کے ڈویژنل صدر قاسم شمسی نے کہا کہ ملک میں جاری نیشنل ایکشن پلان سے توجہ ہٹانے کے لئے ایک منظم طریقے سے شیعہ ٹارگٹ کلنگ کا سلسلہ شروع ہوا ہے، جس کی شدید الفاظ میں مذمت کرتے ہیں۔ اُنہوں نے کہا کہ اس وقت امریکہ پاکستان اور عالم اسلام کے خلاف سازشوں میں مصروف ہے، لیکن ہمارے حکمران امریکی اشاروں پر ناچنے کے عادی ہوچکے ہیں، ملک میں اگر امریکی پالیسیوں کی بجائے قرآنی پالیسیوں کو اپنایا جاتا تو آج ملک کی یہ صورتحال نہ ہوتی۔ اُنہوں نے کہا کہ آئی ایس او پاکستان ہر سال 16 مئی کو یوم مردہ باد امریکہ مناتی ہے کیونکہ 16 مئی کو اسرائیل کے ناپاک وجود کا دن ہے، جس کی وجہ سے آج ہمارا قبلہ اول صیہونیت کے شکجنے میں ہے۔

امریکی آشیر باد سے فلسطین میں لاکھوں بے گناہ فلسطینی شہید، لاکھوں زخمی اور قید ہیں۔ لیکن آج بھی بعض مالک امریکہ اور اسرائیل سے اپنی قربتیں بڑھانے کے درپے ہیں۔ ریلی کے آخر میں امریکی اور اسرائیلی پرچم نذرآتش کیے گئے۔ ریلی کے آخر میں ملک میں جاری ٹارگٹ کلنگ کے خلاف قرارداد پیش کی گئی، جسے ریلی کے شرکاء نے فلک شگاف نعروں سے منظور کیا۔ ملتان کے علاوہ بہاولپور، ڈیرہ غازیخان، مظفرگڑھ، علی پور، رحیم یارخان، خانیوال، بھکر، میانوالی، لیہ اور کبیروالا میں بھی مجلس وحدت مسلمین اور آئی ایس او کے زیراہتمام یوم احتجاج اور مردہ باد امریکہ منایا گیا۔

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری نے پاکستان میں شیعہ ٹارگٹ کلنگ کے تسلسل کو حکومت کی مجرمانہ خاموشی اور بےحسی قرار دیتے ہوئے بھوک ہرتال کر اعلان کر دیا۔ نیشنل پریس کلب اسلام آباد میں پریس کانفرنس سے خطاب کرتے ہوئے ایم ڈبلیو ایم کے سربراہ علامہ ناصر نے کہا کہ ریاستی ادارے عوام کو تحفظ دینے کی بجائے دہشت گردی پر اتر آئے ہیں۔ پارا چنار میں لیویز اور ایف سی کے اہلکاروں نے پُرامن احتجاج کرنے والے نہتے معصوم شہریوں پر اس طرح فائرنگ کی جیسے وہ کسی دشمن کے سپاہی ہوں۔ ڈیرہ اسمعاعیل خان میں چار شیعہ پروفیشنلز کو دن دیہاڑے موت کے گھاٹ اتار دیا گیا۔ یہ ظالمانہ طرز عمل ایک انصاف پسند ریاست کا نہیں ہو سکتا۔ ملک میں تکفیری گروہوں حکومتی آشیرباد میں پروان چڑھ رہے ہیں اور محب وطن افراد کو موت کی وادی میں دھکیلا جا رہا ہے۔ پورے ملک میں ملت تشیع کے ہونہار افراد اور مختلف شعبوں کے ماہرین کو چن چن کر قتل کیا جا رہا ہے۔ ہم اپنے پیاروں کے جنازے اٹھااٹھا کر تھک چکے ہیں۔ اس شیعہ نسل کشی کے خلاف بھوک ہرتالی کیمپ میں بیٹھ کر اپنا احتجاج ریکارڈ کراوں گا۔

علامہ ناصر عباس نے کہا کہ اس ملک میں امن کا قیام اس وقت تک ممکن نہیں جب تک حکومت تکفیر کے فتوی دینے والے دین فروش ملاؤں کے خلاف کاروائی نہیں کرتی۔ ملک میں امن کے قیام اور شیعہ ٹارگٹ کلنگ کے خاتمے کے لیے ہم حکومت کے سامنے اپنے دس نکات پر مشتمل مطالبات پیش کررہے ہیں۔ ہمارا حکومت سے مطالبہ ہے کہ شیعہ نسل کشی میں ملوث تکفیری دہشت گردوں اور ان کے سہولت کاروں کے خلاف ملک گیر آپریشن شروع کیا جائے۔ ریاستی اور عسکری ادارے شیعہ مسلمانوں کے قتل عام میں ملوث دہشت گردوں کے خلاف فوری کاروائی کریں اور مجرمانہ خاموشی ختم کریں۔ کالعدم تنظیموں کے خلاف فوری کارروائی کا آغاز کیا جائے اور نام بدل کر کام کرنے والی کالعدم جماعتوں کی سرگرمیوں کو روکا جائے۔ ملک میں شیعہ مسلمانوں پر ہونے والے دہشت گردوں کے حملوں بالخصوص سانحہ شکار پور، سانحہ جیکب آباد، سانحہ چلاس، سانحہ بابوسر، سانحہ حیات آباد، سانحہ عاشور اور سانحہ راولپنڈی سمیت تمام سانحات کے مقدمات کو ملٹری کورٹس میں بھیجا جائے۔ پاکستان میں موجود تمام مسالک اور مذہب کے لوگوں کو تکفیری دہشت گردوں سے تحفظ فراہم کیا جائے۔ پنجاب حکومت اپنی شیعہ دشمنی فوری ختم کرے۔ عزاداری سید الشہدا پر غیراعلانیہ پابندیاں، شیعہ عمائدین اور بانیان مجالس کے خلاف ایف آئی آر ختم کی جائیں۔ علما و ذاکرین پر عائد پابندیوں کا مکمل خاتمہ اور جن لوگوں کا نام بلاوجہ شیڈول فور میں ڈالا گیا ہے اسے نکالا جائے۔ خیبرپختونخواہ حکومت شیعہ قتل عام پر مجرمانہ خاموشی ختم کرے اور دہشت گردوں کے خلاف سنجیدہ کاروائی کی جائے۔

سربراہ مجلس وحدت مسلمین نے مطالبہ کیا کہ پارا چنار کرم ایجنسی میں ایف سی کے ہاتھوں شہید ہونے والے بےگناہ مظاہرین کے لیے تحقیقاتی کمیشن بنایا جائے اور کمانڈیٹ کرم ایجنسی، پولٹیکل ایجنٹ اکرام اللہ اور اسسٹنٹ پولٹیکل ایجنٹ شاہد علی کے خلاف قانونی کاوررائی کی جائے۔گلگت بلتستان اور پارا چنار کی ڈیمو گرافی تبدیل کرنے کی سازش اور حکومتی سرپرستی میں شیعان حیدر کرار کی زمینوں پر قبضہ فوری ختم کیا جائے۔ مسلکی بنیادوں پر پاکستان کی تقسیم کی سازش کے خلاف عملی اقدامات کیے جائیں۔ علامہ ناصر نے کہا کہ اگر حکومت نے ہمارے مطالبات تسلیم نہ کیے تو پھر یہ تاثر سچ ثابت ہو گا کہ حکومت دہشت گردی کے خاتمے اور امن و امان کے قیام میں مخلص نہیں ہے۔