وحدت نیوز (مانیٹرنگ ڈیسک) اردن کی 89 ممتاز شخصیات نے حزب اللہ لبنان کے سربراہ سید حسن نصر اللہ کے نام ایک خط میں لبنان کے دلیر، نڈر اور بےباک مجاہد کی اسرائيل کے خلاف کامیابیوں کو عرب اقوام کے لئے باعث فخر قرار دیتے ہوئے لبنان کی طرح شام کے دفاع کو واجب قرار دیا ہے۔ مہر خبر رساں ایجنسی نے النشرہ کے حوالے سے نقل کیا ہے کہ اردن کی 89 ممتاز شخصیات نے حزب اللہ لبنان کے سربراہ سید حسن نصر اللہ کے نام ایک خط میں لبنان کے دلیر، نڈر اور بےباک مجاہد کی اسرائيل کے خلاف کامیابیوں کو عرب اقوام کے لئے باعث فخر قرار دیتے ہوئے لبنان کی طرح شام کے دفاع کو واجب قرار دیا ہے۔ اردن کی ممتاز شخصیات میں اعلی فوجی، مختلف قبائل، اردن کی پارلیمنٹ کے موجودہ اور سابق ارکان اور یونیورسٹیوں کے اساتذہ شامل ہیں۔

اردنی شہریوں نے اپنے خط میں شامی حکومت کے دفاع کو واجب قرار دیتے ہوئے شام کی حمایت کرنے پر سید حسن نصر اللہ کا شکریہ ادا کیا ہے۔ اردن کی ممتاز شخصیات نے اپنے خط میں اسرائيل کی طاقت کے طلسم کو توڑنے پر حزب اللہ لبنان کا شکریہ ادا کرتے ہوئے لکھا ہے کہ حزب اللہ لبنان نے قومی اور دینی غیرت کا مظاہرہ کرتے ہوئے لبنان کی سرزمین کو غاصب صہیونیوں سے آزاد کرالیا جبکہ اردن، مصر اور دیگر عرب حکومتیں اپنی سرزمین کو ابھی تک غاصب صہیونیوں سے آزاد نہیں کراسکی ہیں۔ اردنی شخصیات نے عرب اقوام کے باہمی اتحاد پر تاکید کرتے ہوئے امریکہ، اسرائيل اور عرب ڈکٹیٹروں کی حمایت میں لڑنے والے سلفی وہابیوں سے نفرت اور بیزاری کا اظہار کیا ہے جو اسلام اور مسلمانوں کے لئے ننگ و عار کا باعث بنے ہوئے ہیں۔