وحدت نیوز (پشاور) مجلس وحدت مسلمین سے تعلق رکھنے والے رکن بلوچستان اسمبلی سید محمد رضا اور مرکزی رہنما علامہ سید ہاشم موسوی نے دہشتگردی کی بدترین کارروائی کا نشانہ بننے والے آرمی پبلک اسکول پشاور کا دورہ کیا، اس موقع پر ایم ڈبلیوایم خیبر پختونخوا کے رہنما ارشاد حسین بنگش بھی ان کے ہمراہ تھے۔ انہوں نے سانحہ پشاور کے انتہائی دلی افسوس کا اظہار کرتے ہوئے شہدا کے بلندی درجات کیلئے دعا کی، اور اسکول کے مختلف حصوں کا دورہ کیا، انہوں نے شہدا کی یاد میں شمعیں بھی روشن کیں، اس موقع پر ان کا کہنا تھا کہ سانحہ پشاور کے بعد دہشتگردوں کیخلاف اس قسم کی کارروائیاں کرنے کی ضرورت ہے کہ ان کا نام و نشان پاکستان سے مٹ جائے، اور وطن عزیز کو دہشتگردی جیسے ناسور سے نجات دلائی جاسکے، انہوں نے مزید کہا کہ شمالی وزیرستان میں دہشتگردوں کیخلاف جاری آپریشن کو ملک کے دیگر حصوں تک وسعت دینے کی ضرورت ہے۔

مجلس وحدت مسلمین کے وفد نے آرمی پبلک اسکول میں شہدا کے ایصال ثواب کیلئے قرآن خوانی بھی کی۔مجلس وحدت مسلمین بلوچستان کے ممبرصوبائی اسمبلی سیدمحمد رضا نے مزید کہا کہ پچھلے ایک دیڑھ دہائی سے جس طرح پا کستانی عوام کو باالعموم اور ملت تشیع سے تعلق رکھنے والے افراد کو باالخصوص دہشت گر دی کانشا نہ بنا یا گیا اور ہزاروں لوگو ں کو شہدکیا گیا ہم اس وقت سے ریاستی اداروں اور حکومتوں کو اس بات کی طرف متوجہ کرنے کی کو شش کر رہے ہیں کہ ریا ستی اداروں کی جا نب سے جو پا لیسی اختیا ر کی گئی ہے اور اس کے نتیجے میں جو آگ لگائی جا رہی ہے یہ آگ ایک دن پورے ملک کو اپنی لپیٹ میں لے لیگی لیکن اس وقت ہما ری باتوں کو سنجید گی سے نہیں لیا گیا اور ہمیں لا شوں کے تحفے ملتے رہیں ۔

2012کو کوئٹہ کے آئی ٹی یونیورسٹی کے بس پر حملے میں متعدد طلبا  کو شہید اور زخمی کیا گیا جس کے بعد وومن یونیورسٹی کے بس کو نشانہ بنا یا گیا جس میں دو درجن سے زائدطا لبا ت شہید ہوئیں لیکن ملک و قوم کے ان معما روں کے قا تلوں کو گرفتار کرنے کیلئے کبھی سنجیدہ اقدا مات نہیں اٹھا ئے گئے جس کی وجہ سے دہشت گرد اس قدر دلیر ہوگئے کہ آج ملک کے ہر حصے میں سکول کے معصوم بچوں کو اپنی درندگی کا نشانہ بنا رہے ہیں جس میں  پشا ور میں رونما ہونے والہ واقعہ انتہا ئی افسوس ناک ہے جس نے ہر انسان کے دل کو ہلا کر رکھ دیا ہے اور پوری انسا نیت اس سا نحے کے بعد ان معصوم بچوں کے سامنے شرم سار ہے ۔ اب وقت آگیا کہ پورے ملک میں ان سفا ک دہشت گر دوں کے خلاف بھر پو رآپریشن کا آغاز کیا جا ئے اور بلا تفریق ان دہشت گر دوں کا قلع قمع کیا جا ئے تا کہ ملک عزیز میں امن وامان کے خواب کو شرمند ہ تعبیر کیا جا سکے سکول میں موجود م شہداء کے لواحقین سے ملے اور شہداء کیلئے خصو صی دعا کی گئی اور ان کے اہل خا نہ کے سا تھ مکمل ہمدر دی کا اظہا رکیا گیا اور زخمی ہونے والے بچوں کی جلد صحت یا بی کیلئے بھی دعا کی گئی۔اس موقع  محمد رضا اور وفد پر شہداء کے لواحقین کے گھروں میں جاکر تعزیت کی۔

وحدت نیوز (اسلام آباد) مجلس وحدت مسلمین پاکستان کے سربراہ علامہ ناصرعباس جعفری نے پاراچنار کی کشیدہ صورتحال کے پیش نظر اسلام آباد میں مرکزی کابینہ کا ہنگامی اجلاس طلب کرلیا ہے۔ اجلاس میں ایم ڈبلیوایم خیبر پختونخوا کے سیکرٹری جنرل علامہ سید سبطین حسین الحسینی کو بھی خصوصی طور پر بلایا گیا ہے۔ اجلاس میں پاراچنار کی داخلی کشیدہ صورتحال پر تفصیلی غور و خوض کیا جائیگا اور علماء کرام پر مشتمل وفد کو پاراچنار بھیجنے سمیت مختلف آپشنز پر غور کیا جائیگا۔ اجلاس میں ملک کی مجموعی صورتحال کا بھی تفصیلی بغور جائزہ لیا جائے گا۔ اس سے پہلے ایم ڈبلیو ایم کی جانب سے پاراچنار میں بھی مختلف علماء کرام اور عمائدین سے ٹیلی فونک رابطے کئے گئے ہیں۔

وحدت نیوز (ڈیرہ اسماعیل خان) مجلس وحدت مسلمین پاکستان کے مرکزی سیکرٹری سیاسیات سید ناصرعباس شیرازی اور انکے ہمراہ ایم ڈبلیوایم خیبر پختونخواکے صوبائی سیکرٹری سیاسیات ایڈووکیٹ تنویر عباس مہدی نے ڈیرہ اسماعیل خان ہائی کورٹ بار کا دورہ کیا ،ڈیرہ ہائی کورٹ بارکے صدر ایڈوکیٹ ساجد نواز صدو زائی جماعت اسلامی کے ڈویژن مسؤل ایڈوکیٹ زاہد محب اللہ ڈیرہ اسماعیل خان کے ہائی کورٹ بار کے سینئروکلاء سے ملاقات کی اور اپنی پارٹی کے بارے میں تفصیلی بریفنگ دی اور قومی و بین الاقوامی صورت حال پر تفصیلی تبادلہ خیال کیا گیا،  ہائی کورٹ بار کے صدر ساجد صدوزائی نے ایم ڈبلیوایم کےرہنماوں کو دوبارہ ہائی کورٹ باردورے کی دعوت دی۔

وحدت نیوز (کوہاٹ) ایم ڈبلیوایم خیبر پختونخوا کی جانب سے کوہاٹ کے نواحی علاقے استرزئی میں زیارت عباس علمدار میں ایک پروقار پروگرام کا انعقاد کیا گیا۔ جس میں علاقے کے عمائدین اور علمائے کرام نے بھرپور شرکت کی۔ اجلاس کی صدارت کے فرائض صوبائی سیکریٹری جنرل علامہ سید سبطین الحسینی نے انجام دئیے۔ جبکہ اس موقع پر صوبائی دفتر کے مسئول مسٹر ارشاد حسین نے بھی شرکت کی۔

پروگرام میں علاقائی صورتحال اور مسائل پر غور کیا گیا۔ جسکے بعد حال ہی میں منخب ہونے والے نئے سیکریٹری جنرل علی داد خان نے خطاب کرتے ہوئے اپنی کابینہ کا اعلان کیا۔ جس کے بعد علامہ سبطین الحسینی نے نئے سیکریٹری جنرل اور اسکی کابینہ سے حلف لیا۔

پروگرام سے خطاب کرتے ہوئے علامہ سبطین الحسینی نے کہا کہ وصیت امیر المومنین علی ع کے تحت آپ لوگ اگر اپنے امور میں تنظیم پیدا کریں۔ تو اپنے تمام مسائل کو حل کرنا آپ کے لئے کوئی مشکل نہیں۔ انہوں نے کہا کہ شہید حسینی نے بھی اپنے جد بزرگوار کی اسی وصیت کو روڈ میپ قرار دیکر پاکستان کی ملت تشیع کے گونا گون مسائل و مشکلات کا حل تلاش کیا۔ اور وہ اپنی ملت کو بیشتر مشکلات سے نکالنے میں کامیاب بھی ہوئے۔

انہوں نے کہا کہ مجلس وحدت مسلمین بھی شہید حسینی کے سچے پیروکاروں اور انکے محنتی شاگردوں ہی کی مرہون منت ہے۔ جو روز افزوں ترقی کررہی ہے۔ اور بہت کم عرصے میں ایک ملک گیر جماعت بن کر ملکی سطح پر شیعوں کے مسائل کو اجاگر کر رہی ہے۔ انہوں نے نئی کابینہ کو بھی تلقین کی کہ دن رات ایک کرکے علاقے کے عوام کو منظم کریں۔ اور پھر متفقہ طور پر علاقائی مسائل کو حل کرنے کی کوشش  کریں۔ پروگرام کے دوران انہوں نے یہ اعلان بھی کیا کہ محرم سے پہلے ایک ایجوکیشن سیمینار اور عزاداری کانفرنس کا انعقاد کیا جائے گا۔ جس میں مرکزی رہنماؤں سمیت ٹیچرز صاحبان اور ماتمی سنگتوں کو بھی مدعو کیا جائے گا۔

وحدت نیوز (پارا چنار) سابق سینیٹر اور تحریک حسینی پارا چنار کے سرپرست اعلیٰ علامہ سید عابد حسین الحسینی نے کہا ہے کہ مجلس وحدت مسلمین کی ملت تشیع کیلئے خدمات لائق تحسین ہیں، تاہم کامیابی کیلئے مزید کوششیں کرنا ہوں گی۔ ان خیالات کا اظہار انہوں نے پارا چنار میں ان سے ملاقات کرنے والے ایم ڈبلیوایم خیبر پختونخوا کے سیکرٹری اطلاعات سید عدیل عباس زیدی کیساتھ گفتگو کرتے ہوئے کیا۔ ان کا کہنا تھا کہ پارا چنار میں غیر منصفانہ آبادکاری اس وقت بہت اہم مسئلہ بن چکا ہے، اور حکومت کا اہل تشیع کیساتھ غیر مناسب رویہ ناقابل برداشت ہے۔ اہل تشیع کو ان کی آبائی زمینوں سے محروم رکھا جارہا ہے جبکہ دوسرے فریق کو سہولیات فراہم کرتے ہوئے اہل تشیع کی زمینوں پر آباد کیا جارہا ہے۔ انہوں نے کہا کہ یہ مسئلہ پارا چنار میں امن و امان کی صورتحال کو خراب کرسکتا ہے۔ اس موقع پر سیکرٹری اطلاعات مجلس وحدت مسلمین خیبر پختونخوا سید عدیل عباس زیدی کا کہنا تھا کہ ایم ڈبلیو ایم کی قیادت نے ہمیشہ پارا چنار کے مسائل کو اہمیت دی ہے، چار سالہ محاصرہ کے موقع پر بھی ایم ڈبلیو ایم نے یہاں کے عوام کی آواز کو نہ صرف ملکی بلکہ بین الاقوامی سطح تک پہنچایا، انہوں نے مزید کہا کہ پارا چنار میں غیر منصفانہ بنیادوں پر ہونے والی آبادکاری پر ہمیں بھی تشویش ہے اور ہم مسئلہ بھی انشاء اللہ ہر فورم پر اٹھائیں گے، جبکہ حکومت متنبہ کرتے ہیں کہ وہ پارا چنار میں اہل تشیع کے حقوق پامال کرنے کی کوشش نہ کرے، اور غیر منصفانہ آبادکاری کے سلسلے کو روکا جائے۔

وحدت نیوز(خیبر پختونخوا)مجلس وحدت مسلمین صوبہ خیبر پختونخوا کے سیکرٹری جنرل علامہ سید محمد سبطین الحسینی ضلع ڈیرہ اسماعیل خان، ٹانک، لکی مرورت کے تین ورزہ کامیاب دورہ کے بعد ٹیکسلا پہنچے۔ انہوں نے اتوار کے روز ضلع ڈی آئی خان کا دورہ کیا۔ جہاں پر پہلے سے موجود ضلعی سیکرٹری جنرل علامہ زاہد جعفری اور پہاڑ پور کے عوام نے ان کا استقبال کیا۔ علامہ سید محمد سبطین نے تنظیمی کارکنوں سے خطاب کرتے ہوئے کہا کہ جس زمانہ میں ہم جی رہے ہیں یہ زندگی شہداء کے مرحوم منت ہے۔ کیونکہ شہدا نے اپنی جانوں کا نذرانہ دے کر قوموں کو زند ہ رکھا۔ ہمیں بھی چایئے کہ آج ان شہداء اور اسیران کے گھروں میں پہنچ کر ان سے دریافت کریں کہ ان کے بچے پڑھ رہے ہیں یا نہیں۔؟ ان کیلئے نئے کپڑے بنانے والا ہے بھی کوئی ہے یا نہیں ۔؟ تحصیل پہاڑپورکے مومنین نے مشترکہ طور پر سید آغا شاہ کونیا سیکرٹری جنرل منتخب کیا۔ علامہ سید محمد سبطین نے نئے سیکرٹری جنرل اور دیگر عہداداروں سے حلف لیا۔ انہوں نے نئے سیکرٹری جنرل کو مبارک باد دیتے ہوئے دعا کی ۔ اس موقع صوبائی ڈپٹی سیکرٹری مخدوم تقی شاہ بھی موجود تھے۔

علامہ سبطین الحسینی نے جشن بی بی فاطمہ( س) کے سلسلے میں منعقدہ محفل سے خطاب کیا ۔ نہوں نے بی بی( س) کے فضائل پر روشنی ڈالی۔ علامہ سید محمد سبطین اور علامہ زاہد جعفری نے پہاڑپور میں خیرالعمل فاونڈیشن کی طرف سے ہینڈ پمپس کا سنگ بنیاد بھی رکھا۔ اس موقع پر ان کا کہنا تھا کہ اس پسماندہ علاقے میں خیرالعمل فاونڈیشن کی طرف سے فلاحی کام خوش آئندہیں۔علامہ سید محمد سبطین الحسینی نے علامہ زاہد جعفری کے ہمراہ ضلع ٹانک کا بھی دورہ کیا۔ جہاں پر مختلف پروگراموں میں شرکت کی۔ علامہ سید محمد سبطین الحسینی نے ٹانک سٹی کے جوانوں سے خطاب کرتے ہوئے کہا کہ اگر ہماری قوم کے جون بیدار رہیں تو دنیا کی کوئی قوت ہمیں شکست نہیں دے سکتی۔ انہوں نے کہا کہ ٹانک پسماندہ اور دشمن کے قریب ترین علاقہ ہے ، مگر یہاں کے لوگ جس طرح زندگی بسر کر رہے ہیں یہ کوئی جہاد اکبر سے کم نہیں۔ انہوں نے کہا کہ ٹانک کے مومنین کو ہر جگہ بے گناہ شہید کیا گیا، مگر یہ یہاں کے مومنین کی استقامت ہے کہ انہوں نے اپنے گھروں کو چھوڑا نہیں۔ انہوں نے کہا کہ ہم اپنی بساط کے مطابق ضلع ٹانک کی ہر قسم کی مشکل کو حل کرنے کے لئے کوشاں رہیں گے۔

انہوں نے ٹانک میں جشن بی بی زھرا(س) سے خطاب کرتے ہوئے کہا کہ بی بی( س) نے ہمیں درس دیا ہے کہ اپنے زمانے کے امام کی نصر ت کیسے کی جاتی ہے ۔ہماری پاک بی بی(س) نے وقت کے امام کا دفاع کرتے ہوئے اپنی جان کی قربانی دی۔ اس دوران جشن بی بی فاطمہ زھرا( س )سے علامہ زاہد جعفری نے بھی خطاب کیا۔ علامہ سید محمد سبطین نے ٹانک ہی کے علاقہ گرا بلوچ کے جوانوں سے خطاب کرتے ہوئے کہا کہ مجلس وحدت مسلمین مظلوموں کی جماعت ہے ،جہاں جہاں مظلوموں کے ساتھ زیادتی کی جاتی ہو مجلس وحدت مسلمین وہاں وہاں ظالموں کے خلاف قیام کر رہی ہے اور کرے گی۔ انہوں نے کہا کہ رالپنڈی میں مجلس وحدت مسلمین نے فعال کردار ادا کر کے یہ بتا دیا ہے کہ ہم عزاداری سید شہداء(ع) پر کوئی آنچ نہیں آنے دینگے۔اس دوران انہوں نے مجلس وحدت مسلمین کے ضلعی آفس کا بھی دورہ کیا۔ انہوں نے گرا بلوچ کی امام بارگاہوں کا بھی دورہ کیا۔ جہان پر متولیان سے ملاقاتیں کیں۔انہوں نے ٹانک کے سیکرٹری جنرل سید عبد الحسین ، مولانا زاہد جعفری اور دیگر کے ہمراہ شہدا ء کی قبور پر حاضری بھی دی اور فاتحہ خوانی کی۔

ایم ڈبلیو ایم ضلع ٹانک کے سیکرٹری جنرل عبد الحسین کے شہید والد مولانا فروز حسین شاہ کی قبر پر بھی خاضری دی اور دعائے مغفرت کی۔اس موقع پر ضلعی سیکرٹرجنرل سید عبد الحسین نے کہا کہ ہم تمام مہمانان کے شکر گزار ہیں کہ انہوں نے وانا کے ساتھ ایک پسماند ہ علاقہ کا دورہ کیا اور ہمیں یاد کیا۔ انہوں نے کہا کہ ٹانک کے مومنین علامہ ناصر عباس جعفری ، علامہ امین شہیدی اور سید سبطین الحسینی کی ہر آواز پر لبیک کہنے کو تیار ہیں اور ضلع ٹانک کے تمام مومنین مجلس وحدت مسلمین کی حمایت کرتے ہیں۔بعدازاں علامہ سید محمد سبطین نے ضلع لکی مروت کا بھی دورہ کیا۔ جہاں پر علاقے کے جوانوں اور بزرگان سے ملاقات کیں۔ اس دوران انہوں نے مرکزی امام بارگاہ کا بھی دورہ کیا اور کہا کہ انشاء اللہ ہم آپ لوگوں کے لئے امام بارگاہ اور مسجد بنانے کی بھر پور کوشش کرینگے۔ انہوں نے ضلع لکی مروت میں مقامی عمائدین کے اتفاق رائے سے گل نواز ایڈوکیٹ کو ضلعی سیکرٹری جنرل اور سید فیروز شاہ کو ڈپٹی سیکرٹی جنرل منتخب کیا۔ علامہ سید محمد سبطین الحسینی نے ضلعی کابینہ سے حلفف بھی لیا۔ انہوں نے ضلع بنوں کے منتخب سیکرٹری جنرل برادر نوروز اور ان کی کابینہ سے بھی حلف لیا۔اس موقع پر انہوں نے کہا کہ دہشت گردی کے باوجود لکی مروت کے لوگوں نے جس ہمت کا مظاہر کیا وہ قابل تحسین ہے۔ ان کا کہنا تھا کہ مجلس وحدت مسلمین آپ غیور مومنین کو کبھی بھی تنہاء نہیں چھوڑے گی۔ ہمیں اپنی تربیت کے لئے ضروری ہے کہ ہم دعاکمیل، حدیث کساء اور دیگر محافل منعقد کریں اور اپنی نئی نسل کو برائیوں سے روکیں۔