وحدت نیوز(گلگت) حکومت گلگت بلتستان کے بارے میں تذبذب کا شکار ہے اور نواز لیگ کی صوبائی حکومت دہشت گرد بچاؤ مہم پر گامزن ہے۔نیشنل ایکشن پلان کے تحت ابھی تک کسی دہشت گرد کو گرفتار نہیں کیا گیا ہے جبکہ دہشت گرد اور ان کے حمایتی حکومت کی بغل میں بیٹھے ہیں،گلگت بلتستان میں نیشنل ایکشن پلان کا غلط استعمال ہورہا ہے مقتدر حلقوں کو نوٹس لینا چاہئے،ان خیالات کا اظہار مجلس وحدت مسلمین گلگت بلتستان کے سیکرٹری جنرل علامہ نیئر عباس مصطفوی نے اپنے ایک بیان میں کیا ہے ۔
انہوں نے کہا کہ مجلس وحدت مسلمین کو سیاسی مخالفت کی سزا دی جارہی ہے جبکہ دہشت گردوں اور ان کی حمایت میں کمربستہ تنظیموں اور جماعتوں پر نوازشات کی بارش ہورہی ہے۔پورے ملک میں دہشت گردوں کا صفایا کرنے کیلئے پاک فوج آپریشن میں مصروف ہے اور گلگت بلتستان میں ملک دشمن عناصر کو نوازا جارہا ہے۔ انہوں نے کہا کہ حالیہ دنوں شہید ضیاء الدین قتل کیس ایک انتہائی حساس معاملہ تھا جس میں انصاف کے تقاضے پورے نہیں کئے گئے اگر عدالتوں سے انصاف نہ ملے تو عوام میں عدم تحفظ کا احساس بڑھتا جائیگا۔کرنل نادر حسن خان جس نے اپنی پوری عمر پاکستان کی خدمت میں گزاری ہے آج جیل کی سلاخوں کے پیچھے ہے ،حکومت کرنل حسن خان اور اس کے خاندان کی قربانیوں کا کیا ہی اچھا صلہ دے رہی ہے۔جو لوگ شروع دن سے پاکستان کے خلاف سازشوں میں مصروف تھے اورآج بھی وہ لوگ وانا وزیرستا ن کے دہشت گردوں سے رابطے میں ہیں کے خلاف حکومت کوئی کاروائی نہیں کررہی ہے۔ پچھلے چند سالوں میں شاہراہ قراقرم دلخراش سانحات وقوع پذیر ہوئے اور ان واقعات میں ملوث دہشت گردوں کو پکڑنے کی حکومت جرات نہیں کررہی ہے۔ انہوں نے کہا کہ کیا نیشنل ایکشن پلان صرف سیاسی مخالفین سے انتقام لینے کیلئے بنایا گیا ہے؟اگر نہیں تو سانحہ کوہستان،سانحہ چلاس ،سانحہ ننگا پربت اور سانحہ لالوسر میں مسافروں اور غیر ملکی مہمانوں کی خون سے ہولی کھیلنے والے مجرمین کہاں ہیں؟ انہوں نے کہا کہ قبل اس کے کہ ہمارے صبر کا پیمانہ لبریز ہو حکومت فوری ایکشن لے اور مقتدر حلقے نواز لیگ کی دہشت گرد بچاؤ مہم کا نوٹس لیں ۔
وحدت نیوز (کراچی) کے الیکٹرک کی جانب سے بجلی کی قیمتوں میں مزید اضافہ کراچی کے شہریوں پر ظلم ہے بجلی کی قیمتوں میں اضافے سے عوام مذید مشکلات کا شکار ہوں گے۔کے الیکٹرک کی من مانیوں کے پیچھے وفاقی و صوبائی حکومتوں کا گھٹ جوڑ شامل ہے۔ ان خیالا ت کا اظہار مجلس و حدت مسلمین کے صوبائی سکر ٹری اطلاعات آصف صفوی نے وحدت ہاؤس سے جاری اپنے مذمتی بیان میں کیا ان کا کہناتھا کہ وفاقی حکومت کی جانب سے بجلی کی قیمتوں میں مزیداضافہ کو مسترد کرتے ہیں، معاشی حب کراچی بحرانوں کی زد پر ہے شہر کی عوام ہر ماہ ایک نئے بحران کا سامنا کر تے ہیں،پانی و بجلی بندش بحران کی شکار عوام اب ٹراسپورٹ کمی کی مشکلات کو جھیل رہی ہے ساتھ ہی بجلی کی قیمتوں میں اضافہ غریب عوام کی کمرتوڑ دے گا ۔آصف صفوی نے کہا کہ چند ماہ قبل کے الیکٹرک کی جانب سے بد ترین لوڈشیدنگ کی وجہ سے دو ہزار سے زائد افراد کی ہلاکت کو پس پشت ڈال کر صوبائی و وفاقی حکومت عوام کی مجرم بنی ہے حکمران خوف خدا کریں دوسری جانب شہر مختلف علاقوں میں اب بھی بے انتہا لو ڈشیڈنگ کے با وجود عوام پر بجلی کی قیمتوں میں اضافہ کرکے عوام پر بجلی بم گرا یا جا رہا ہے جو ہر گز قبول نہیں کیا جائے گا ۔حکومت بجلی قیمتوں اضافہ کو فوری واپس لے مزید بجلی کے نرخوں میں کمی کی جائے ۔
وحدت نیوز (گلگت بلتستان) مجلس وحدت مسلمین پاکستان شعبہ تبلیغات کے مرکزی سیکریٹری علامہ اعجاز بہشتی دورہ بلتستان مکمل کر کے مختصر دورہ پر گلگت پہنچ گئے ہیں جہاں انھوں نے شہید علامہ ضیا الدین رضوی کی مزار پر حاضری دی اور فاتحہ خوانی کی۔ اس موقع پر ان کا کہنا تھا کہ ہم شہداء کے پاک خون کی حفاظت اپنے خون کے آخری قطرہ تک کرتے رہنگے اور انشاء اللہ اپنے بے گناہ مظلوم اسیروں کی رہائی کے لئے بھر پور کوشش کرینگے، ن لیگ کی تعصوبی حکومت ایک سوچی سمجھی سازش کے تحت بے گناہ شیعہ جوانوں اور سیاسی افراد کو سیاسی انتقام کا نشانہ بنا رہی ہے ،لہٰذا حکومت محب و طن شیعوں کو دیوار سے لگا نے کے بجائے پاکستان کے دشمنوں کی سر کوبی کریں جو آئے روز ملک و ملت کا نام بدنام کر رہے ہیں، حکومت کو چاہئے کہ ملک میں دہشت گردی کرنے والوں اور ان کی مدد کرنے والوں کو گرفتار کریں، بے گناہ لوگوں کی گرفتاری دہشت گردوں کی حوصلہ افزائی کرنے کے مترادف ہیں،لہٰذا جلد از جلد بے گناہ گرفتار افراد کو رہا کریں۔
تفصیلات کے مطابق علامہ اعجاز بہشتی نے اپنے دورہ سیلاب زدہ علاقوں کا دورہ کیا اور متاثرین سے ملاقات کی ، علامہ اعجاز بہشتی نے گلگت بلتستان قانون ساز اسمبلی کے ممبر کاچو امتیاز اور علامہ ڈاکٹر شیخ غلام محمد فخرالدین سے بھی ملاقات کی اور علائی اور سیاسی امور پر تفصیلی گفتگو کی اور ان کا مزید کہنا تھا جی بی کے عوام اپنے اندر اتحاد و اتفاق کو بر قرار رکھیں اور اس وقت دشمن اسلام امکتب تشیع کی سر بلندی سے خوف زدہ ہے اورہمارے خلاف سازشیں کی جارہی ہے تاکہ ہم کمزور ہو جائیں ، تاہم ہمیں چاہیے کہ ہوشیار رہیں اور تفکر و تعقل کے زریعے مشرق و مغرب کے نوکروں کی سر گرمیوں پر نظر رکھیں اور ان کی ساز شوں کو ناکام بنائیں۔
وحدت نیوز (کراچی) مجلس وحدت مسلمین کے مر کزی سیکر ٹری سیاسیات ناصر عباس شیرازی کاکراچی کے علاقے بہادرآبادمیں ایم کیو ایم کے رہنماء رشید گوڈیل پر قاتلانہ حملے کی پر مذمت کرتے ہوئے کہنا تھا کہ ملک بھر میں کالعدم دہشتگرد جماعتوں کا اثر بڑھتا جا رہا ہے۔ ایک روز قبل دہشتگردوں کی جانب سے وزیر داخلہ پنجاب شجاع خانزادہ کو دہشتگردی کا نشانہ بنایا جانا اور آج کراچی میں دہشتگردوں کی جانب سے ایم کیو ایم کے رہنماء رشید گو ڈیل کو نشانہ بنانا ملکی امن تباہ کرنے کی سازش ہے۔افسوس نا ک واقعہ کی جتنی مذمت کی جائے کم ہے ۔و حدت ہاؤس کراچی سے جاری بیان میں کہا کہ ملک دشمن دہشتگردعناصر کے خلاف جاری آپریشن ضرب عضب نے ملک میں دہشتگردوں کی کمر توڑ دی ہے لیکن ا بھی بھی چند شہروں میں ان کی بزدلانہ کاروئیاں جاری ہیں اور ان ملک دشمن کالعدم دہشتگرد جماعتوں کا نشانہ محب وطن شہری اور عوامی خدمت گزار بن رہے ہیں ۔نا صر عباس شیرازی نے حکومت سے مطالبہ کیا کہ ملک کی دیگر شہروں کی طرح شہر قائد میں کالعدم دہشتگرد جماعتوں کا اثر بڑھتا جا رہا ہے حکومت کالعدم دہشتگرد جماعتوں کے خلاف فوری آپریشن کا آغاز کرے رشید گوڈیل پر قاتلانہ حملے میں ملوث دہشتگردوں کی جلد از جلد گرفتاری عمل میں لائی جائے ،رشید گو ڈیل کی جلد صیحتیابی کیلئے دعا گو ہیں عوام سے دعائے صحت کی اپیل کرتے ہیں۔
وحدت نیوز (شگر) ایم ڈبلیوایم نے شگر کے عوام سے الیکشن سے پہلے کئے ہوئے وعدے کو نبھانے کیلئے عملی اقدامات شروع کردئے۔جبکہ شگر کی عوام کی سب بڑا مسئلہ صحت کے مسائل کو حل کرنے کا بیڑا اُٹھالیا۔کوتھنگ شگر میں پہلا نجی طور پرہیلتھ سینٹر کا سنگ بنیاد رکھا گیا۔سنگ بنیاد مجلس وحدت مسلمین بلتستان کے سیکریٹری جنرل آغا علی رضوی ،شیخ ضامن علی مقدسی سیکریٹری جنرل ایم ڈبلیو ایم شگر کے ہاتھوں سے رکھا گیا۔کمپلیکس وسیع و عریض جگے پر تعمیر کی جارہی ہے جس میں صحت سے متعلق اور ضروریات کے تمام اشیاء موجود ہونگے۔اس موقع پر سابق امیدوار فدا علی شگری اور سینکڑوں مقامی افراد بھی موجود تھے جو کمپلیکس کی سنگ بنیاد کے موقع کافی جذباتی اور خوش دکھائی دے رہے تھے۔لوگوں کا کہنا تھا کہ سابق ادوار میں شگر میں صحت کی مسائل پر خاطر خواہ کوئی توجہ نہیں دی گئی یہی وجہ ہے شگرمیں مریضوں کیلئے سرکاری طور پر ایک رورل سنٹر کے علاوہ کوئی دوسری سہولت موجود نہیں جس کی وجہ سے اکثر پیچیدہ اور سخت مریضوں کوسکردو ریفر کرنا پڑتا ہے اور اکثر راستے میں دم توڑ جاتے ہیں۔اس کمپلیکس کی مکمل ہونے کے بعد شگر کی عوام کو صحت سے متعلق بہتر سہولیات گھر کے دہلیز پر میسر آئیں گے۔ ایم ڈبلیو ایم نے الیکشن سے پہلے عوام سے میڈیکل کمپلیکس کا وعدہ کیا ہوا تھا جسے انہوں نے نبھایا۔
وحدت نیوز (تہران) مجلس وحدت مسلمین پاکستان کے سیکرٹری جنرل علامہ ناصر عباس جعفری کی سربراہی میں ایم ڈبلیو ایم کے اعلٰی سطحی وفد نے حزب اللہ لبنان کے ڈپٹی سیکرٹری جنرل علامہ شیخ نعیم قاسم سے ملاقات کی۔ وفد میں علامہ راجہ ناصر عباس جعفری کے ہمراہ مرکزی ڈپٹی سیکرٹری جنرل علامہ امین شہیدی، سیکرٹری امور خارجہ ڈاکٹر علامہ سید شفقت حسین شیرازی اور علامہ ظہیر الحسن بھی موجود تھے۔ تہران میں ہونے والی بین الاقوامی کانفرنس کے موقع پر ایم ڈبلیو ایم اور حزب اللہ کی اعلٰی قیادت کے درمیان ہونے والی اس ملاقات میں دو طرفہ مسائل زیر بحث لائے گئے۔ خطے کی بدلتی ہوئی صورتحال پر شیخ نعیم قاسم نے بریفنگ دیتے ہوئے کہا کہ مشرق وسطٰی میں امریکی و اسرائیلی نفوذ کا خاتمہ اب یقینی ہوگیا ہے اور انشاءاللہ جبھہ مقاومت کو فتح نصیب ہوگی۔ انہوں نے پاکستان میں ایم ڈبلیو ایم کی فعالیت کو سراہا اور نیک خواہشات کا اظہار کیا۔ علاوہ ازیں علامہ ناصر عباس جعفری نے پاکستان میں ہونے والے شیعہ سنی اتحاد کے ثمرات پر بات کرتے ہوئے کہا کہ آج ملک دشمن عناصر تنہا کھڑے ہیں اور ملک دوست و محب وطن قوتیں یکجا ہیں۔
علاوہ ازیں علامہ راجہ ناصر عباس جعفری کی سربراہی میں ایم ڈبلیو ایم کے مرکزی قائدین نے مجلس اعلٰی عراق کے سربراہ آیت اللہ سید عمار الحکیم سے ملاقات کی۔ تہران میں ہونیوالی ملاقات میں علامہ ناصر عباس جعفری کے ہمراہ مرکزی ڈپٹی سیکرٹری جنرل علامہ امین شہیدی،سیکرٹری امور خارجہ ڈاکٹر علامہ سید شفقت حسین شیرازی اور علامہ ظہیر الحسن بھی موجود تھے۔ عراقی عالم دین سید عمار الحکیم سے ہونے والی اس ملاقات میں باہمی مسائل کا تذکرہ ہوا۔ سید عمار الحکیم نے عراقی مجاہدین کی داعش کے خلاف لڑی جانے والی جنگ پر بات کرتے ہوئے کہا کہ کربلا سے عشق و محبت کا ثمر ہے کہ ہم داعش کو پسپا کرنے میں کامیاب ہوئے۔ انہوں نے شیعہ نوجوانوں کی خدمات کو سراہتے ہوئے کہا کہ جس محبت و خلوص سے لوگوں نے اس جنگ میں شرکت کی، اس سے ثابت ہوگیا کہ کربلائی نوجوان استقامت کا نشان ہیں۔ علاوہ ازیں انہوں نے ایم ڈبلیو ایم کی قیادت کی فعالیت کو سراہتے ہوئے کہا کہ پاکستان میں مذہبی رواداری کو فروغ دینا، اتحاد و وحدت کی طرف اہم سنگ میل ثابت ہوگا۔
