وحدت نیوز (اسلام آباد) پارلیمانی لیڈر مجلس وحدت مسلمین ممبر قومی اسمبلی انجینئر حمید حسین کی اسلام آباد میں چیئرمین اوورسیز پاکستانیز سید قمر رضا سے ملاقات اور بیرون ملک رہنے والے پاکستانیوں کو درپیش مشکلات پر تفصیلی گفتگو، بیرون ممالک مشکلات میں پھنسے پاکستانیوں جن میں عراق، سعودی عرب اور یو اے ای کی جیلوں میں قید پاکستانیوں کی بازیابی، انہیں قانونی مدد کی فراہمی پر زور دیا اور اس ایشو کو انسانی ہمدردی کی بنیادوں پر حل کرنے کی طرف توجہ دلائی، ساتھ ہی شام میں پھنسے زائرین کرام کی بحفاظت وطن واپسی کے اقدامات کو یقینی بنانے بارے بھی تاکید کی، چیئرمین اوورسیز کی جانب سے دیگر ممالک میں پھنسے پاکستانی شہریوں سمیت زائرین کرام کی شام سے محفوظ واپسی کے مسئلے کو ترجیحی بنیادوں پر حل کرنے کی یقین دہانی کروائی اور اس مسلے پر حکومت کی جانب سے اب تک ہونے والی پیش رفت بارے آگاہ بھی کیا