وحدت نیوز(لاہور) مجلس وحدت مسلمین پاکستان پنجاب رہبر کبیر امام خمینی کے حکم پر بارہ تا سترہ ربیع الاول پنجاب بھر میں ہفتہ وحدت منائے گی اس حوالے سے اضلاع کی سطح پر سیمینارز ، کانفرنسز، محافل میلاد ، میں تمام مکاتب فکر کے علماء اور اکابر کو دعوت خطاب دی جائے گی ڈپٹی سیکرٹری جنرل پنجاب ڈاکٹر افتخار نقوی نے کہا کہ اتحاد بین المسلین کے آفاقی پیغام کے ثمرات کو عام مسلمان تک پہنچانا سب فرقوں کی ذمہ داری ہےشیعہ سنی اتحاد نے عالمی سطح پر اسلام دشمنوں کے عزائم خاک میں ملادیئے ہیں۔