وحدت نیوز(لاہور)صدر مجلس وحدت مسلمین پنجاب علامہ علی اکبر کاظمی کا دورہ لاہور. صوبائی صدر کی ضلعی آرگنائزر نقی مہدی اور نجم خان کے ہمراہ صدر کینٹ یونٹ آمد. یہاں عہدیداروں اور کارکنوں سے گفتگو کرتے ہوئے علامہ علی اکبر کاظمی نے کہا کہ پاکستان ہماری مادر وطن ہے. پاکستان کی سالمیت کی خاطر اپنا تن من دھن سب قربان کر دیا جائے تو بھی کم ہے. انتشار پھیلانے والے جلد قانون کے کٹہرے میں کھڑے کیئےجائیں گے۔
انہوں نے کہا کہ مجلس وحدت مسلمین پاکستان کا ہر ایک کارکن علامہ راجہ ناصر عباس جعفری حفظہ اللہ کے ہر حکم پر لبیک کہتاہے. قائد وحدت کے فرمان کی روشنی میں ہم قائد اعظم محمد علی جناح اور ڈاکٹر محمد اقبال کی فکر کے پاکستان کے حصول کیلئے اپنی جدوجہد جاری رکھیں گے. کارکنوں سے گفتگو کے بعد علامہ علی اکبر کاظمی نے نو منتخب یونٹ کابینہ سے حلف لیا۔
