وحدت نیوز(میانوالی ) مجلس وحدت مسلمین پاکستان صوبہ پنجاب کے صدر علامہ سید علی اکبر کاظمی نے ایک وفد کے ہمراہ میانوالی کا دورہ کیا۔
اس دوران صوبائی صدر مجلس وحدت مسلمین صوبہ پنجاب نے اپنے وفد کے ہمراہ پکی شاہ مردان مسجد جامع جعفری، محلہ ہاشم مسجد جعفریہ اور العصر اسلامک سنٹر کا وزٹ کیا اور علاقے کے عوام سے خطاب کیا۔
علامہ علی اکبر کاظمی کے ہمراہ سید نجیب نقوی صوبائی سیکرٹری تعلیم اور ضلعی صدر مجلس وحدت مسلمین ضلع میانوالی علمدار حسین ایڈووکیٹ تھے۔
انہوں نے اپنے وفد کے ہمراہ اہم مذہبی، سماجی و شخصیات سے ملاقاتیں بھی کیں۔ آخر میں حالات حاضرہ کے عنوان سے انٹرویو بھی دیا۔
