وحدت نیوز(چنیوٹ)ضلع چنیوٹ یونین کونسل 37 ٹھٹی غربی میں یونٹ سازی کی تقریب میں صوبائی صدر ایم ڈبلیو ایم پنجاب کی شرکت ۔ جناب حجت الاسلام والمسلمین علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب کی ضلع چنیوٹ میں تنظیمی یونٹ کی تشکیل کی تقریب میں شرکت اور اکثریت آراء سے منتخب ہونے والے یونٹ صدر برادر سید احسن رضا سے حلف لیا ۔
اس موقع پر تنظیمی برادران کی کافی تعداد موجود تھی ۔ صوبائی سیکرٹری تنظیم سازی جناب مظہر عباس جعفری ، ضلعی صدر جناب انیس عباس زیدی کے علاؤہ ضلع چنیوٹ کی آرگنائزننگ کمیٹی معزز ممبران بھی اس تقریب میں موجود تھے ۔ علامہ سید علی اکبر کاظمی نے تنظیمی برادران سے خطاب کیا اور تنظیم کی افادیت ،اہمیت اور ضرورت کے موضوع پر بہت ہی عمدہ گفتگو فرمائی جسے شرکاء نے بہت سراہا ۔
