وحدت نیوز (لاہور) مجلس وحدت مسلمین پنجاب کے صوبائی سیکریٹری جنرل علامہ عبدالخالق اسدی نے سعودی حکومت اور یمنی حوثی قبائل کے درمیان مذاکرات کے آغاز اور جنگ بندی کی سعودی پیشکش پر اپنے درعمل کا اظہارکرتے ہوئے کہا ہے کہ سعودی حکومت کا یمنی حوثی قبائل کے ساتھ مذاکرات کی ٹیبل پر بیٹھا سعودی شکست کے مترادف ہے،نہتے شہریوں پرایک برس سے زائد عرصے تک بلیسٹک اور ہائڈروجن بمبوں اور میزائلوں کا استعمال کرنے والا سعودیہ عرب گھٹنے ٹیکنے پر مجبور ہو چکا ہے، علامہ اسدی نے کہا کہ حرمین شریفین پرحوثیوں کے حملے کو بنیاد بناکراقوام عالم کو گمراہ کرنے والے سعودی حکمرانوں کو اپنے جھوٹ پر معافی مانگنی چاہیئے، سعودی حکمرانوں نے اپنی ذاتی تسکین کی خاطر ہزاروں معصوم بچوں ، خواتین ، بزرگوں اور جوانوں کواندھادھند بمباری کا نشانہ بنایا، اقوام متحدہ کو چاہئے کہ سعودی اتحادی افواج کی یمن پر مسلط جارحیت اور ہزاروں شہریوں کے بے دریغ قتل عام کا نوٹس لے اور عالمی عدالت انصاف میں سعودی حکومت پر جنگی جرائم کا مقدمہ قائم کیا جائے ۔