وحدت نیوز (کراچی) مجلس وحدت مسلمین کے سربراہ علامہ راجہ ناصر عباس جعفری کی اپیل پر ملک بھر کی طرح سندھ بھر میں بھی یوم مردہ باد امریکہ منایا جائے گا ان خیالات کا اظہارایم ڈبلیوایم کے صوبائی سیکرٹری جنرل علامہ مقصود علی ڈومکی نے ہنگامی اجلاس کے دوران کیا،انہوں نے نے کہا کہ بیت المقدس مسلمانوں کا قبلہ اول ہے اس کے خلاف کسی بھی سازش کو مسلمانوں کے خلاف اعلان جنگ سمجھا جائے گاعلامہ مقصود علی ڈومکی نے کہا کہ ڈونلڈ ٹرمپ کی بیت المقدس کو اسرائیلی دارالخلافہ بنانے کی مذمت کرتے ہیں، بیت المقدس کو اسرائیلی دارالحکومت قرار دینا ٹرمپ کے صہیونی عزائم کی تکمیل ہے۔ علامہ مقصود علی ڈومکی کا کہنا تھا کہ ڈونلڈ ٹرمپ کا بیت المقدس کو غاصب اسرائیل کا دارالحکومت قرار دینا عالمی قوانین کی خلاف ورزی ہے، ڈونلڈ ٹرمپ کے القدس شریف کو اسرائیلی دارالحکومت قرار دینے کے بیان کی اقوام عالم نے بھرپور مذمت کی ہے، قبلہ اول بیت المقدس کے خلاف اس صہیونی سازش کی مذمت کرتے ہیں، جمعہ کو امریکہ و غاصب ریاست اسرائیل کے خلاف علامہ راجہ ناصر کی اپیل پر ملک بھر کی طرح سندھ کے چھوٹے بڑے شہروں میں احتجاج کیا جائے گا۔