وحدت نیوز(کراچی) مجلس وحدت مسلمین صوبہ سندھ کے پولیٹیکل سیکریٹری سید علی حسین نقوی نے میڈیا کو جاری اپنے بیان میں کہا ہے کہ 15 جنوری کو بلدیاتی انتخابات کے انعقاد کو ہر صورت ممکن بنایا جائے۔سیاسی یتیم نوشتہ دیوار شکست کے خوف سے انتخابات سے راہ فرار چاہتے ہیں۔

انہوں نے مزید کہا کہ بلدیاتی انتخابات سے فراری چند سیاسی جماعتوں کو اپنی شکست کاخوف ہے، بلدیاتی انتخابات سے فرار راہ حل نہیں۔کراچی اور حیدرآباد کے عوامی مسائل کا حل صاف اور شفاف بلدیاتی انتخابات اور اقتدار اور اختیار کی نچلی سطح پر منتقلی ہی ہے ۔