وحدت نیوز(ہریپور) مجلس وحدت مسلمین خیبرپختونخواہ کے صوبائی رہنما نیئرعباس جعفری نے گزشتہ روز تحصیل خان پور ضلع ہریپور کے ایک پہاڑی گاؤں مسلم آباد میں سید حسرت شاہ صاحب کی دعوت پر ان کے دولت خانہ پر شرکت کی، ان کے ساتھ حطار سے سید انجم شاہ اور سید ثاقب شاہ مانکراے بھی تھے یہ دورہ دعوت کے ساتھ ساتھ تنظیمی دورہ بھی تھا کیونکہ کافی عرصہ سے سید حسرت شاہ صاحب کہہ رہے تھے کہ اپ ہمارے پاس کھانے پر آہیں تو ساتھ ہی یونٹ سازی بھی کریں گے تنظیم سازی کو ہی زہین میں رکھتے ہوئے پہاڑ کے علاقے کی دعوت قبول کی. جب مسلم آباد پہنچے تو تحصیل خان پور کی چیدہ چیدہ شخصیات یعنی بانی مجالس اور ماتمی تنظیموں کے سالار بھی موجود تھے اس دعوت میں ڈسٹرکٹ بار کے جنرل سیکرٹری اور سابقہ مجلس وحدت مسلمین ضلع ہریپور کے سیکرٹری جنرل سید ضیاء عباس ایڈووکیٹ بھی شریک تھے معزز شخصیات سے تنظیمی حوالے سے سیر حاصل گفتگو ہوئی اور مجلس وحدت مسلمین پاکستان کے منشور سے آگاہی دی. معززین نے مجلس وحدت مسلمین پاکستان کے منشور میں گہری دلچسپی کا اظہار کیا اور کہا کہ یہ منشور شعیہ قوم کی صحیح طور پر ترجمانی کرتا ہے پرتکلف کھانے کے بعد مسلم آباد کے مومنین کا اجلاس ہوا جس میں مندرجہ ذیل کابینہ تشکیل دی گئی۔

1. سید مدثر شاہ۔  صدر
2. سید عامر کاظمی۔ نائب صدر
3. سید احسن کاظمی۔جنرل سیکرٹری
4. سید عدیل عباس کاظمی۔سیکرٹری عزاداری
5. سید مرید عباس کاظمی۔سیکرٹری اطلاعات
6. سید نیر عباس کاظمی۔ سیکرٹری تربیت
7. سید عاشر عباس کاظمی۔ سیکرٹری فنانس

کا انتخاب کیا گیا اس کے علاوہ خان پور کے لئے ایک آرگنائزرز کمیٹی سید حسرت شاہ مسلم آباد. سید عقیل شاہ گڑھی سیداں اور وسیم شاہ پر تشکیل دی گئی ہے جو علاقہ خان پور میں یونٹ سازی کریں گے کمیٹی میں مزید مومنین کو بھی شامل کیا جائے گا. اس کے بعد فوری توفکیاں میں ایک مجلس میں شرکت کی اور مومنین سے ملاقات کی اور مجلس وحدت مسلمین پاکستان میں شمولیت کی دعوت دی اس کے دوبندی سیداں میں سید منتظر مہدی صاحب سے ان کے گھر ملاقات کی اور مجالس اور جلوسوں کے مسائل پر بات چیت کی. اس سے پہلے ہریپور میں میرا توت گاؤں میں مومنین کی ایک میٹنگ ہوئی جس میں میرے ساتھ ضلعی صدر اسحاق حیدری اور سید اظہر علی شاہ مانکراے بھی شامل تھے مومنین نے متفقہ طور پر سید نزاکت شاہ کو میرا توت کا صدر منتخب کیا اور باقی کابینہ مومنین کے مشورے سے سید نزاکت شاہ تشکیل دیں گے۔