وحدت نیوز(کوئٹہ) حلقہ پی بی 2 کوئٹہ سے تعلق رکھنے والے مرد و زن مجلس وحدت مسلمین پاکستان کے رکن شوریٰ عالی و ممبر بلوچستان اسمبلی آغا رضا سے نادرا آفس کی انتظامیہ کی سست روی اور غیر اخلاقی سلوک کے بارے میں شکایات کرنے ایم ڈبلیو ایم آفس تشریف لائے.آغا رضا نے عوامی شکایات اور مسائل کو بغور سنا اور اسی وقت نادرا کے ریجنل ڈائریکٹر سے ٹیلی فونک گفتگو کی اور لوگوں کے مسائل سے آگاہ کیا.اگلے روز نادرا کے جی ایم سے ملاقات میں لوگوں کے مسائل پر تفصیلی گفتگو کرتے ہوئے آغا رضا نے کہا کہ نادرا ہفتے میں ایک بار گلوبل سنٹر میں کمیٹی کو پابند کروائیں تاکہ لوگوں کے مسائل جلد سے جلد حل ہو سکیں،یاد رہے کہ نادرا کی زیادتیوں کے شکارشہریوں  نے آغا رضا سے ملنے سے پہلے نادرا گلوبل آفس کے سامنے احتجاج بھی کیاتھا۔