وحدت نیوز(کوئٹہ)مجلس وحدت مسلمین پاکستان کوئٹہ سٹی کے صدر ارباب لیاقت علی ہزارہ نے کوئٹہ سے کراچی جانے والے پاک آرمی کا ہیلی کاپٹر کریش ہونے کو قومی سانحہ قرار دیتے ہوئے گہرے دکھ اور افسوس کا اظہار کیا ہے۔

انہوں نے کہا کہ کور کمانڈر کوئٹہ لفٹیننٹ جنرل سرفراز علی، برگیڈئر امجد حنیف ستی سمیت پائلیٹ میجر سعید، میجر طلحہ اور نائیک مدثر کی شہادت سے پوری قوم افسردہ ہوئی ہے۔ انہوں سانحہ میں شہادت نوش کرنے والے افسران کیلئے دعا کرتے ہوئے کہا کہ اللہ تعالیٰ تمام شہداء کے درجات بلند اور پسماندگان کو صبر جمیل عطا فرمائے۔