وحدت نیوز(بولان)مجلس وحدت مسلمین ضلع بولان اور مجلس علماء مکتب اھلبیت بلوچستان کی طرف قائد وحدت علامہ راجہ ناصر عباس جعفری کےحکم پر حماس کے سربراہ شہید اسماعیل ہنیہ اور شہدائے پارہ چنار کی حمایت میں ڈھاڈر میں احتجاجی مظاہرہ کیاگیا ۔اس موقعہ پر مجلس علماء مکتب اھلبیت بلوچستان کے صوبائی جنرل سیکریٹری علامہ ذوالفقارعلی سعیدی نے خطاب کرتے ہوئے کہاکہ آئمہ اہلبیت نے ہمیں مظلوموں کی حمایت اور ظالموں کی مخالفت کاحکم دیا ہے اس لئے ہمیں  مظلوم کی حمایت اور ظالم کی مخالفت کرنی چاہئے۔انہوں نے مزید کہاکہ اسماعیل ہنیہ کی شہادت پر دنیا کی خاموشی لمحہ فکریہ ہے۔ ہم شہید اسماعیل ہنیہ اور شہدائے پارہ چنار کی مظلومانہ شہادت کی پرزور مزمت کرتے ہیں۔اس موقعہ پر MWMضلع بولان کے صدر سید انورعلی شاہ دوپاسی اور دیگر نے بھی خطاب کیا۔