وحدت نیوز (کوئٹہ) مجلس وحدت مسلمین بلوچستان کے زیر اہتمام شہدائے پشاور کی یاد میں تعزیتی تقریب منعقد ہوئی۔  تقریب سے خطاب کرتے ہوئے مجلس وحدت مسلمین بلوچستان کے سیکریٹری جنرل علامہ مقصودعلی ڈومکی نے کہا کہ شہدائے پشاور نے اسلام اور حسینیت کی راہ میں اپنے لہو کا نذرانہ پیش کیا۔ حکومت دہشت گردی کے خلاف جامع پالیسی کا اعلان کرے۔ دہشت گردوں کے خلاف آپریشن کلین اپ کرتے ہوئے ان کے ٹریننگ کیمپس بند کرے اور ان کے سرپرستوں ہاتھ ڈالے۔ انہوں نے کہا کہ حق و باطل کے اس عالمی معرکے میں ہم امام عصر (عج) کے منتظرین کو چاہیئے کہ وہ کربلائے پاکستان میں اپنی تاریخی ذمہ داری ادا کرنے کے لئے میدان عمل میں آئیں۔  تقریب سے مولانا ولایت حسین جعفری، آقا عبدالعلی اصغری اور بیرسٹر افتخار حسین ہزارہ نے بھی خطاب کیا۔