وحدت نیوز(چلاس) صوبائی وزیر زراعت و رہنما مجلس وحدت مسلمین گلگت بلتستان محمد کاظم میثم کی گونر فارم چلاس آمد پر چلاس کے عمائدین،زعماء اور محکمہ زراعت کے سٹاف سے ملاقات۔
ملاقات میں گفتگو کرتے ہوئے صوبائی وزیر زراعت نے کہا کہ زراعت ہماری معیشت میں ریڑھ کی ہڈی کے مانند ہیں،زراعت کا پیشہ مقدس پیشہ ہے اور انبیاء علیہم السلام کا پیشہ رہا ہے۔زراعت کے زریعے جہاں پر ہم معاشی بہتری لا سکتے ہیں وہاں پر یہ نیکی اور حسنہ ہیں۔
انہوں نے مزید کہا کہ سر سبز و شاداب اور ہریالی کے لئے کمیونٹی اور متعلقہ محکمے کو پہلے سے زیادہ محنت کرنی پڑے گی تاکہ یہ علاقہ جو کہ زرعی میدان میں پوٹینشل رکھتا ہے زیادہ سے زیادہ مواقع سے استفادہ حاصل کر سکیں۔
