وحدت نیوز ( گلگت ) مجلس وحدت مسلمین پاکستان گلگت بلتستان کے تحت یتیم طلباء کی تعلیمی معاونت کیلئے ایک منصوبے کا آغاز کر دیا گیا ہے۔ اس سلسلے میں ایک خصوصی تقریب ایم ڈبلیو ایم کے صوبائی سیکریٹریٹ گلگت میں منعقد ہوئی، جس میں کثیر تعداد میں ایم ڈبلیو ایم کے کارکنان اور عمائدین شہر نے شرکت کی۔ تقریب سے خطاب کرتے ہوئے ایم ڈبلیو ایم کے صوبائی سیکرٹری جنرل مولانا شیخ نیئرعباس مصطفوی نے منصوبے کی تفصیلات بتاتے ہوئےکہا کہ اس منصوبے کے تحت ابتدائی مرحلے میں 163 یتیم طلباء کی تعلیمی معاونت کی جائیگی اور ماہانہ بنیادوں پر انہیں وظائف کا اجراء کیا جائیگا۔ تقریب میں بعض یتیم طلباء میں ابتدائی امداد کے چیک بھی تقسیم کئے گئے۔