وحدت نیوز(مظفرآباد)سید غفران علی کاظمی صدر مجلس وحدت مسلمین مظفرآباد نے آزاد کشمیر حکومت کی جانب سے ضلع باغ میں مجلس عزا کے انعقاد پر پابندی کی شدید الفاظ میں مذمت کی ہے۔
صدر مجلس وحدت مسلمین مظفرآباد کا کہنا تھا کہ باغ انتظامیہ ہوش کے ناخن لے اگر باغ انتظامیہ نے کل بروز اتوار باغ میں ہونے والی مجالس یا علامہ شہنشاہ حسین نقوی صاحب کو آزاد کشمیر داخل ہونے میں کوئی رکاوٹ ڈالی تو پورے آزاد کشمیر میں احتجاجی دھرنے دیئے جائیں گے۔
ہم کمشنر پونچھ و ضلعی انتظامیہ سے مطالبہ کرتے ہیں کہ یہ فرقہ ورانہ کاروائیاں بند کریں ہم اس ریاست کے باشندے ہیں ہم کسی صورت برداشت نہیں کریں گے کوئی ہمارے عقیدے کے ساتھ چھیڑے ۔
