وحدت نیوز (مظفرآباد) مجلس وحدت مسلمین آزاد جموں و کشمیر ، تحریک انصاف آزاد کشمیر اور پاکستان عوامی تحریک آزاد کشمیر کا نیلم روڈ پر مشترکہ دھرنا، دھرنے کی قیادت سیکرٹری جنرل مجلس وحدت مسلمین آزاد جموں و کشمیر علامہ تصور جوادی، پاکستان تحریک انصاف آزاد کشمیر کے صدر ڈاکٹر لطف الرحمن اور تحریک منہاج القرآن مظفرآباد کے صدر مولانا ضیاء احمد چغتائی نے کی، دھرنے میں تینوں جماعتوں کے عہدیداران و قائدین کی بڑی تعداد شامل تھی، مقررین نے خطاب کرتے ہوئے سانحہ اسلام آباد کی بھرپور مذمت کی ، انہوں نے کہا کہ نواز شریف نے ریاستی دہشتگردی کی بدترین مثال قائم کی ہے ، اب کسی صورت بھی نواز شریف کو کرسی اقتدار پر مذید براجمان نہیں رہنے دیا جائے گا، نواز شریف کے دن گنے جا چکے ، بہت جلد نواز شریف کو مظلوموں کے خون کا حساب دینا ہو گا، دھرنے کی فضا ’’گو نواز گو ‘‘ کے نعروں سے گونجتی رہی، قائدین نے اعلان کیا کہ دھرنا اس وقت تک جاری رہے گا جب تک اسلام میں دھرنے ختم ہو جاتے ۔