وحدت نیوز(اسلام آباد) وحدت یوتھ پاکستان کا جنرل یوتھ اجلاس محبانِ وطن کے عنوان سے اسلام آباد میں 10/11 جون 2023 کو منعقد ہورہا ہے اس سلسلے میں وحدت یوتھ ونگ پاکستان کے مرکزی کواڈینیٹر برادر تصور علی مھدی نے اپنے جاری کردہ بیان میں کہا کہ وحدت یوتھ پاکستان کا جنرل یوتھ کونسل اجلاس جامع الصادق جی نائن ٹو اسلام آباد میں ہورہا ہے جس میں ملک بھر سے کثیر تعداد میں نوجوان شرکت کریں گے اس نے کہا کہ ہم اس مملکت خداداد پاکستان سے اپنی جان سے بھی زیادہ محبت کرتے ہیں یہ پاکستان ہم نے بنایا تھا ہم بچائیں گے۔

مزید کہا کہ جنرل یوتھ کونسل اجلاس کا عنوان محبانِ وطن، رکھا ہے ہم پاکستان کے دشمنوں کو پیغام دینا چاہتے ہیں ہم فرزندان حسینی پیروان شہید قائد ابھی اس سرزمین پاکستان پر موجود ہے پاکستان کی سالمیت پر حملہ کرنے کی کسی کو اجازت نہیں دیں گے، مرکزی محبانِ وطن جنرل یوتھ کونسل اجلاس سے خصوصی خطاب سربراہ مجلس وحدت مسلمین پاکستان علامہ راجہ ناصر عباس جعفری حفظہ اللہ سمیت دیگر جید علماء کرام کریں گے۔