وحدت نیوز(کویت)کویت میں پاراچنار کمیونٹی اور خاتم الانبیاء ویلفیئر سوسائٹی کویت (مجلس وحدت مسلمین کویت) کے نمائندگان کی پاراچنار پر جنگی محاصرے اور امن و امان کی تشویش ناک صورتحال پر سفیر اسلامی جمہوریہ پاکستان کویت ملک محمد فاروق صاحب سے ملاقات ، یادداشت بھی پیش کی گئی

  کویت میں مقیم پاراچنار سے تعلق رکھنے والے نمائندہ وفد نے خاتم الانبیاء ویلفیئر سوسائٹی(مجلس وحدت المسلمین) کویت کے نمائندگان کے ہمراہ کویت سفارت اسلامی جمہوریہ پاکستان کویت میں سفیر اسلامی جمہوریہ پاکستان کویت جناب ملک محمد فاروق اور کمیونٹی ویلفیئر اتاشی جناب فرج امیر سیال صاحب سے ملاقات کی اور پاراچنار کی موجودہ تشویش ناک صورتحال سے آگاہ کیا اور اپنے تحفظات پہنچائے، سفیر اسلامی جمہوریہ پاکستان نے وفد سے انتھائی دلچسپی کے ساتھ تمام پس منظر اور حالیہ جنگ کی صورت حال کو سنا اور اپنی تشویش کا ظہار بھی کیا اور پیش کی گئی یادداشت جس میں وہاں کی صورتحال کے پس منظر میں بالخصوص دفاعی اداروں کو سرحد پار دراندازی کرنے والے دہشتگردوں اور تحریک طالبان پاکستان اور داعشی درندوں کو لگام دینے کی استدعا کی گئی ہے جوکہ پاراچنار کی محب وطن 7 لاکھ آبادی کے اس خطے کو آئے روز میدان جنگ بنائے رکھتے ہیں ، یادداشت میں وزیراعظم اور آرمی چیف کو اپنی آئینی اور دفاعی ذمہ داری ادا کرنے کی گذارش گئی ہے

سفیر اسلامی جمہوریہ پاکستان نے یادداشت کو موزوں ترین حکام بالا تک پہنچانے کا وعدہ کیا اور کہا کہ وہ بھی اس صورتحال میں پاراچنار کی برادری کے ساتھ بحیثیت محب وطن پاکستانی کھڑے ہیں

وفد کی قیادت سید شہباز شیرازی سرپرست خاتم الانبیاء ویلفیئر سوسائٹی کویت نے کی جبکہ ارکان میں سید شبیر حسینی ، محمد اسماعیل، سید اخلاق نقوی محمد یاسر ظہیر عباس، ثقلین عباس حیدری ،محمد شاہدترابی شامل تھے۔