وحدت نیوز (لاہور/کراچی/ راولپنڈی /کوئٹہ /ملتان /حیدرآباد) مجلس وحدت مسلمین کے سربراہ علامہ راجہ ناصر عباس جعفری کی اپیل پر چاروں صوبوں سمیت آزادکشمیر اور گلگت بلتستان میں حکمرانوں کی جانب سے محرم الحرام اور عزاداری نواسہ رسولۖ سید شہداء کیخلاف متعصبانہ کاروائیوں کیخلاف ملک گیر احتجاجی مظاہرے کیئے گئے،لاہور،اسلام آباد راوالپنڈی،کراچی،اندرون سندھ حیدرآباد،نوابشاہ، شکارپور،ماتلی،بدین،نوشہروفیروز،سجاول،دادو،مورو،سانگھڑ،ٹنڈوالہیار،ٹنڈومحمد خان ،کوئٹہ،جیکب آباد ،سبی،پشاور،پاراچنار،ایبٹ آباد، مظفرآباد،گلگت سٹی،نگر،نلتر،گومل،سکردو سٹی،شگر،خپلو،کھرمنگ،مہدی آباد ،پنجاب میں لاہور،قصور،گجرانوالہ،فیصل آباد،ساہیوال،ملتان،مظفرگڑھ،پاک پتن ،ڈیرہ غازی خان، جھنگ،چینوٹ، لیہ، گجرات،جہلم،سرگودھاسمیت دیگر سینکڑوں مقامات پر عزاداران اور بانیان مجالس نے احتجاجی مظاہرے کئے،مظاہروں میں چاروں صوبوں بلخصوص پنجاب میں ملت جعفریہ کیخلاف متعصبانہ کاروائیوں کیخلاف عزاداران نے شدید غم غصے کا اظہار کیا گیا،مظاہروں سے خطاب کرتے ہوئے علمائ،ذاکرین اور بانیان مجالس کا کہنا تھا کہ نیشنل ایکشن پلان دہشت گردی اور انتہاپسندی کی عفریت کے خاتمے کے لئے بنایا گیا تھا بدقسمتی سے ہمارے عاقبت نااندیش حکمران اسے محرم الحرام میں نواسہ رسولۖ کے نہتے پرامن عزاداروں کے خلاف استعمال کر کے ان سے مذہبی آزادی جو پاکستان کے آئین و قانون نے ان کو دیا ہے اسے سلب کررہے ہیں،جو ہمارے لئے کسی بھی صورت قبول نہیں،ہم عزاداری سید شہداء کے بغیر زندگی کو موت پر ترجیح دیتے ہیں،پنجاب کے حکمران ملت جعفریہ کیخلاف متعصبانہ کاروائیوں سے باز رہے، ذاکرین اور علما کی ضلع بندیاں قابل مذمت ہے اسے ہم ذکر محمد و آل محمد کے ساتھ دشمنی قرار دیتے ہیں،روائتی جلوس ہائے عزاء اور چار دیوار کے اندر خواتین کی مجالس پر ہمیں کسے سے اجازت لینے کی ضرورت نہیں،ایمپلی فائر ایکٹ سے عزاداری سید شہداء کو مثتثنیٰ قرار دیا جائے ہم لاکھوں کے اجتماعات کو لاوڈ سپیکر کے بغیر کنٹرول نہیں کر سکتے،ہم مطالبہ کرتے ہیں کہ اس علامتی احتجاج کے بعد حکمران ہمیں اپنی آئینی و قانونی حق روکنے کی کوشش نہ کرے بصورت دیگر ملک بھر میں عزاداری کے مجالس و جلوس ہائے عزاء سڑکوں اور شاہراہوں پر ہونگے،ن لیگ کس کے ایجنڈے پر عمل کر رہی ہے،دہشت گردوں کے سرپرستوں اور داعش،النصرہ،بوکو حرام جیسے درندہ صفت گروہوں کے سرپرست بادشاہوں کے نظام کو ہم قائد اعظم کے پاکستان میں نافذ نہیں ہونے دینگے،عزاداری سید شہداء کے لئے ہم اپنی جانیں دینے کو تیار ہیں لیکن اس کیخلاف کسی بھی قدغن کو برادشت نہیں کریں گے،تاریخ گواہ ہے دنیا کا کوئی بھی ظالم و جابر آج تک نہ اس عزاداری کو روک سکے نہ عزاداران امام مظلوم روکنے دینگے۔
لاہور پریس کلب کے سامنے عزاداران،علماء ،ذاکرین اور بانیان مجالس نے پنجاب میں ن لیگ حکومت کی متعصبانہ طرز عمل کیخلاف احتجاجی مظاہرہ کیا،مظاہرین سے خطاب کرتے ہوئے مجلس وحدت مسلمین پنجاب کے سیکرٹری جنرل علامہ عبدالخالق اسدی نے کہا کہ پنجاب کے طول عرض میں عزاداران امام مظلوم کیخلاف ایک منظم منصوبی بندی کے تحت کاروائیاں جاری ہے علمائ،ذاکرین،بانیان مجالس کو ہراساں کیا جا رہا ہے،چادر اور چار دیواری کے تقدس کو پامال کیا جا رہا ہے،ہم اس کاروائیوں کو ن لیگ کی جانب سے انتقامی کاروائیوں تصور کر تے ہیں،اگر یہ سلسلہ جاری رہا تو ملک بھر میں نہ ختم ہونے والے احتجاجی مظاہرے شروع ہونگے جو ہمارا آئینی و قانونی حق ہے،انہوں نے کہا کہ ہم اس ملک کے پرامن شہری ہے خدا کا شکر ہے کہ اس ملت سے تعلق رکھنے والوں نے کبھی بھی پاکستان کی سلامتی کے خلاف کوئی قدم نہیں اُٹھایا،ہم نے پاکستان کی سلامتی و بقا کے لئے چوبیس ہراز سے زائد جانوں کے نذرانے پیش کیئے،لیکن ملکی سلامتی پا ایک آنچ تک نہیں آنے دی،پنجاب کے حکمران ہمارے قاتلوں کی سرپرستی کرتے رہے،آج بھی یہ انتقامی کاروائیاں دہشت گردوں کیخوشنودی کے لئے کر رہے ہیں۔
انہوں نے اپنے خطاب میں کہا کہ عزاداری سید شہداء ہمارا آئینی و قانونی حق ہے ہم اس سے ایک ایچ بھی پیچھے ہٹنے کو تیار نہیں، پنجاب میں علماء و ذاکرین پر ضلع بندیاں ناقابل قبول ہے،عزاداری کو محدود کرنے کے سازشی ایجنڈے کو ہم کامیاب نہیں ہونے دینگے،ظالم اور مظلوم کو ایک لاٹھی سے ہانکنے کا عمل ختم ہونا چاہئے،ایمپلی فائر ایکٹ سے مجالس عزاء کو مستثیٰ قرار دیا جائے،ذکر محمد آل محمد میں کسی کی دل آزاری نہیں بلکہ وحدت ،اخوت اور محبت کا پیگام دیا جاتا ہے،آج کے اس علامتی مطاہرے کے بعد بھی حکمرانوں کا رویہ یہی رہا تو ہم ملک گیر احتجاج پر مجبور ہونگے،مظاہرین سے آئی ایس او پاکستان کے مرکزی رہنما توقیر عباس،علامہ وقارلحسنین نقوی،شیخ عمران علی،افسرحسین خان سمیت دیگر رہنماوُں نے خطاب کیا،مظاہرے میں عزاداران و خواتین اور بچوں کی بڑی تعداد نے شرکت کی اور حکومتی غنڈہ گردی کیخلاف نعرہ بازی کرتے رہے۔
نشترپارک کراچی سے بعد ختم مرکزی مجلس عزا ایم ڈبلیوایم کراچی ڈویژن کے تحت احتجاجی ماتمی جلوس نکالاگیا جو کہ نمائش چورنگی پر اختتام پزیر ہو،احتجاجی جلو س سےایم ڈبلیوایم کے رہنما علامہ مختار امامی ، علامہ ڈاکٹر عقیل موسیٰ اور علی حسین نقوی نے خطاب کیا اس موقع پر صغیر عابد رضوی اور ایم ڈبلیوایم کے رہنما علامہ مبشرحسن ،سید رضا نقوی سمیت عزاداران کی بڑی تعداد شریک تھی،شرکاءسے خطاب کرتے ہوئے علامہ مختار امامی نے کہا کہ آج یہ پر امن اور ہنگامی احتجاج حکمرانوں کے لئے نوشتہ دیوار ہے ،اگر عزاداری سید الشہداء ؑکے خلاف حکومتی سازشیں بند نہ ہوئیں تو ایوان اقتدار کے بام ودر ہلا کر دکھ دیئے جائیں گے۔
راولپنڈی پریس کلب کے باہر ایم ڈبلیوایم کے کارکنان نے پنجاب حکومت کی عزاداری مخالف پالیسیزکے خلاف بھر پور احتجاج کیا ،شرکاءسے خطاب کرتے ہوئے ایم ڈبلیوایم کے رہنما علامہ ساجد حسین شیرازی نے کہا کہ ملت جعفریہ کی بقاءوسلامتی عزاداری سید الشہداءؑمیں مضمرہے، یہ عزاداری ہماری ملت کیلئے آکسیجن کی مانندکاآمد ہے ہم کسی صورت اس عزاداری پر کوئی قدغن اور پابندی قبول نہیں کرسکتے۔
حیدرآباد پریس کلب کے باہر احتجاجی مظاہرے سے خطاب کرتے ہوئے ایم ڈبلیوایم رہنما علامہ امداد نسیمی اور علامہ گل حسن مرتضوی نے کہا کہ وفاقی اور صوبائی حکومت ذکر امام حسین ؑکے خلاف سازشیں بند کرے،ملتان میں بعد ختم مجلس چوک قذافی پر احتجاجی مظاہرے سے خطاب کرتےہوئے ایم ڈبلیوایم رہنما علامہ قاضی نادر حسین علوی اور دیگر نے کہا کہ یہ کیسا اسلامی جمہوری ملک ہے کہا فحاشی اور عریانی پھیلانے کیلئے کسی اجازت کی ضرورت نہیں جبکہ ذکر رسول ﷺاور آل رسول ﷺکرنے کیلئے رکاوٹوں کا سامنا ہے، رہنماوں نے کہا کہ حکمران ضرب عضب کے نتیجے میں زخم خوردہ تکفیری دہشت گردوں کو خوش کرنے کیلئے عزاداری مظلوم کربلاپر بلاجواز پابندیاں عائد کررہی ہے۔
