وحدت نیوز(اسلام آباد/گلگت/لاہور/فیصل آباد/سکھر/ سجاول/ ٹنڈومحمدخان /حیدر آباد/ملتان) مجلس وحدت مسلمین پاکستان کے فلاحی شعبے خیر العمل ورکنگ اینڈ ڈیولپمنٹ ٹرسٹ کے زیر اہتمام چیئرمین ٹرسٹ علامہ سید باقر عباس زیدی کی ہدایت پر عالمی یوم دمہ (استھما)کے موقع پر ملک گیر آگہی واکس کا اہتمام کیا گیا ، اس سلسلے میں اسلام آباد،گلگت،لاہور،فیصل آباد،سکھر، سجاول، ٹنڈومحمدخان ،حیدر آباد،ملتان  سمیت دیگر شہروں میں واک کی گئیں اور ساتھ ساتھ شہریوں میں دمہ سے متعلق آگہی پر مبنی لٹریچر بھی تقسیم کیا گیا جبکہ بعض شہروں میں فری میڈیکل کیمپ بھی لگائے گئے،جہاں ماہر ڈاکٹرز نے مریضوں کا معائنہ کیا انہیں مفت ادویات اور دمہ سے بچاو اور احتیاطی تدابیر سے بھی آگاہی فراہم کی ۔

دمہ کے عالمی دن کے موقعہ پرخیر العمل ویلفیئر اینڈ ڈویلپمنٹ ٹرسٹ کے زیر اہتمام سپورٹس گرائونڈ سپر مارکیٹ اسلام آباد سے واک کا آغا ز کیا گیا جس میں مذہبی شخصیات،سماجی نمائندوں، طلباء و طالبات،ڈاکٹرز،سکالرز اور مختلف شعبہ ہائے زندگی سے تعلق رکھنے والے والے افراد کثیر تعداد میں شریک ہوئے۔واک کا مقصد دمہ کی مرض کے نقصانات سے عام الناس کو آگاہ کرنا تھا۔  عام شہریوں نے بھی خصوصی دلچسپی ظاہر کرتے ہوئے واک کو دمے جیسے موذی مرض سے آگہی کے لیے اہم قرار دیا۔شرکاء نے کہا کہ اس طرح کی تقریبات کا انعقاد وقت کی اہم ضرورت ہے۔اس طرح کے پروگرام پر ہر سطح پر منعقد کیے جانے چاہیں۔ واک پریس کلب اسلام آباد پہنچ کر اختتام پذیر ہوئی۔دمہ کے عالمی دن کے موقعہ پر خیر العمل ویلفیئر ٹرسٹ نے ملک کے دیگر  شہروں میں بھی واک کا اہتمام کر رکھا تھا جس میں میں مختلف افراد نے بڑی تعداد میں شرکت کی۔مختلف شہروں میں موجود ٹرسٹ کی نگرانی میں چلنے والی میڈیکل سینٹرز میں دمہ آگہی کیمپ بھی لگائے گئے تھے جہاں طبی ماہرین نے عوام کو دمہ کی وجوہات ،تشخیص، علامات اور علاج سے عوام کوآگاہ کیا ۔لوگوں نے مرض کے حوالے سے ڈاکٹروں سے سوال جواب بھی کیے اور خیر العمل ٹرسٹ کے اس اقدام کو بے حد سراہا۔

دمہ کے عالمی دن کے موقعہ پرمجلس وحدت مسلمین پاکستان کے فلاحی شعبہ خیر العمل ویلفیئر اینڈ ڈویلپمنٹ ٹرسٹ کے زیر اہتمام دمہ (استھما) سے عوام الناس کو آگاہی کے لئے لاہور پریس کلب شملہ پہاڑی سے پی آئی اے بلڈنگ تک بھی واک کا اہتمام کیا گیاجس میں مذہبی شخصیات،سماجی نمائندوں، طلباء و طالبات،ڈاکٹرز،سکالرز اور مختلف شعبہ ہائے زندگی سے تعلق رکھنے والے والے افراد کثیر تعداد میں شریک ہوئے۔واک کا مقصد دمہ کی مرض کے نقصانات سے عام الناس کو آگاہ کرنا تھا۔  عام شہریوں نے بھی خصوصی دلچسپی ظاہر کرتے ہوئے واک کو دمے جیسے موذی مرض سے آگہی کے لیے اہم قرار دیا۔شرکاء نے کہا کہ اس طرح کی تقریبات کا انعقاد وقت کی اہم ضرورت ہے۔اس طرح کے پروگرام پر ہر سطح پر منعقد کیے جانے چاہیں۔ واک پریس کلب ایجرٹن روڈ پہنچ کر اختتام پذیر ہوئی۔دمہ کے عالمی دن کے موقعہ پر خیر العمل ویلفیئر ٹرسٹ نے ملک کے دیگر  شہروں میں بھی واک کا اہتمام کر رکھا تھا جس میں میں مختلف افراد نے بڑی تعداد میں شرکت کی۔مختلف شہروں میں موجود ٹرسٹ کی نگرانی میں چلنے والی میڈیکل سینٹرز میں دمہ آگہی کیمپ بھی لگائے گئے تھے جہاں طبی ماہرین نے عوام کو دمہ کی وجوہات ،تشخیص، علامات اور علاج سے عوام کوآگاہ کیا ۔لوگوں نے مرض کے حوالے سے ڈاکٹروں سے سوال جواب بھی کیے اور خیر العمل ٹرسٹ کے اس اقدام کو بے حد سراہا۔

خیر العمل ویلفیئر اینڈ ڈویلپمنٹ ٹرسٹ کے زیر اہتمام ملتان میں واک کا اہتمام کا کیا گیا، واک کا آغازچوک نواں شہر سے کیا گیا جس میں مذہبی شخصیات،سماجی نمائندوں، طلبا و طالبات، ڈاکٹرز، سکالرز اور مختلف شعبہ ہائے زندگی سے تعلق رکھنے والے والے افراد کثیر تعداد میں شریک ہوئے۔ واک کی قیادت مجلس وحدت مسلمین جنوبی پنجاب کے سیکرٹری جنرل محمد عباس صدیقی، ضلع ملتان کے سیکرٹری جنرل سید ندیم عباس کاظمی ، مولانا ہادی حسین ہادی، صوبائی رہنما مہر سخاوت علی، سید وسیم عباس زیدی اور صوبائی ترجمان ثقلین نقوی نے کی۔ واک کا مقصد دمہ کی مرض کے نقصانات سے عام الناس کو آگاہ کرنا تھا۔ عام شہریوں نے بھی خصوصی دلچسپی ظاہر کرتے ہوئے واک کو دمے جیسے موذی مرض سے آگہی کے لیے اہم قرار دیا۔شرکا نے کہا کہ اس طرح کی تقریبات کا انعقاد وقت کی اہم ضرورت ہے۔اس طرح کے پروگرام پر ہر سطح پر منعقد کیے جانے چاہیں۔ واک ملتان  پریس کلب پہنچ کر اختتام پذیر ہوئی۔ اس موقع پر دمہ جیسی موذی مرض سے آگاہی کے لیے پمفلٹ بھی تقسیم کے گئے، دمہ کے عالمی دن کے موقعہ پر خیر العمل ویلفیئر ٹرسٹ نے ملک کے دیگر شہروں وفاقی دارلحکومت اسلام آباد، کراچی، لاہور،حیدرآباد اورفیصل آباد میں بھی واک کی گئی، جس میں میں مختلف افراد نے بڑی تعداد میں شرکت کی۔مختلف شہروں میں موجود ٹرسٹ کی نگرانی میں چلنے والی میڈیکل سینٹرز میں دمہ آگہی کیمپ بھی لگائے گئے تھے جہاں طبی ماہرین نے عوام کو دمہ کی وجوہات ،تشخیص، علامات اور علاج سے عوام کوآگاہ کیا ۔لوگوں نے مرض کے حوالے سے ڈاکٹروں سے سوال جواب بھی کیے اور خیر العمل ٹرسٹ کے اس اقدام کو بے حد سراہا۔

گلگت میں رکن قانون ساز اسمبلی گلگت بلتستان حاجی رضوان علی کی قیادت میں وحدت ہائوس سے کیپٹن شہید ضمیر عباس چوک تک ریلی نکالی گئی جس میں سول سوسائٹی کے علاوہ پیرامیڈیکل سٹاف، صحافی برادری اور مجلس وحدت کے اکابرین نے شرکت کی۔اس موقع پر عوام الناس کو دمہ کے موذی مرض سے بچائو کے طریقے اور علاج کے متعلق ہیند بل/ پمفلٹ تقسیم کئے گئے۔کیپٹن ضمیر عباس چوک پر مجلس وحدت مسلمین گلگت بلتستان کے ڈپٹی سیکرٹری جنرل ڈاکٹر علی گوہر نے شرکاء ریلی سے خطاب کرتے ہوئے دمہ سے بچائو کے اصول ،دمہ کے بنیادی وجوہات اور احتیاطی تدابیر پر تفصیل سے روشنی ڈالی۔انہوں نے اپنے خطاب کے دوران کہا کہ اس بیماری کی وجہ سے ہزاروں افراد لقمہ اجل بن جاتے ہیں ،اگر عوام آگاہ ہوں تو کسی حد تک اس بیماری سے نجات ممکن ہے۔اس کے علاوہ دمہ کے مریضوں کو احتیاطی تدابیر کے ذریعے سے بہت حد تک دمہ کے شکار مریضوں کی تکلیف کو کم کیا جاسکتا ہے۔

مجلس وحدت مسلمین ضلع سکھر کے تعاون سے عالمی یوم استھما دمہ کے موقعے پر ایم ڈبلیوایم کےفلاحی شعبے خیر العمل ویلفیئر ٹرسٹ کی طرف سے ویلفیئر آفس بیراج کالونی سکھر میں  فری میڈیکل کیمپ کا انعقاد کیا گیا،کیمپ میں ڈاکٹر فیض احمد بگھیو نے دمہ کے مریضوں کا مفت معائنہ کیا اور ادویات  بھی فراہم کیں ،اس کے ساتھ ساتھ اضافی طورپر  شعبہ صحت کی طرف سے تمام دمہ کے مریضوں  کا مفت بلڈ شوگر ٹیسٹ کیمپ بھی لگایا گیا،عوامی سطح پر دمہ کے مریضوں  کے لئے کیمپ لگائے جانے کے اقدم کو بھر پور پزیرائی ملی،عوام کے ساتھ ساتھ مختلف سماجی و مذہبی تنظیموں، اراکین انجمن حیدری، حیدری جامع مسجد پرانہ سکھر و  اراکین انجمن امامیہ، مرکزی امام بارگاہ غریب آباد سکھر نے بھی کیمپ کا دورہ و استفادہ کیا۔

عالمی یوم دمہ کےموقع پر خیرالعمل ٹرسٹ شعبہ ویلفیئر مجلس وحدت مسلمین ضلع حیدرآباد کی جانب سے دمہ سے متعلق آگہی مہم کا انعقادکیا گیا،اس موقع پرسیکریٹری فلاح و بہبود ایم ڈبلیوایم ضلع حیدرآبادعابد حسین زیدی کا مختلف اسپتالوں اور گوٹھوں کا دورہ،شہریوں سے ملاقات اور دمہ سے متعلق آگہی فراہم کی اس کے علاوہ انہوں نےڈائریکٹر ہیلتھ حیدرآباد اور ایم ایس لمس سے ملاقات کی اور ایم ڈبلیوایم کے فلاحی شعبے کی جانب سے عالمی یوم دمہ پر منعقدہ آگہی مہم کے متعلق معلومات فراہم کیں جسے ڈاکٹرز نے خوب سراہا۔

 خیرالعمل فاؤنڈیشن شعبہ ویلفیئر مجلس وحدت مسلمین کےتحت سجاول میں بھی آگہی واک کا انعقاد کیا گیا ،صوبائی رہنما مختیار دایو ،ضلعی سیکریٹری جنرل مظفر لغاری ،ایم ایس سول اسپتال سجاول ڈاکٹر امیر علی شاہ ،ڈسٹرکٹ فوکل پرسن ہیلتھ ڈپارنمنٹ ڈاکٹر انور میمن ،ڈاکٹر علی شورو اس کے علاوہ سیاسی سماجی رہنماؤں ،سول سوسائٹی اور میڈیا کے افراد نے شرکت کی ،واک سول اسپتال سجاول سے مین بس اسٹاپ تک کی گئی۔

خیر العمل ویلفیئر ٹرسٹ شعبہ فلاح وبہبود مجلس وحدت مسلمین کے زیر اہتمام عالمی یوم استھما دمہ کے موقعے پہ ٹنڈومحمد خان میں بھی آگہی مہم کے سلسلے میں واک کا اہتمام کیا گیا، اس حوالے سے سرکاری اسپتال سے پریس کلب تک  دمہ کی آگاہی کے سلسلے میں ریلی نکالی گئی جس میں سرکاری ہسپتال کے ایم ایس ڈاکٹر لیاقت قمبرانی ،ڈاکٹر امیر علی چنا اور مجلس وحدت مسلمین کے سیکرٹری جنرل محمودالحسن  نے خطاب کیا جبکہ شہریوں نے بھی شرکت کی۔

عالمی یوم دمہ کےموقع پر خیرالعمل فاؤنڈیشن شعبہ ویلفیئر مجلس وحدت مسلمین کےتحت فیصل آبادمیں بھی آگہی واک کا انعقاد کیا گیا ،اس آگہی واک کا آغاز ضلع کونسل چوک سے کیا گیا اور پریس کلب پر اختتام پزیر ہوئی ، واک کی قیادت مولانا سید فضل عباس کاظمی نے کی جبکہ اس موقع شہریوں کی بڑی تعداد میں موجود تھی۔شہریوں کی جانب سے خیر العمل ویلفیئرٹرسٹ کے اس اقدام کو خوب سراہا گیا۔