وحدت نیوز (اسلام آباد) ن لیگ کا دور حکومت عوام کو ریلیف دینے میں ناکام رہا کوئی بھی قومی ادارہ منافع میں نہیں ملکی آمدن کا سب سے اہم حصہ شعبہ زراعت حکومتی نااہلی کے باعث زبوں حالی کا شکار ہے ان خیالات کا اظہار مجلس وحدت مسلمین کے مرکزی سیکریٹری جنرل علامہ راجہ ناصر عباس جعفری نے کسانوں کے وفد سے ملاقات میں کیا،ان کا کہنا تھا پاکستان ایک زرعی ملک ہے مگر شعبہ زراعت نااہل حکومت کی ناقص پالیسیوں کی بدولت دن بدن تنزلی کی طرف جار ہا ہے ۔ملک کے کسانوں اور چھوٹے زمینداروں کا کوئی پرسان حال نہیں ۔حکومتی پالیساں صرف سرمایہ دار طبقے کو فائدہ دے رہی ہیں ۔مرکزی و صوبائی سطح پر کوئی مربوط اور جامع زرعی پالیسی موجود نہیں ۔
انہوں نے مزید کہاکہ جنوبی پنجاب کے کسانوں کو مجبور کیا جار رہے کہ وہ اپنا گنا سستے داموں فروخت کریں ۔ایسے اقدام چھوٹے کسانوں کوشدید مالی مشکلات کا شکار کررہی ہیں ۔ایسا لگتا ہے کہ صوبائی حکومت خود ایسے اقدامات کر رہی کہ چھوٹے کسان خود کشی پر مجبور ہو جائیں ۔ملک میں جنگی بنیادوں پر مربوط زرعی پالیسی بنانے کی ضرورت ہے ۔زراعت کے جدید اور زیادہ منافع بخش طریقوں کو فورغ دینا وقت کی اہم ضروت ہے ۔زرعی شعبے کی ترقی ملکی خوشحالی کی ضامن ہے جس کے لئے ملک کے کسانوں کے مسائل ہنگامی بنیادوں پر حل ہونا ضروری ہیں۔
