وحدت نیوز(اسلام آباد)سنٹرل سیکرٹریٹ مجلس وحدت مسلمین اسلام آباد میں مرکزی تنظیم سازی کونسل کا اجلاس منعقد ہوا ۔ اجلاس میں صوبہ سنٹر ل پنجاب ، جنوبی پنجاب ، سندھ، بلوچستان، خیبرپختونخواہ ، گلگت بلتستان اور ریاست آزاد جموں کشمیر کے تنظیم سازی کے صوبائی سیکریٹریز نے شرکت کی ۔
اس اجلاس سے علامہ راجہ ناصر عباس جعفری حفظہ اللہ مرکزی سیکرٹری جنرل مجلس وحدت مسلمین پاکستان، علامہ حسن ظفر نقوی، علامہ محمد اقبال بہشتی رکن شوریٰ عالی ، علامہ غلام شبیر بخاری مرکزی سیکرٹری تنظیم سازی اور علامہ اعجاز بہشتی مرکزی سیکریٹری یوتھ نے خطاب کیا ۔
اجلاس میں فیصلہ کیا گیا کہ ملک بھرمیں ایم ڈبلیوایم کی تنظیم سازی کو اور بہتر کیا جائے گا، صوبائی اور ضلعی شوریٰ کے اجلاسوں کا انعقاد یقینی بنایا جائے گا اور یونٹس کی سطح پر سیٹ اپ کو مزید مضبوط بنایا جائے گا۔اجلاس کے اختتام پر علامہ سید اظہر کاظمی اور تمام شہدائے ملت کے لئے خصوصی طور پر فاتحہ خوانی کی گئی۔
