وحدت نیوز(راولپنڈی) مجلس وحدت مسلمین پاکستان کےزیر اہتمام لیاقت باغ راولپنڈی میں منعقدہ قرآن واہل بیت ؑ کانفرنس سے خطاب کرتے ہوئے ایم ڈبلیوایم کےمرکزی سیکریٹری یوتھ علامہ شیخ اعجاز بہشتی نے کہا کہ پاراچنار کی سرزمین سے اٹھنے والے مرد مجاہد شہید عارف حسین الحسینیؒ کو سلام پیش کرتے ہیں، یہ وہ عظیم شخصیت ہے جسے امام خمینیؒ نےفخر سے اپنا بیٹا کہا شہید کے خون کی پاکیزگی کی علامت ہے کہ آج شیعہ سنی علماء لیاقت باغ میں اکھٹا ہیں، کربلا سے جاری ہونے والا پیغام آج بھی ہمارے لیئے راہ نما ہے کہ ذلت کی زندگی سے عزت کی موت بہتر ہے ، شہید قائد نے بھی ذلت کی زندگی پر عزت کی موت کو ترجیح دی ۔